މީ ޕްރޮޑަކްޝަނުން އުފައްދައި މި އަހަރު ސެޕްޓެމްބަރު 24 ގައި ރިލީޒްކުރުމަށް ނިންމާފައިވާ ބިރުވެރި ފިލްމު ”ކާކު؟”އަކީ ޙަޤީޤީ ހާދިސާއެއްގެ މައްޗަށް ބިނާކޮށް ލިޔެފައިވާ ވާހަކައަކަށް ކުޅެފައިވާ ފިލްމެއްކަމަށް ފިލްމުގެ ޑައިރެކްޓަރ މުޙައްމަދު އަބޫބަކުރު (މާއެނބޫ) ބުނެފިއެވެ.
ޑައިރެކްޓަރ މުޙައްމަދު އަބޫބަކުރު (މާއެނބޫ) އަށް މިކަން ފުރަތަމަ ފަހަރަށް ހިއްސާކުރެވުނީ ފިލްމު ”ކާކު؟”ގެ އޮންލައިން މީޑިއާ ޕާޓްނަރ މުނިއަވަސް ދިން އިންޓަވިއުއެއްގެ ތެރެއިންނެވެ.
“މިއީ އަސްލު މިހައިތަނަށް އާއްމުކޮށްފައި ނުވިޔަސް، ޙަޤީޤަތުގަވެސް ހިނގާފަވާ ހާދިސާއެއް ހިމެނޭ ފިލްމެއް.” މުނިއަވަސް އަށް މާއެނބޫ ބުންޏެވެ.
ފިލްމުގެ ލީޑް އެކްޓަރ އިބްރާހިމް ސޮބާޙް (ކުޑަ ސޮބާ) ވެސް ބުނީ މިއީ ޙަޤީޤަތުގައިވެސް ހިނގާފައިވާ ހާދިސާއަކަށް ކުޅެފައިވާ ފިލްމެއް ކަމަށެވެ. ސޮބާ އިތުރަށް ބުނީ ފިލްމުގެ ޝޫޓިން ތެރޭގައިވެސް ރޫހާނީ ކަންކަމާ އެމީހުންނަށް ދިމާވެފައިވާ ކަމަށެވެ.
ފިލްމުގެ ކާސްޓުންގެ ތެރޭގައި ހިމެނެނީ މަޝްހޫރު އެކްޓަރ/ޑައިރެކްޓަރ ހާމިދު އަލީ، އިބްރާހީމް ސޮބާ (ކުޑަސޮބާ)، ޝާފިއު މުހައްމަދު، އިރްފާނާ އިބްރާހީމް (އިރޫ)ގެ އިތުރުން އައިޝާތު ޔާސިރާ އެވެ. މީގެ އިތުރުން ވަރަށް ޚާއްޞަ ފެނިލުމަކުން މާއެނބޫ ވެސް ފެނިގެންދާނެ އެވެ.
ކާމިޔާބު ގިނަ ފިލްމުތަކެއް ބެލުންތެރިންނާ ހަމަޔަށް ގެނެސްދީފައިވާ ޕްރޮޑިއުސަރު/ޑައިރެކްޓަރު މުހައްމަދު އަބޫބަކުރު (މާއެނބޫ)ގެ ފިލްމު ”ކާކު؟”ގެ ޓިކެޓްވެސް މިހާރު ވިއްކަން ފަށާފައިވާއިރު، ފިލްމުގެ ޓިކެޓް ބުކްކުރުމަށް 7954191 ނަންބަރަށް ގުޅުމަށް ފިލްމުގެ ޕްރޮޑްކްޝަން ޓީމުން އެދެއެވެ.
މަހްދީ އަހްމަދުގެ ސްކްރީންޕްލޭ އަކަށް ކުޅެފައިވާ ފިލްމު ”ކާކު؟“ އިން ފެނިގެންދާނީ ރަހުމަތްތެރިން ތަކަކަށް ދިމާވާ ބިރުވެރި ކަންތައްތަކެއް ކަމަށް ފިލްމުގެ ޕްރޮޑަކްޝަން ޓީމުން ބުނެއެވެ. މި ފިލްމްގެ ހުރިހާ މަންޒަރެއްވެސް ނަގާފައިވަނީ ހދ. ކުޅުދުއްފުށީގައެވެ.
ފިލްމު ”ކާކު؟“ގެ އެފްއެކްސް ހަދާފައިވަނީ ބޮޑު ރިޔާއެވެ. ފިލްމަށް ކޮސްޓިއުމް ފޯރުކޮށްދީފައިވަނީ ’ޕެންޓަގްރާމް‘ އިންނެވެ. ކެމެރާ ކޮށްފައިވަނީ މާއެނބޫއެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
