ފައްސި އާއި ނައްސި ދަންނަމުހޭ އަހައިލުމުން އެއީ ކޮން ބައެއްހޭ ހިތަށް އަރައިފި ދޯއެވެ. އެހެންވެސް ވެދާނެ އެވެ. މި ޒަމާނުގެ ކުދިވެރިން ވަނަމުގެ ގޮތުގައި މިފަދަ ނަންނަން ބޭނުންކުރޭދޯ އެވެ.

ނަމަވެސް މިއީ އެހެން ފައްސި އަކާއި ނައްސި އެކެވެ. އިނގިރޭސި ބަހުގައި އަދި ވަކިން ޚާއްޞަކޮށް ސައިންސް ޢިލްމުގައި ބޭނުންކޮށްއުޅޭ ‘ޕޮޒިޓިވް’ އާއި “ނެގެޓިވް’ އަށް ބޭނުންކުރާނެ ދިވެހި ލަފުޒެއް އެނގޭހޭ މިއީ ވަރަށް ގިނަ މީހުން އަހައި އުޅޭ ސުވާލެކެވެ. އެ ސުވާލަށް ލިބޭނެ އެންމެ ރަނގަޅު ޖަވާބަކީ މިއީއެވެ. އާދެ، ފައްސި އާއި ނައްސި އެވެ.

ފައްސި ނއ.
1. އެއްޗެއްގައި ނުވަތަ މީހެއްގައި ވަކި ކަމެއް ނުވަތަ ވަކި ސިފައެއް ހުރިތޯ ބަލަން ކުރާ ޓެސްޓަކުން އެ ކަމެއް ނުވަތަ އެ ސިފައެއް ހުރިކަމަށް ދައްކާ.
2. އެދެވޭ ނުވަތަ ރުހެވޭ.
މިސާލު: މަނިކުގެ ޓެސްޓުތަކުން ދައްކާ ގޮތުގައި އޭނާ ހުރީ ކެންސަރަށް ފައްސި ވެފައެވެ.

ފައްސި ނ.

ކަރަންޓު ނަރުގައި ހުންނަ ޝޮކު ލިބޭ ޗާޖު ހުންނަ ތަން.
POSITIVE

ނައްސި ނއ.
1. އެއްޗެއްގައި ނުވަތަ މީހެއްގައި ވަކި ކަމެއް ނުވަތަ ވަކި ސިފައެއް ހުރިތޯ ބަލަން ކުރާ ޓެސްޓަކުން އެ ކަމެއް ނުވަތަ އެ ސިފައެއް ހުރިކަމަށް ނުދައްކާ.
2. ނޭދެވޭ ނުވަތަ ނުރުހެވޭ.
މިސާލު: ތިޔަ ގެންގުޅެނީ ވަރަށް ނައްސި ވިސްނުމެކެވެ.

ނައްސި ނ.
ބެޓެރީގެ ކަރަންޓު ދޫކުރާ ކޮޅު.
NEGATIVE

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: