އަލްއުސްތާޛު އިބްރާހީމް ޝިހާބުގެ ވާދައިގެ ތަށްޓަށް ބާއްވާ ވާހަކަދެއްކުމުގެ 34ވަނަ ޤައުމީ މުބާރާތުގައި ބައިވެރިވުމުގެ ފުރުޞަތު ދިވެހިބަހުގެ އެކެޑަމީން ހުޅުވާލައިފި އެވެ.

ދިވެހިބަހުގެ އެކެޑަމީގެ 2019ވަނަ އަހަރުގެ އަދަބީ ކަލަންޑަރުގައި ހިމެނިފައިވާ އަލްއުސްތާޛު އިބްރާހީމް ޝިހާބުގެ ވާދައިގެ ތަށްޓަށް ބާއްވާ ވާހަކަދެއްކުމުގެ 34ވަނަ ޤައުމީ މުބާރާތް ބެހިފައިވަނީ:

1. އިސްކޫލުތަކުގެ ބައި (ތަރަހަ ގިންތި، ދަށު އިބްތިދާއީ ގިންތި، އިބްތިދާއީ ގިންތި، ދަށު ސާނަވީ ގިންތި، ސާނަވީ ގިންތި އަދި މަތީ ސާނަވީ ގިންތި)

2. މަތީ ތަޢުލީމުގެ ބައި ) ޔުނިވަރސިޓީ / ކޮލެޖު/ އިންސްޓިޓިއުޓް/ އެކެޑަމީ)

3. އަމިއްލަފަރާތްތަކުގެ ބައި ( 18 އަހަރުން ދަށުގެ އުމުރުފުރާ/ 18 އަހަރުން މަތީގެ އުމުރުފުރާ)

4. އޮފީސް/ ކުންފުނި/ ކުލަބު/ ޖަމުޢިއްޔާ/ ޖަމާޢަތްތަކުގެ ބައިގެ މައްޗަށެވެ.

މުބާރާތް ފަށަން ހަމަޖެހިފައިވަނީ 2019 އެޕްރީލް 1ވަނަ ދުވަހު ކަމަށް ދިވެހިބަހުގެ އެކެޑަމީން ބުނެއެވެ.

މި މުބާރާތުގެ ކޮންމެ ބައެއްގެ ކޮންމެ ގިންތިއަކުން ކަނޑައަޅައިފައިވާ ދާއިރާތަކަށް މައުޟޫޢުތައް ހުށަހެޅުމުގެ ފުރުސަތު 2019 މާރިޗު މަހުގެ 25ވާ ހޯމަ ދުވަހުގެ 13:00ގެ ނިޔަލަށް ވަނީ ހުޅުވައިލެވިފައެވެ. މައުޟޫޢުތައް ފޮވުނާނީ އީމެއިލް [email protected]އަށް ކަމަށް އެކެޑަމީން ބުނެއެވެ. މުބާރާތުގެ މައުޟޫޢުތައް ކަނޑައަޅާނީ ދިވެހިބަހުގެ އެކެޑަމީން ކަމަށާއި މުބާރާތުގެ މައުޟޫޢުތައް މުބާރާތް ފެށުމުގެ މަދުވެގެން 15 ދުވަސް ކުރިން އެކެޑަމީގެ ވެބްސައިޓުން ލިބެން ހުންނާނެކަމަށް ދިވެހިބަހުގެ އެކެޑަމީން ބުނެއެވެ.

މުބާރާތުގައި ބައިވެރިވާން އެދޭ ފަރާތްތަކުން ފޯމު ފުރިހަމަކުރުމަށް ފަހު ބައިވެރިވާ ފަރާތުގެ މުއްދަތު ހަމަނުވާ ދިވެހިރައްޔިތެއްކަން އަންގައިދޭ ކާޑު ނުވަތަ ފޮޓޯ ޖެހި ރަސްމީ އަސްލު ލިޔުމެއްގެ ނަކަލު، 2019 މާރިޗު 25ވާ ހޯމަ ދުވަހުގެ 13:00ގެ ކުރިން މި މުބާރާތުގެ ތަކެތި ހުށަހަޅާން ހަމަޖެހިފައިވާ އީމެއިލް [email protected]އަށެވެ.

އީމެއިލް ކުރެއްވުމުގައި ދަތިތަކެއް ކުރިމަތިވެއްޖެ ނަމަ ލަސްނުކޮށް އެކެޑަމީގެ ފޯނު ނަންބަރު 7772816އަށް ގުޅުމަށް ވެސް ދިވެހިބަހުގެ އެކެޑަމީން އެދެއެވެ.

އަލްއުސްތާޛު އިބްރާހީމް ޝިހާބުގެ ވާދައިގެ ތަށްޓަށް ބާއްވާ ވާހަކަދެއްކުމުގެ 34ވަނަ ޤައުމީ މުބާރާތުގެ ގަވާއިދާއި ބައިވެރިވާން އެދޭ ފޯމާއި މުބާރާތާ ގުޅުން ހުރި އެހެނިހެން ލިޔެކިޔުންތައް ދިވެހިބަހުގެ އެކެޑަމީންނާއި  އެކެޑަމީގެ ވެބްސައިޓް www.dhivehiacademy.edu.mvން ލިބެން ހުންނާނެ ކަމަށް ދިވެހިބަހުގެ އެކެޑަމީން ބުނެއެވެ.

އަލްއުސްތާޛު އިބްރާހީމް ޝިހާބުގެ ވާދައިގެ ތަށްޓަށް ބާއްވާ ވާހަކަދެއްކުމުގެ 34ވަނަ ޤައުމީ މުބާރާތުގައި ބައިވެރިވުމުގެ ފުރުޞަތު(އިސްލާހު) އެއް މިއަދު ވަނީ ދިވެހިބަހުގެ އެކެޑަމީން އާއްމުކޮށްފައެވެ.

ލިޔުންތެރިޔާގެ ފުރަމަލަ

ޢަލީ އަޖްވާން
އަޖްވާން އެންމެ ޝަޢުޤުވެރިވަނީ ފިލްމީ އަދި މިއުޒިކީ ޚަބަރާއި މަޢުލޫމާތު ގެނެސްދިނުމަށެވެ.

ގުޅުންހުރި ލިޔުން: