“ފޯޓީ ޕްލަސް” ބެލުމަށްފަހު އެކިއެކި ފަރާތްތަކުން އަންނަނީ ކެނޑިނޭޅި ފިލްމަށް ތަޢުރީފު ކުރަމުންނެވެ. ފިލްމު މަޖާވާހަކަ ދައްކަމުންނެވެ. ފިލްމުގެ މޮޅު ވާހަކަ ދައްކަމުންނެވެ. އެގޮތުން ފާހަގަކޮށްލެވޭ ބައެއް ކޮމެންޓްތައްް މުނިއަވަސް އިން ގެނެސްދެވޭތޯ މަސައްކަތްކޮށްލާނަމެވެ. އެންމެ ފުރަތަމަ މި ގެނެސްދެނީ މަޝްހޫރު ބަޠަލާ މަރިޔަމް އައްޒަ މި ފިލްމާއިމެދު ދެކޭގޮތެވެ.
“ފޯޓީ ޕްލަސް” އަށް އައްޒަގެ ފަރާތުން ލިބުނު ރިވިއު ވަރަށް ވެސް މުހިންމެވެ. އައްޒަ އަކީ “ފޯޓީ ޕްލަސް” އުފަންކުރުވި “ނޯޓީ ފޯޓީ”ގެ މުހިންމު އެއް ބަޠަލާއެވެ. މިވަގުތު ދިވެހި ފިލްމީ އުދަރެހުގައި އެންމެ އަލިގަދަކޮށް ފިޔަޖަހަމުން އަންނަ ތަރިވެސް މެއެވެ.
“ފޯޓީ ޕްލަސް”ގެ ޓީމުންވެސް އައްޒަގެ ކޮމެންޓް ނުވަތަ ރިވިއު ފާހަގަކޮށްފައިވަނީ ޚާއްޞަ ގޮތަކަށެވެ. ތަފާތު ސްޓައިލެއްގައެވެ.
އިނގިރޭސި ބަހާއި ދިވެހި ބަހުން އައްޒަ ލިޔެފައިވާ ރިވިއުގައި ބުނާ އެއްޗެއްގެ ފުރިހަމަ ދިވެހި ތަރުޖަމާއެއް ގެނެސްދެވޭތޯ މަސައްކަތް ކޮށްލާނަމެވެ.
“40+
އެންމެ ފުރަތަމަވެސް އަހަރެން ސެލިއުޓްކޮށްލަން ބޭނުމީ ޔޫސުފު ޝަފީޢު (ޔޫއްޕެ) ލިޔެފައިވާ ޤަބުލުކުރަންވެސް ދަތިހައި ފެންވަރު ރަނގަޅު ސްކްރިޕްޓް.!!!
އަހަންނަށް މަތަނުކުރެވޭވަރުގެ ހިނިގަނޑުއައިސް ފަޅައިގެން ދިއުމުން ހަމަ ރަނގަޅަށްވެސް ރޮވުނު. މި ހައިރާން ވާވަރުގެ މަޖާ ފިލްމު ފެށިގެންގޮސް ނިމެންދެން. ޗެންނާއީ އެކްސްޕްރެސް އަށްފަހު ފިލްމެއް ބަލާފައި މިހައި ބާރަށް އަހަންނަށް ހޭން ޖެހުނު ދެވަނަ ފިލްމަކީ މިއީ. ފުރިހަމައަށް ލިޔެ އަދި މިންހެޔޮކޮށް.. ފުރިހަމައަށް ހުށައަޅައިދީ ފައިވާ ވަރަށް ބޮޑު ހިޓެއް..!!!! މުޅި ފިލްމުން އަހަންނަށް މަޖާވިވަރު ބުނެދޭނެ ބަސްތަކެއްވެސް އަހަރެންގެ ކިބައިގައި ނެތް.. އެކަމަކު އަހަންނަށް އެނގޭހައިވެސް ކަމަކީ މި40+ ފިލްމު އިތުރު ތިންފަހަރަށް ބެލިޔަސް ފޫހިވުމެއް ނެތި ބެލޭނެން..!!! އުފެއްދުންތެރި ޚިޔާލުތައް..ކޮންސެޕްޓް..ކުރިމަތިވާ ހާދިސާތައް..ކެރެކްޓަރތައް..ހުށައަޅައިދިނުން…މިއީ ދިހަ ތަރި ދޭހައިވެސް މޮޅު ކަންތައްތައް..!!! ޝީލާ ނަޖީބް ކީކޭ ބުނާނީ… ހުވާ މިކުރީ.. މަޖާޒީ ގޮތުން ބުނާނަމަ ޝީލާގެ އެކްޓިން ފެނިފައި އަހަންނަށް ފަހަރުވާވެސް ލެވުނު..ވަރަށް ރަނގަޅު މަސައްކަތެއް ލޯބީ
