މޯލްޑިވިއަން އައިޑޮލް ސީޒަން ދެއަކުން ދެވަނަ ހޯދި ހަމޫދު އަޙްމަދުގެ “ޝައްކު” ލަވައިގެ އޯޑިއޯ ރިލީޒްކޮށްފިއެވެ. ލަވަފޮށި އެޕްލިކޭޝަނަށް އޯޑިއޯ ރިލީޒްކޮށްފައިވާއިރު، “ޝައްކު” ގެ ވީޑިއޯ ލަވަ ވެސް ވަރަށް އަވަހަށް ނެރޭނެކަމަށް ހަމޫދު މަޢުލޫމާތު ދެއެވެ.
ތަފާތް ސްޓައިލަކަށް ކޮމްޕޯސްކޮށްފައިވާ “ޝައްކު” ލަވައަކީ ވަރަށް ހިތްގައިމު ލަވައެކެވެ. ލަވައާއިބެހޭ އިތުރު މަޢުލޫމާތު މުނިއަވަސް އާ ހިއްސާކުރަމުން ޒުވާން ލަވަކިޔުންތެރިޔާ ހަމޫދު ބުނީ މި ލަވައިގެ 99 އިންސައްތަހެން ހުރިހައި ބީޓްތަކަކީ ’ބީޓްބޮކްސް‘ ކޮށްފައިވާ ބީޓްތަކެކެވެ. ބީޓް ބޮކްސަރ އަކީ އަކްރަމް އެވެ.
ލަވައިގެ ލިރިކްސް ހަދާފައިވަނީ މުސްތާޤް އެވެ. އިއްޔަ މުސްތާޤް ޕްރޮޑިއުސްކޮށް އުފައްދާ، ވީޑިއޯ ލަވަވެސް ރިލީޒްކުރުމަށް ނިންމާފައިވާ ”ޝައްކު“ މި ލަވަ އަކީ ދިވެހި ލަވައެއް ނަމަވެސް އެތަކެއް ބަސްތަކަކުން ވަރަށް މޮޅަށް ހަމޫދު ކިޔާފައިވާ ތަފާތު ބައެއްވެސް މި ލަވައިގައި ހިމެނެ އެވެ.
މި ލަވައިން ޓްރޯގެ ކުޅަދާނަ ރެޕްކުރުންވެސް އިވިގެންދެއެވެ.
ހަމޫދުގެ ގިނަ އުފެއްދުންތަކެއް މިއަހަރު ފެންނާނެކަމަށް އޭނާ ވަނީ ބުނެފައެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
