މިނިސްޓްރީ އޮފް އާޓްސް ކަލްޗާ އެންޑް ހެރިޓޭޖްގެ ދަށުން ހިންގާ ނޭޝަނަލް ސެންޓަ ފޮ ދި އާޓްސް އާއި ޗައިނާގެ އެމްބަސީ ގުޅިގެން މިރޭ ބާއްވާ ޗައިނާގެ ޝޯގެ ރިހާސަލެއް ބާއްވައިފިއެވެ.
މިރޭ 20:15 ގައި ފެށޭ ޗައިނާގެ ސަގާފީ ޝޯގައި ޖުމްލަ 13 އައިޓަމެއް ހުށައަޅާނެ ކަމަށް ހެރިޓޭޖު މިނިސްޓްރީގެ އެސިސްޓެންޓް ޑިރެކްޓަރު އައިޝަތު އިބްރާހިމް މަޢުލޫމާތު ދެއްވައެވެ. މީގެ އިތުރުން މަޝްހޫރު ބޮޑުބެރު ގްރޫޕް ‘ހަބޭސް’ ގެ އައިޓަމެއް އޮންނާނެ ކަމަށްވެސް އޭނާ ވިދާޅުވިއެވެ.
ޗައިނާގެ ނެށުންތަކާއި، އެކްރޮބެޓިކްސް، މާރޝަލް އާޓް ފަދަ ގިނަ ހަރަކާތްތަކެއް މިރޭގެ ޝޯ ގައި އޮންނާނެކަމަށް އެންސީއޭ އިން ބުނެއެވެ. އޮލިމްޕަހުގައި ޖާގަ އޮތް މިންވަރަކުން ޝޯ ބަލައިލުމުގެ ފުރުޞަތު ހުރިހައި ފަރާތަކަށްވެސް އާއްމުކޮށް ހުޅުވާލެވިފައި ވާކަމަށް ވެސް އެންސީއޭ އިން ބުނެއެވެ.
މިރޭ އޮލިމްޕަހުގައި އޮންނަ ޗައިނާ ސަގާފީ ޝޯގެ ރިހާސަލް ކުރިޔަށްދަނީ@MACH_MV @ikramn @DhilooDhilaa pic.twitter.com/1oHoPFpzaL
— NCA (@NCA_MDV) February 18, 2019
ޗައިނާގެ ސަގާފީ ޝޯގެ ތައްޔާރީތައް ބައްލަވައިލެއްވުމަށް މިނިސްޓަރ އޮފް އާޓްސް ކަލްޗާ އެންޑް ހެރިޓޭޖް ޔުމްނާ މަޢުމޫން ރޭގެ ވަގުތެއްގައި އޮލިމްޕަހަށް ޒިޔާރަތްކުރެއްވިއެވެ.
ޗައިނާގެ އެންބަސީ ގުޅިގެން ބާއްވާ ޗައިނާ ސަގާފީ ޝޯގެ ތައްޔާރީތައް މިނިސްޓަރ ޔުމްނާ ބައްލަވާލައްވަނީ – ފޮޓޯ: އެންސީއޭ.
ޗައިނާގެ ސަގާފީ ޝޯ ހުށައަޅައިދިނުމަށް ޖުމްލަ 40 ބައިވެރިން ރާއްޖެ އައިސްފައިވެއެވެ. މިދިޔަ އަހަރު ފެބްރުއަރީ މަހުވެސް ޗައިނާގެ ސަގާފީ ހަރަކާތްތަކެއް ދައްކުވައިދޭ ޝޯއެއް ބާއްވާފައި ވެއެވެ.
ލިޔުންތެރިޔާގެ ފުރަމަލަ
- ތަފާތު މަޢުޟޫތަކަށް ދީމާ ލިޔާނެއެވެ. އެންްމެ ޝައުޤުވެރިވަނީ ފިލްމީ ދާއިރާ އަށެވެ.
މި ލިޔުންތެރިޔާގެ ބައެއް އެހެން ލިޔުންތައް
- 25 މާރޗް 2024ރަހަފަތްއާފަލު ކޭކު – މުނިއަވަސް ރަހަފަތް
- 24 މާރޗް 2024ރަހަފަތްގާލިކް ބްރޮއިލްޑް ޗިކަން – މުނިއަވަސް ރަހަފަތް
- 23 މާރޗް 2024ރަހަފަތްބިސް ޗީޒް ޕެޓީސް – މުނިއަވަސް ރަހަފަތް
- 18 ސެޕްޓެމްބަރ 2021ޚަބަރުވަންރާޖްގެ މޫނުމަތީގައި އަނޫޕަމާ މިފަހަރު ޖެހީ ވަރަށް ވަރުގަދަ ތަފާލެއް!
