މަޝްހޫރު އެކްޓަރ އަދި ޑައިރެކްޓަރ ޢަލީ ސީޒަންގެ ’އެސް ޕްރޮޑަކްޝަންސް‘ އިން އުފައްދާ ސިންގަޅަ ފިލްމު “ކައުޝީ“ގެ ޑަބިން ލަންކާގައި ފަށައިފިއެވެ. ފިލްމުގެ ޑަބިން ފަށާފައިވާކަން ސީޒަން މިއަދުކޮށްފައިވާ ޕޯސްޓެއްގައި ބުނެފައިވެއެވެ.

ސީޒަން ޑައިރެކްޓްކުރާ ފުރަތަމަ ސިންގަޅަ ފިލްމު “ކައުޝީ“އަކީ ބިރުވެރި ފިލްމެވެ. “ކައުޝީ“ގެ ތަރިންގެ ތެރޭގައި އަމިލަ ކަރުނާނަޔަކް އާއި ރަންގީ ރާޖަޕަކްސަ ގެ އިތުރުން ބިޔަންކާ ސަލްވަޓޯ އަދި އިސުރު ސަމްޕަތު ހަރަކާތްތެރިވެއެވެ.

ލޯބީގެ ބިރުވެރި ހާދިސާތަކެއްގެ މައްޗައް ތައްޔާރުކޮށްފައިވާ “ކައުޝީ“ގެ ފަސްޓްލުކެއް އާއްމުކޮށްފައިވާއިރު ގައިން ހީބިހި ނަގައިގެންދާ ފަދަ ބިރުވެރި މަންޒަރުތައް ފެނިގެންދެއެވެ.

https://www.youtube.com/watch?v=k3O6py7j3jY

މުނިއަވަސް އަށް ސީޒަން ބުނީ ފިލްމުގެ ދިވެހި ވާޝަން އެއް ނެރޭނެ ކަމަށާއި ތާރީޚެއް ހާމަކުރެވޭނީ ލަންކާގައި ފިލްމު ރިލީޒްކުރާނެ ތާރީޚެއް ފައިނަލް ވުމަށްފަހުގައި ކަމަށެވެ.

މިއީ މަޝްހޫރު މިއުޒީޝަން ނިފާރް އިބްރާހިމް ލިޔެފައިވާ ވާހަކައަކަށް އިޝާރާ ދަނަޝޭކަރަ ލިޔެފައިވާ ސްކްރިޕްޓަކަށް ކުޅެފައިވާ ފިލްމެކެވެ. ފިލްމުގެ މިއުޒިކް ތައްޔާރުކުރީވެސް ނިފާރް އިބްރާހިމް އެވެ.

“ކައުޝީ”ގެ ޑަބިން ކުރިއަށްދާކަމަށް ބުނެ ސީޒަން އާއްމުކޮށްފައިވާ ފޮޓޯއެއް

ލަންކާގައި ފިލްމުގެ ހުރިހާ މަންޒަރެއް ނަގާފައިވާ “ކައުޝީ” ކެމެރާކޮށްފައި ވަނީ ދިވެހި ފިލްމު އެވޯޑް ހޯދާފައިވާ ތަޖުރިބާކާރު ކެމެރާމަން މުހައްމަދު ޝިވާޒް (މާސްކޭ) އެވެ. ފިލްމު އެޑިޓް ކޮށްފައި ވަނީ އަލީ މުސްތޮފާ (ސެމީ) އެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: