ދިގު އިންތިޒާރަކަށްފަހު ގިނަ ބަައެއްގެ ލޯތްބާއެކު މުއާގެ ފުރަތަމަ ފީޗާ ފިލްމު “ލީނާ” އޮލިމްޕަހުގައި ރޭ ރިލީޒްކޮށްފިއެވެ.
ގިނަ ބައެއްގެ ހިތުގައި ކުރިއްސުރެ އުފެދުުނު އެއްސުވާލަކީ “ލީނާ” ވުޖޫދަށް އަތުވެދާނެބާއެވެ. އެހެން ނުވާންވީ ސަބަބެއްވެސް ނެތެވެ. “ލީނާ” މި ފިލްމަށް އެތަކެއް ގޮން ޖެހުންތަކަކާއި ފާޑުކިޔުންތަކެއް ވަނީ އަމާޒުވެފައެވެ. ނަމަވެސް ހެޔޮއެދޭ އެތައް ބަަޔަކާއި ލޯބިވާ އާއިލާގެ ފުރިހަމަ އެއްބާރުލުމާއެކު ރޭގައި ބެލުންތެރިންނާއި ހަމައަށް އަބުދުﷲ މުއާޒު (މުއާ)ގެ “ލީނާ” ގެނެސްދީފިއެވެ.
ރެޑްކާޕެޓްގެ ހަފްލާއަކަށްފަހު ބެލުންތެރިންނަށް މުއާގެ ފިލްމް “ލީނާ” ޕްރިމިއަރ ކޮށްދެއްވީ ފިލްމީ ދާއިރާގައި ގިނައަހަރުތަކެއް ހޭދަކޮށް ކާމިޔާބު ފިލްމްތަކެއް ބެލުންތެރިންނާއި ހަމައަށް ގެނެސްދީފައިވާ މުއާގެ އެންމެ ގާތް އެކުވެރި މުޙައްމަދު އަބުދުﷲ (މުހައްމާ) އެވެ.
ރޭގެ އެ ހިތްގައިމު ޙަފްލާގައި ފިލްމްގެ ތަރިންގެ މޫނުމަތިން ފެނިގެން ދިޔަ އުފާވެރިކަމާއެކު ބެލުންތެރިންނަށް އެނގިގެން ދިޔަ އެއްކަމަކީ މުއާ އަކީ މަސައްކަތް ކޮށްލަން ވަރަށް ފަސޭހަ ޑައިރެކްޓަރެއް ކަމެވެ.
“ލީނާ” ފިލްމްގެ ލީޑް ރޯލު އަދި ލީނާގެ ބައި ކުޅެފައިވަނީ މަޝްހޫރު ފިލްމީތަރި މަރިޔަމް އައްޒައެވެ. ދޮން އައްޔައަކީ އައްޒަގެ ލޯބިވެރިޔާއެވެ. “ލީނާ”ގެ ގާތިލު ޒުހެއިރުގެ ރޯލުން ފެނިގެން ދިޔައީ މުއާއެވެ. ލީނާގެ ބެސްޓް ފްރެންޑްގެ ރޯލުން ފެނިގެން ދިޔައީ ފިލްމް ބެލުމަށްފަހު އެންމެންގެ ތަޢުރީފް އޮހިގެންދިޔަ ކުރިއަރަމުން އަންނަ އެއްބަތަލާ ނުޒުހަތު ޝުއައިބުއެވެ. ކަައުންސިލަރެއްގެ ބައި ކުޅުނީ އިތުރު ތަޢާރަފަކަށް ބޭނުންނުވާނެ އަޙްމަދު ޞައީދެވެ.
“ދޮންބެ” ވަރަށް ލޯބިވާކަމަށް ބުނަމުން މުއާ ވަނީ އޭނަގެ އާއިލާއަށް ހާސްފަށުން ޝުކުރުއަދާކޮށްފައެވެ. މަރިޔަމް އައްޒަ އަށް އިޝާރާތް ކުރަމުން ތިޔައީ ރަންމުތެއްކަމަށް ބުނެ އައްޒަގެ މޫނު މައްޗަށް ފަރިފަރި ހިތްގައިމު ހިނިތުންވުމެއް މުއާ ގެނެސްދިނެވެ.
ފުރަތަމަ ޝޯ އިން “ލީނާ” މި ފިލްމަށް ލިބިގެން ދިޔަ ތަރުޙީބު މުއާ އެދެނީ ކުރިޔަށް އޮތް ޝޯތަކަށްވެސް ބެލުންތެރިން ދިނުމެވެ.
މުއާގެ ފިލްމް “ލީނާ” ޕްރިމިއަރ ކުރި މި ޙަފްލާގައި ލިބުނު އަނެއް އުފާވެރި ޚަބަރަކީ އިހަވަންދޫ ދާއިރާގެ ކުރީގެ މަޖިލިސް މެމްބަރު މުޙައްމަދު ޢަބްދުﷲ (މުހައްމާ) ވެސް އަލުން އެނބުރި ފިލްމީ ދާއިރާއިން ފެނިދާނެކަމުގެ އުފާވެރި ޚަބަރެވެ. ޔަޤީނުންވެސް މުޙައްމާގެ ސަޕޯޓަރުންނަށް މީ ލިބުނު ވަރަށް ބޮޑު ހިތްހަމަޖެހުމަކަށް ވާނެއެވެ.
ލިޔުންތެރިޔާގެ ފުރަމަލަ
- ހުނަރުވެރި ވާހަކަލިޔުންތެރިއެކެވެ. ފީޗާ ލިޔުމަށްވެސް ވަރަށް ކުޅަދާނައެވެ.
މި ލިޔުންތެރިޔާގެ ބައެއް އެހެން ލިޔުންތައް
- 12 ސެޕްޓެމްބަރ 2024ވާހަކައެކު މަށާވީ ހަނދާނޭ – 02
- 7 ސެޕްޓެމްބަރ 2024ވާހަކައެކު މަށާވީ ހަނދާނޭ – 01
- 12 ޖެނުއަރީ 2021ވާހަކަމާފުކުރާށޭ ކަލާ
- 28 އޭޕްރިލް 2020ބިރުވެރިލޯބިވެވުނީ އެވެ.
އިހަވަންދޫ ދާއިރާގެ ކުރީގެ މަޖިލިސް މެމްބަރ