އެއްވެސް ޝައްކެއް ނެތްގޮތުގައި ތީ އެންމެ މޮޅު ސްޓާ
މިއީ ހަމަ ކޮންމެހެންވެސް ބަލަންޖެހޭ ފިލްމެއް..!!! ސީރިއަސްކޮށް މިބުނީ ހުރިހައި އެންމެންވެސް މިހާރުން މިހާރަށް ޓިކެޓް ގަނޭ..!!! އަހަރެން ބާޖުމަރާފަ (ބެޓްކޮށްފަ) ބުނަން ގޮނޑީގައި އިށީންދެގެން ހިމޭނުން ހަމަ އެންމެ މިނެޓަކުވެސް ނުއިނދެވޭނެ..!!! މި ފިލްމް ބަލައިލުމަކީ ވަރުގަދައަށް ހީލައި އާއިލާއާއި ރައްޓެހިންނާ އެއްކޮށް ކޮލިޓީ ވަގުތުކޮޅެއް ހޭދަކޮށްލަން އެންމެ ރަނގަޅު ގޮތް..!!! ފޯޓީ ޕްލަސް އަށް ކާމިޔާބަށް އެދެން ހަމަ..!!! އަދި މިލިޔަނުން ޝުކުރުވެރިވަން މި މާސްޓާ ޕީސްގެ ބައެއްގައި އަހަރެން ހިމެނީތީ..!!! އިސްމާޢީލް ޝަފީޤް ޕްލީޒް މިފަދަ އުފެއްދުންތައް ގިނައިން ޕްރޮޑިއުސްކުރޭ އިނގޭ…!!
“
މިއީ އައްޒަގެ ރިވިއުއެވެ. ކުރިއަށްވެސް ބައިވަރު ރިވިއުތައް އެބަހުއްޓެވެ. ފިލްމުގެ ފަސްވަނަ ޝޯ އަށް މިރޭ “ފޯޓީ ޕްލަސް”ގެ ޓީމުން ތައްޔާރުވަނީވެސް ހައުސްފުލް ޝޯއެއް ގެނެސްދިނުމަށެވެ. ފިލްމުގެ ކުރިއަށް ހުރި ޝޯތަކަށް މިހާރުވެސް ޓިކެޓް ވިކެމުންދަނީ އެވެ.
“ފޯޓީ ޕްލަސް”ގެ20 ޝޯ އޮލިމްޕަހުގައި އަޅުވާނެއެވެ. ޝްވެކް ސިނަމާއަށްވެސް މި ފިލްމު އަންނާނެ ކަމަށް “ފޯޓީ ޕްލަސް”ގެ ޓީމުން ބުނެއެވެ. ރަށްރަށުގައި މިމަހުގެ14 އިން ފެށިގެން އަޅުވަން ފަށާނެއެވެ. މިހާރު ބައެއް ރިޒޯޓްތަކުގައި ފިލްމު އަޅުވަމުން އަންނަކަން ފާހަގަކޮށްލަމެވެ.
ފިލްމުގެ ޓްރެއިލާ އިން އެފެންނަނީ ފިލްމުން ފެންނަ މަޖާ ކަންތައްތަކުގެ ކުޑަތަންކޮޅެކެވެ. ފިލްމު އެއްކޮށް ބަލައި ނިމޭއިރު ހީނހީނ އަވަދިވާނެކަމުގެ ޔަޤީންކަން ފިލްމު ބެލި ކޮންމެ މީހަކުވެސް ދޭނެއެވެ.
ލިޔުންތެރިޔާގެ ފުރަމަލަ
- ތަފާތު މަޢުޟޫތަކަށް ދީމާ ލިޔާނެއެވެ. އެންްމެ ޝައުޤުވެރިވަނީ ފިލްމީ ދާއިރާ އަށެވެ.
މި ލިޔުންތެރިޔާގެ ބައެއް އެހެން ލިޔުންތައް
- 25 މާރޗް 2024ރަހަފަތްއާފަލު ކޭކު – މުނިއަވަސް ރަހަފަތް
- 24 މާރޗް 2024ރަހަފަތްގާލިކް ބްރޮއިލްޑް ޗިކަން – މުނިއަވަސް ރަހަފަތް
- 23 މާރޗް 2024ރަހަފަތްބިސް ޗީޒް ޕެޓީސް – މުނިއަވަސް ރަހަފަތް
- 18 ސެޕްޓެމްބަރ 2021ޚަބަރުވަންރާޖްގެ މޫނުމަތީގައި އަނޫޕަމާ މިފަހަރު ޖެހީ ވަރަށް ވަރުގަދަ ތަފާލެއް!
