މިނިސްޓްރީ އޮފް ޖެންޑަރ، ފެމެލީ އެންޑް ސޯޝަލް ސާރވިސަސް އާއި ނުކުޅެދުންތެރިކަން ހުންނަ މީހުންގެ ޙައްޤުތައް ހިމާޔަތްކުރާ ކައުންސިލުން ގުޅިގެން ދޭ “ރިވެލި އެވޯޑް 2019” މިފަހަރު 21 ފަރާތަކަށް ދީފިއެވެ.
އިސްލާމީ މަރުކަޒުގެ ޖަލްސާކުރާ މާލަމުގައި ބޭއްވި މި ޙަފުލާގައި ނުކުޅެދުންތެރިކަން ހުންނަ މީހުންނާއި، މިދާއިރާގައި މަސައްކަތްކުރައްވާ އެކިއެކި ފަރާތްތަކުގެ މަސައްކަތުގެ އަގުވަޒަންކުރުމުގެ ގޮތުން ދެވޭ ޚާއްޞަ އެވޯޑްތައް ހަވާލުކޮށްދެއްވީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙެވެ. މި އެވޯޑްތަކުގެ ތެރޭގައި ރިވެލި އެވޯޑާއި ރައީސުލްޖުމްހޫރިއްޔާ ދެއްވާ އެވޯޑް ހިމެނެއެވެ.
މިފަހަރު އެވޯޑު ލިބުނު 21 ފަރާތަކީ:
– ނަޙްވާން ޔޫސުފް، ތަންހަޅިއާގެ / ޅ.ނައިފަރު
– އަޔާން އާލް ބިން އަޙްމަދު ނާސިރު / މ.އަބާނާ
– އަބްދުﷲ ޝިއާއު، ދެވެލި / ސ މަރަދޫ
– ސިފުނާ އިބްރާހީމް، ފެހިވާދީ/ މ.މުލައް
– އަހުމަދު ނަހުޔާން ފައިސަލް، ނޫޑަލްހީ/ ޏ.ފުވައްމުލައް
– މަރިޔަމް ލުމައިހާ އާދިލް، / މ. ސާނިޔާ
– މުޙައްމަދު ނިޔާފް، ލޫބިޔާ، / ލ.ފޮނަދޫ
– ވަސްމީ ވަހީދު، ސޯސަންމާގެ/ ބ.ތުޅާދޫ
– ޢަލީ އަމީން / ގ.ރަންރީދޫގެ
– މުހައްމަދު ރައިޝާން އަހުމަދު، ހުސްނޫވިލާ / މ.މުލައް
– އަލްހާފިޒު އަހުމަދު ނަބީހު އަބްދުލްޤާދިރު، މާބަގީޗާގެ / ލ.މާވަށް
– މަރްޔަމް ނޫރާ ރަޝާދު / މއ.ސެނަކާ
– ފާތިމަތު އިބްރާހީމް، ކާނިމާގެ / ޅ.ހިންނަވަރު
– އަލްހާފިޒު އަލީ އަމްޖަދު، ރަބީއު / ހދ.ކުޅުދުއްފުށި
– ޝަފީނާޒް ސައީދު، ހީނާމާގެ / ގއ.ކޮލަމާފުށި
– ރަޙުމާ އީސާ، ހ.ފިލްމީ / ސައިޓް
– ދިމްނާ ފާކިރު، ގުލްދަސްތާގެ / ސ.ފޭދޫ
– މޯލްޑިވްސް އޯޓިޒަމް ސެންޓަރ
– ބްލައިންޑް އެންޑް ވިޝުއަލީ އިމްޕަޔަޑް ސޮސައިޓީ އޮފް މޯލްޑިވްސް
– ސްޓޭޓް އިލެކްޓްރިކް ކޮމްޕެނީ ލިމިޓެޑް
– ރޭޑިއޯ އެޓޯލް
މި ރަސްމިއްޔާތުގައި ވާހަކަފުޅު ދައްކަވަމުން ރައީސުލް ޖުމްހޫރިއްޔާ އިބްރާހިމް މުޙައްމަދު ޞާލިޙް ވިދާޅުވީ ސަރުކާރުގެ ސިޔާސަތުތައް ތަންފީޒުވެގެންދާއިރު، ނުކުޅެދުންތެރިކަން ހުންނަ މީހުންނާއި ކުދިންނަށް މިހާރަށް ވުރެ މާ އުފާވެރި މާ ހިތްފަސޭހަ ދިރިއުޅުމެއް ފެނިގެން ދާނެކަމުގައެވެ.
މިރަސްމިއްޔާތުގައި ވާހަކަފުޅުދައްކަވަމުން މިނިސްޓަރ އޮފް ޖެންޑަރ ފެމިލީ އެންޑް ސޯޝަލް ސަރވިސަސް ޝިދާތާ ޝަރީފު ވިދާޅުވީ ނުކުޅެދުންތެރިކަން ހުންނަ މީހުންނަށް ބޭނުންވާ އެހީ ހޯދުމަށް އެފަދަ ޢާއިލާތަކުން ސަލާން ޖެހުން ހުއްޓުވަން ޖެހޭ ކަމަށެވެ. އެފަދަ ޢާއިލާތަކަށާއި އެކުދިންނަށް ބޭނުންވާ އެކި ކަންކަން ކުރުމުގައި އެކި ބާވަތުގެ އެހީތެރިކަން ބެނުންވާއިރު އެއީ ސަލާންޖަހައިގެން އާދޭސްކޮށްގެން އެޢާއިލާތަކަށް ދޭންޖެހޭ ކަންކަމަށް ހެދުން ހުއްޓުވަން ޖެހޭ ކަމަށް ޝިދާތާ ވިދާޅުވިއެވެ.
ރާއްޖޭގައި މިހާރު ތިބި ނުކުޅެދުންތެރިކަން ހުންނަ މީހުންނާއި ކުދިންގެ ޢަދަދު 15360އަށް އަރާއިރު އޭގެ ތެރެއިން އެންސްޕާގެ ދަފްތަރުގައި ރަޖިސްޓްރީކޮށްގެން 7771 ފަރާތަކަށް ދައުލަތުން މިހާރު ޢިނާޔަތް ދެމުން ގެންދަވައެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
