ލ. އަތޮޅުގެ ރަށްތަކުގައި ‘ސުޕަރ ވިޝަން އޮޕްޓިކަލް ޕްރައިވެޓް ލިމިޓެޑުން’، މިނިސްޓްރީ އޮފް ހެލްތާއި ގުޅިގެން ލޮލުގެ ޚާއްޞަ ކޭމްޕްތަކެއް ކާމިޔާބުކަމާއެކު ހިންގަމުންދާކަމަށް އެ ކުންފުނިން ބުނެފިއެވެ.

ލ. ގަން، ފޮނަދޫ، މުންޑޫ، މާބައިދޫ އަދި ދަނބިދޫގައި ލޮލުގެ ޚާއްޞަ ކޭމްޕްތައް މިހައިތަނަށް ބާއްވާފައި ވާއިރު، މިހަފުތާގެ ބުރާސްފަތި ދުވަހު (މާދަމާ) އިސްދޫގައި ލޮލުގެ ޚާއްޞަ ކޭމްޕް ބޭއްވުމަށް ހަމަޖެހިފައިވާކަމަށް ސުޕަރ ވިޝަން އޮޕްޓިކަލް ޕްރައިވެޓް ލިމިޓެޑުގެ މެނޭޖިން ޑިރެކްޓަރ މުޙައްމަދު އަޙްމަދު މުނިއަވަސް އަށް ވިދާޅުވިއެވެ. ލ. ގަމާއި ފޮނަދޫގައި ކުރިއަށް ގެންދިޔަ ކޭމްޕްގައި 200 ވަރަކަށް މީހުން ޚިދުމަތް ހޯދާފައިވާކަމަށް ސުޕަރ ވިޝަން އޮޕްޓިކަލް ޕްރައިވެޓް ލިމިޓެޑުން މަޢުލޫމާތު ދެއްވައެވެ.

ލޮލުގެ ޚާއްޞަ ކޭޕްގެ ޚިދުމަތް ލ. އަތޮޅުގެ ހުރިހައި ރަށްތަކަކަށް ދޭނެ – ފޮޓޯ: މުނިއަވަސް

އިސްދޫގައި ލޮލުގެ ޚާއްޞަ ކޭމްޕް ކުރިއަށްގެންދިއުމަށް ހަމަޖެހިފައިވަނީ ހެނދުނު 0900 ން ހަވީރު 1600 އަށެވެ. ލ. އަތޮޅުގެ އުތުރު އިހަލުގެ ރަށްތައް ނިންމުމަށްފަހު، ޢީދު ޗުއްޓީގެ ފަހުން އެ އަތޮޅު ދެކުނު އިހަލުގައި ހިމެނޭ ރަށްތަކުގައި މި ކޭމްޕް ކުރިއަށްގެންދިއުމަށް ނިންމާފައިވާކަމަށް ސުޕަރ ވިޝަން އޮޕްޓިކަލް ޕްރައިވެޓް ލިމިޓެޑުން މަޢުލޫމާތު ދެއްވައެވެ.

އެގޮތުން އޮގަސްޓް 17ގައި ލ. މާވަށުގައި ހެނދުނު 0900 ން މެންދުރު 1200 އަށް، މެންދުރުފަހު 1400 ން 1600 އަށް މާމެންދޫގައި ލޮލުގެ ޚާއްޞަ ކޭމްޕް ކުރިއަށްގެންދިއުމަށް ނިންމާފައިވެއެވެ. އެއަށްފަހު އޮގަސްޓް 18ވަނަ ދުވަހު ހެނދުނު 0900 ން 1100 އަށް ކުނަހަންދޫގައި ބޭއްވުމަށްފަހު ހިތަދޫގައި މި ކޭމްޕް ބާއްވަން ނިންމާފައިވަނީ މެންދުރުފަހު 1400 ން 1700 އަށެވެ.

ލޮލުގެ ޚާއްޞަ ކޭޕްގެ ޚިދުމަތް ލ. އަތޮޅުގެ ހުރިހައި ރަށްތަކަކަށް ދޭނެ – ފޮޓޯ: މުނިއަވަސް

ސުޕަރ ވިޝަން އޮޕްޓިކަލް ޕްރައިވެޓް ލިމިޓެޑުން ކުރިއަށްގެންދާ މި ޚާއްޞަ ކޭމްޕްގައި ލޮލުގެ ފެނުން ތަޙުލީލު ކުރުމާއި، ލޮލަށް ދިމާވެފައިވާ ތަފާތު އެކި މައްސަލަތަކާއި ގުޅޭ މަޢުލޫމާތު ދެއްވުމާއި، އިތުރަށް ފަރުވާތެރިވާންޖެހޭ ކަންތަކާއި، އިތުރަށް ފަރުވާ ހޯދާނެ ގޮތުގެ އިރުޝާދު ދެއްވާނެ އެވެ.

މި ކޭމްޕްތަކުން އަމިއްލަ ރަށުގައި ތިގެން ނަންބަރު އައިނު ހެއްދުމުގެ ފުރުސަތާއި ސްރީލަންކާގެ ތަޖުރިބާކާރު އޮޕްލޮމެޓްރިސްޓެއްގެ އެހީގައި ލޮލުގެ ނަންބަރު ނަގައި އެކި ވައްތަރުތަކުގެ މޮޅު ބްރޭންޑް ތަކުގެ ކޮލެޓީ ދުނިގަނޑާއެކު އައިނު ހެއްދުމާއި މިހާރުވެސް އައިނު ގެންގުޅޭނަމަ އަމިއްލަ ދުނިގަނޑަށް ބިއްލޫރި ލައްވައިދިނުން ފަދަ ގިނަ ޚިދުމަތްތަކެއް އަންނަނީ ދެމުންނެވެ. މީގެ އިތުރުންވެސް މޮޅު އަދި ރީތި ޒަމާނީ ކޮންޓެކްޓް އަދި ފެޝަން ލެންސް ވެސް މި އައި ކޭމްޕުން ލިބެން ހުރެއެވެ.

ލޮލުގެ ޚާއްޞަ ކޭޕްގެ ޚިދުމަތް ލ. އަތޮޅުގެ ހުރިހައި ރަށްތަކަކަށް ދޭނެ – ފޮޓޯ: މުނިއަވަސް

އައިނު ހެއްދުމަށް ފައިސާ ދެއްކުމުގައި ލުއި ފަސޭހަ އަދި އިތުބާރުހުރި ގޮތްތަކެއްވެސް ހަމަޖައްސާފައި ވެއެވެ. އެގޮތުން ދެފަހަރެއްގެ މަތިން ފައިސާ ދެއްކޭނެ އިންތިޒާމުވެސް ހަމަޖައްސާފައިވެއެވެ. އެޑްވާންސްޑް ޕޭމެންޓުގެ ގޮތުގައި %50 ދެއްކެވުމަށްފަހު ބާކީ ފައިސާ އައިނު ހަވާލުކުރެވޭއިރު ދެއްކޭނެއެވެ. އައިނު ހަވާލުކުރުމަށް 15 ދުވަހާއި 20 ދުވަހުގެ މުއްދަތެއްގެ ތެރޭގައި ކުންފުނިން ބޭފުޅަކު ރަށްރަށަށް ގޮސް އައިނު ހަވާލުކުރާނެއެވެ.

ލޮލުގެ ޚާއްޞަ ކޭޕްގެ ޚިދުމަތް ހޯދުމަށް ޝައުގުވެރިވާ ފަރާތްތަކުން ފޯނުން މެސެޖް ކޮށްގެން ނުވަތަ ގުޅައިގެންވެސް ނަންނޯޓް ކުރެވޭނެ އެވެ. ނަންނޯޓް ކުރުމަށް 9100553 އަށް ގުޅައިގެން ނުވަތަ 9998256 އަށް (ފުރިހަމަ ނަމާއި، ރަށާއި، އަތޮޅު، ގުޅޭނެ ފޯނު ނަންބަރު) ޖެއްސެވުމަށްފަހު މެސެޖް ކޮށްގެންވެސް ނަންނޯޓް ކުރެވޭނެ އެވެ. މީގެ އިތުރުން ކޭމްޕް ބާއްވާ ރަށްރަށުގެ ޞިއްޙީ މަރުކަޒުތަކުންވެސް ނަން ނޯޓުކުރެވޭނެ އެވެ.

ލޮލުގެ ޚާއްޞަ ކޭޕްގެ ޚިދުމަތް ލ. އަތޮޅުގެ ހުރިހައި ރަށްތަކަކަށް ދޭނެ – ފޮޓޯ: މުނިއަވަސް

ސުޕަރ ވިޝަން އޮޕްޓިކަލް ޕްރައިވެޓް ލިމިޓެޑުގެ އަމާޒަކީ ހެލްތް މިނިސްޓްރީ އާއި ގުޅިގެން ރައްޔިތުންނާއި ގާތުން ޚިދުމަތް ދިނުމެވެ. މިގޮތުން އަތޮޅު ހޮސްޕިޓަލާއި، އަތޮޅުގެ ހުރިހާ ޞިއްޙީ މަރުކަޒު ތަކުން މަދުވެގެން އަހަރަކު އެއްފަހަރު ހިދުމަތް ފޯރުކޮށްދިނުމަކީ އެތަނުގެ އަމާޒެވެ.

ލަންކާގެ ތަޖުރިބާކާރު ޑޮކްޓަރުންގެ ޓީމަކާއި އެކުގައި ސުޕަރ ވިޝަން އޮޕްޓިކަލް ޕްރައިވެޓް ލިމިޓެޑުން ބާއްވާ ލޮލުގެ ޚާއްޞަ ކޭމްޕްތައް ލ. އަތޮޅުގައި ބޭއްވުމަށްފަހު ގއ. އަދި ގދ. އަތޮޅުގައި ބޭއްވުމަށް ހަމަޖެހިފައިވަނީ އީދު ޗުއްޓީގެ ފަހުން ކަމަށް މަޢުލޫމާތު ދެއްވައެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: