– “ފޯޓީ ޕްލަސް”ގެ އެންމެ ފަހު ތިން ޝޯ ދެއްކުމަށް މިހާރު ހަމަޖެހިފައިވަނީ މާރިޗް 25، 26 އަދި 27 ގައި

ޝައި ޕްރޮޑަކްޝަން އާއި ޔޫއްޕެ ޕްރޮޑަކްޝަން އިން އުފައްދައި މިމަހު ފަހަކުން ފެށިގެން ކާމިޔާބުކަމާއެކު އޮލިމްޕަހުގައި ދައްކަމުންދާ މެގަހިޓް ފިލްމު “ފޯޓީ ޕްލަސް” ބެލުމަށް ބޭނުންވާ އެތައް ބައެއްގެ އެދުމުގެ މަތިން ފިލްމުގެ އިތުރު ތިން ޝޯ ބޭއްވުމަށް ނިންމައިފިއެވެ.

“ފޯޓީ ޕްލަސް”ގެ ޕްރޮޑަކްޝަން ޓީމުން މުނިއަވަސް އަށް ބުނީ ފިލްމަށް ލިބެމުންދާ ތަރުޙީބު ވަރަށް ބޮޑުކަމަށާއި މާލޭ އޮލިމްޕަހުގައި ފިލްމު ބެލުމަށް ބޭނުންވާ އެތައް ބަޔަކު ކެނޑިނޭޅި އެދެމުންދާތީ ފިލްމުގެ ތިން ޝޯ އިތުރުކޮށްފައިވާކަމަށެވެ.

“ޝޯތައް މި އިތުރުކުރަނީ ކެނޑިނޭޅި ފިލްމު ބެލުމަށް ބެލުންތެރިން އެދެމުންދާތީ އާ މެދުކަނޑައިލުމެއްނެތި ފިލްމު ދެއްކުމަށް އޮލިމްޕަސް ލިބިފައިވެސްވާތީ.” ފިލްމުގެ ޑައިރެކްޓަރ ޔޫސުފު ޝަފީޢު (ޔޫއްޕެ) މުނިއަވަސް އަށް ބުންޏެވެ.

އަހަރުގެ ބޮޑު ފިލްމުގެ ގޮތުގައި އިޝްތިހާރުކުރަމުން އަންނަ “ފޯޓީ ޕްލަސް”އަކީ ހަމަ ހަޤީޤަތުގައިވެސް އަހަރުގެ ބޮޑު ފިލްމަށް ވެއްޖެކަމަށް އެތައް ބަޔަކު ބުނަމުންދާއިރު، ފިލްމު ބެލުމަށްފަހު ބެލުންތެރިން ކުރަމުންދާ ތަޢުރީފުގެ ބަސްތައް އޮހެމުންދާކަމީ ފާހަގަކޮށްލެވޭ ކަމެކެވެ.

މާލޭގައި “ފޯޓީ ޕްލަސް”ގެ އެންމެ ފަހު ތިން ޝޯ ދެއްކުމަށް މިހާރު ހަމަޖެހިފައިވަނީ މާރިޗް 25، 26 އަދި 27 ގައެވެ. މާލޭގެ ޝޯ ތަކަށްފަހު އޭޕްރީލް މަހުގެ ފުރަތަމަ ހަފުތާ ތެރޭގައި ހުޅުމާލޭ ޝްވެކް ސިނަމާގައި ފިލްމު ދެއްކުމަށް ހަމަޖެހިފައިވާކަމަށް “ފޯޓީ ޕްލަސް” ޓީމުން ބުނެއެވެ.

“ފޯޓީ ޕްލަސް” އަށް އަތޮޅު ތެރެއިން ބޮޑު ތަރުހީބެއް ލިބެމުންދާއިރު، ނިމުނު ހަފުތާ ބަންދުގައިވެސް ގިނަ ރަށްތަކެއްގައި ފިލްމު ދައްކާފައިވެއެވެ. “ފޯޓީ ޕްލަސް” ޓީމުން ބުނީ މިއަހަރު، މިވަރުގެ ކާމިޔާބު ފިލްމެއް އެހެން ޕްރޮޑަކްޝަން ހައުސްއަކަށް ނޫފެއްދޭނެ ކަމަށް ވަރަށް ބޮޑަށް ޤަބޫލުކުރާ ކަމަށެވެ.

“ފޯޓީ ޕްލަސް” އަކީ އެތައް ފަހަރަކު ބަލައިލަންޖެހޭ ވަރުގެ މޮޅު ފިލްމެއް ކަމަށް އެތައް ބަޔަކު ބުނަމުންދާއިރު ހަތަރެއް ނުވަތަ ފަސް ވަރަކަށް ފަހަރު “ފޯޓީ ޕްލަސް” ބަލާފައިވާނެކަމަށް ވެސް ބައެއް ބެލުންތެރިން ދަނީ ބުނަމުންނެވެ.

“ފޯޓީ ޕްލަސް” ގެ ބެލުންތެރިއަކު ކޮށްފައިވާ ކޮމެންޓެއް

ތ. ބުރުނީގައި މަންޒަރުތައް ނަގާފައިވާ “ފޯޓީ ޕްލަސް” އަކީ ފިލްމުގެ ޕްރޮޑަކްޝަން ޓީމުން ޔަޤީންކަން ދިންގޮތަށް ބެލުންތެރިން ހެއްވާލާފައިވާ މޮޅު ފިލްމެކެވެ.

ފިލްމުގެ މައިގަނޑު ތަރިންނަކީ ސީޒަން، މުހައްމަދު މަނިކު، ޔޫއްޕެ، އަލީ ޝާހިދު (ސްޓެޕް އައްޔަ)، އަހްމަދު އީސާ، މައިޝާ އަހްމަދު ސައީދު، ޝީލާ ނަޖީބު، މުހައްމަދު ފައިސަލް، މަރިޔަމް ޝަކީލާ، އަލީ އާޒިމް (ދޮން އައްޔަ) އަދި ފާތިމަތު އާޒިފާ (އަޒޫ) އެވެ. މީގެ އިތުރުން ދެވަންސޫރައިން ފިލްމީ ދާއިރާއަށް ތައާރަފުވި، ޝިފާ، އާނަންދު އަދި މަރިޔަމް ޝަކީލާ އާއި މުޅިން އަލަށް ތައާރަފުވާ ބަތަލާ އިރްފާނާ އިބްރާހީމްވެސް ހިމެނެއެވެ.

“ފޯޓީ ޕްލަސް”ގެ އޮންލައިން މީޑިއާ ޕާޓްނަރަކީ މުނިއަވަސް އެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު

ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

މި ލިޔުންތެރިޔާގެ ބައެއް އެހެން ލިޔުންތައް

• 29 ޑިސެމްބަރ 2024ޚަބަރު“ރޯމްދުނިޔެ” އިން އީސިމް ނެގުން ދިވެހީންނަށް މާ ސަޅިވާނެ!
• 27 ޑިސެމްބަރ 2024ޚަބަރުޑާކް ރެއިން އިން މިފަހަރު “ފެށުމާއި ނިމުން”
• 24 ޑިސެމްބަރ 2024ޚަބަރުނިޝާ އާރްޖޭއަކަށް!
• 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!