ޑާކްރެއިން އެންޓަޓެއިންމެންޓްގެ ކޮމެޑީ ފިލްމު “މާމުއި“ގެ ރަސްމީ ޓްރެއިލަރ އޭޕްރީލް އެކެއްގައި ރިލީޒްކުރާނެ ކަމަށް އެ ސްޓޫޑިއޯ އިން ބުނެފިއެވެ.

ހުރިހައި މީޑިއާތަކަށް ދަޢުވަތު 01 އޭޕްރީލް 2019 ވަނަ ދުވަހުގެރޭ 08:00 ގައި ބާއްވާ އިވެންޓްގައި “މާމުއި“ގެ ރަސްމީ ޓްރެއިލަރ ރިލީޒްކުރަން ނިންމާފައިވާ ވާއިރު ފިލްމާމެދު ޕްރޮޑިއުސަރ މުޙައްމަދު ޢަލީ (މޮގާ) ބުނީ، “އެއްފަހަރު ބަލައިފި ނަމަ އަނެއް ފަހަރު ވެސް ބަލާ ހިތްވާނެ. ހެއްވާ މަޖާ ގިނަ ކަންތައްތަކެއް އެކުލެވިގެންވާނެ،” ކަމަށެވެ. މޮގާ ބުނީ އާއްމުކޮށް މީސްމީޑިއާގެ ވަޞީލަތްތައް މެދުވެރިކޮށް އާއްމުންނަން ޓްރެއިލަރ ފެންނާނީ އެރޭ 09:00 ން ފެށިގެން ކަމަށެވެ.

ހެއްވާ މަޖާ ޖޯންރާ އަކަށް ޑާކްރެއިން އެންޓަޓެއިންމަންޓުން އުފައްދާ “މާމުއި“ ފިލްމާމެދު ޕްރޮޑިއުސަރު، މުހައްމަދު އަލީ (މޮގާ) ބުނީ، މި ފިލްމަކީ ރާއްޖޭގައި މިހާތަނަށް އުފައްދާ އެންމެ އަގު ބޮޑު ފިލްމު ކަމަށްވެފައި، ބޮޑު ކާސްޓަކާއެކު ގެނެސްދޭ މި ފިލްމަށް ކުރެވޭ އުއްމީދު ވެސް ވަރަށް ބޮޑު ކަމަށެވެ.

މޮގާގެ އަންހެނުން އައިޝަތު ފުއާދު އަދި އަލީ ޝިފާއުގެ ސްކްރީންޕްލޭ ލިޔެ ޢަލީ ޝިފާޢު ޑައިރެކްޓްވެސް ކުރަމުން އަންނަ “މާމުއި“ ގައި ހަރަކާތްތެރިވާ ތަރިންގެ ތެރޭގައި ޖުމައްޔިލް (ޖުމަލް) ނިމާލް، މަރިޔަމް އައްޒަ، މުހައްމަދު ފައިސަލް، މަރިޔަމް (މަޖޫ) މަޖުދާ، ޝީލާ ނަޖީބް، ނުޒުހަތު (ނުޒޫ) ޝުއައިބް، އިބްރާހީމް (ފުބޫ) ޝާފިއު، އިސްމާއިލް (ޖުމާ) ޖުމައިހް، އަހުމަދު ސުނީ، ހަމްދާން ފާރޫގް، މަރިޔަމް ނޫރާ، އަލީ ޝަޒްލީމް، އާދަމް (ރެކްސް) ރިޒްވީ، އަހުމަދު (ޝާއްކޮ އައްމަޑޭ) ޝާކިރު އަދި އިބްރާހީމް އަމާން ފަދަ ތަރިން ހިމެނެ އެވެ.

މި ފިލްމުގެ ކާސްޓަށް އިތުރުވެފައިވާ ތަރިންގެ ތެރޭގައި ހިމެނެނީ ދިވެހި ފިލްމު އިންޑަސްޓްރީގައި މިހާރު އެންމެ ޑިމާންޑް ބޮޑު ބަތަލާ މަރިޔަމް އައްޒަ، ބަތަލާ ޝީލާ ނަޖީބު، އިބްރާހިމް އަމާން، މާރިއާ ތްރޭސާ އަދި އަޙްމަދު ސަޢީދުގެ އިތުރުން އަލީ ޝަޒްލީމް އެވެ. ފިލްމުގެ ބޮޑު ކާސްޓަށް އެންމެ ފަހުން އިތުރުވެގެން ދިޔަ ތަރިއަކީ ފިލްމީ މަސައްކަތަށް އަލަށް ތަޢާރަފުކުރާ ހަމޫދު އެވެ. މޯލްޑިވިއަން އައިޑަލް އިން ވިދާލުމަށްފަހު މިއުޒިކުގެ ދާއިރާގައި ސާބިތިކަމާއެކު ހުރި ހަމޫދު ވެސް މިކަން ޔަޤީންކޮށްދެއެވެ.

ބޮޑު ކާސްޓަކާއެކު އުފައްދާ މި ފިލްމުގައި މި ތަރިންނަށް ދީފައިވަނީ މީގެ ކުރިން ދިވެހި ފިލްމުތަކުގައި ބޭނުން ނުކުރާ ޒާތެއްގެ ނަންތަކެކެވެ. ރޮމާނީ، ސަލްމާން، ތާންޔާ ފަދަ ނަންތަކުން އެކަނިވެސް މިއީ ޑާކްރެއިން އިން ނެރޭނެ އާދައިގެ ފިލްމެއް ނޫންކަން އެނގެ އެވެ.

“މާމުއި“ ގެ ޑައިރެކްޓަރު އަލީ ޝިފާއު (ޗިއްޕެ) މީގެ ކުރިން ބުނެފައި ވަނީ ”މާމުއި“ އަކީ ވަރަށް ތަފާތު ކޮމެޑީ ފިލްމެއް ކަމަށެވެ.

ޑާކްރެއިން އެންޓަޓެއިންމަންޓް އިން ބުނީ އެ ފިލްމަކީ އެ ޓީމުން އުފައްދާ އެންމެ ބޮޑު އަދި އެންމެ ތަފާތު ޕްރޮޖެކްޓް ކަމަށެވެ.

ލިޔުންތެރިޔާގެ ފުރަމަލަ

މަރިޔަމް ދީމާ
ތަފާތު މަޢުޟޫތަކަށް ދީމާ ލިޔާނެއެވެ. އެންްމެ ޝައުޤުވެރިވަނީ ފިލްމީ ދާއިރާ އަށެވެ.

ގުޅުންހުރި ލިޔުން: