މިވަގުތު ރާއްޖޭގައި ހުރި އެންމެ ކާމިޔާބު އަންހެން ތަރި މަރިޔަމް އައްޒަގެ ބޮޑު ސިއްރެއް އައްޒަ އަމިއްލައަށް ފަޅާއަރުވާލަާފައިވާކަން އެނގޭހެއްޔެވެ؟ ފަހަރެއްގައި މިއީ ގިނަބަޔަކު ދަންނަ ބޮޑު ސިއްރެއް ނަމަވެސް އައްޒަ ފަޅާއަރުވައިލި ސިއްރާއެކު ރަނގަޅު މެސެޖްތަކެއްވެސް ވަނީ ދޫކޮށްލާފައެވެ.
ހުނަރުވެރި އެކްޓްރެސް އައްޒައަކީ ރާއްޖޭގެ ޝިލްޕާ ޝެއްޓީ އޭ ބުނެވޭހައި ވަރަށް އޭނާގެ ހަށިގަނޑު ލޫޅާފަތި ވެފައި ބަނިޔާދަންކަން އަހަރެމެން އެންމެންނަށްވެސް އެނގެއެވެ. ނަމަވެސް އައްޒައަކީ ކުރިން ވަރަށް ފަލަކޮށް ހުރި ކުއްޖެކޭ ބުނުމުން ހައިރާންވާނެ ކަނަް ޔަޤީނެވެ.
” ‘އައްޒަ ފެނިފަ ނުވެސް އެނގުނޭ ފަލަކަމުން!!‘ މިހެން ކިޔާ މީހުންގެ އަނގަދަށުން އެރުމަށްޓަކައި ދުނިޔެއަށް ފިލައިގެން އަހަރެން އުޅުނު ދުވަސްވަރެއްވެސް ދިޔަ. އެއްގޮތަކަށްވެސް ގެއިން ބޭރަށް ނުނިކުމެ އޮންނަން ބޭނުންވި ދުވަސްވަރެއްވެސް ދިޔަ. އަމިއްލަ ނަފުސާމެދު ނާއުންމީދުވި ދުވަސްވަރެއްވެސް ދިޔަ. އަހަރެންގެ އަމިއްލަ ނަފުސުދެކެ ނަފުރަތުކުރެވި ކޮންމެ ކަމަކަށްވެސް އަހަރެންގެ ނަފުސު ކުށްވެރިކުރެވުނު!!! ނަމަވެސް އެހިސާބުން އަހަރެންގެ އަމިއްލަ ނަފުސަށް އިތުބާރުކުރުމަށް އަހަރެން ނިންމިން. އަހަރެންގެ އަމިއްލަ ނަފުސަށް އެހީވުމަށް ނިންމައި އަހަރެންގެ އަމިއްލަ ނުފުސު ހޯދުމަށް ނިންމިން!!!. ހިތްވަަރު، ބުރަ މަސައްކަތް އަދި ގަދަ ޢަޒުމާއެކު އަމާޒަށް ވާސިލުވުމަށް، ލަނދުދަނޑިއަށް ވާސިލުވުމަކީ އޭރު އަހަރެން ދެކުނު އެންމެ ބޮޑު ހުވަފެން!!! އަލްޙަމްދުލިﷲ އަހަރެންގެ އަމާޒަށް ވާޞިލުވެވުނު!!!” މިވަގުތު ރާއްޖޭގައި ހުރި އެންމެ ޑިމާންޑްބޮޑު އެކްޓްރެސް މަރިޔަމް އައްޒަ އޭނާގެ ފަލަކުމުން އަރައިގަނެ މިހާރު އާދެވިފައިހުރި މަޤާމަށް ވާޞިލުވުމަށް ކުރި މަސައްކަތުގެ ކުޑަ ތަންކޮޅެއް ފޭސްބްކްގައި ހިއްސާކުރަމުން ބުންޏެވެ.
އައްޒަގެ ވާހަކަތައް ހިއްސާކުރަމުން ވަރަށް ރަނގަޅު ނަސޭހަތެއްވެސް ހިއްސާކޮށްފައިވެއެވެ.
“މެދުކެނޑުމެއް ނެތި ބުރަކޮށް މަސައްކަތްކުރަމުން ދާންވީ. ތިބާ ދެކޭ ހުވަފެނަށް ވާޞިލްވުމަށް ހުރަސް އަޅާނެ އެއްވެސް ކަމެއް ނޯންނާނެ ބުރަކޮށް މަސައްކަތް ކުރުމުގެ އަޒުމެއް އޮތިއްޔަކާ!!!” އިގިރޭސިބަހުން އައްޒަކޮށްފައިވާ ޕޯސްޓްގެ ޚުލާޞާ ތަރުޖަމާއަކީ މިއީއެވެ.
“އަހަރެންގެ ހުރިހައި ކަމެއްގައި އަހަންނާއެކު ތިބި އެންމެންނަށް ޝުކުރިއްޔާ. ތިޔަ އެންމެންނަކީ އަހަރެންގެ ހިތާއި ވަރަށް ގާތުގައިވާ މީހުންތަކެއް.” އައްޒަގެ މަންޒިލަށް ވާޞިލުވުމަށް އެހީތެރިވެދިން ފަރާތްތަކަށް އޭނާ ޝުކުރުއަދާކުރަމުން ލިޔެފައިވެއެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 29 ޑިސެމްބަރ 2024ޚަބަރު“ރޯމްދުނިޔެ” އިން އީސިމް ނެގުން ދިވެހީންނަށް މާ ސަޅިވާނެ!
- 27 ޑިސެމްބަރ 2024ޚަބަރުޑާކް ރެއިން އިން މިފަހަރު “ފެށުމާއި ނިމުން”
- 24 ޑިސެމްބަރ 2024ޚަބަރުނިޝާ އާރްޖޭއަކަށް!
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
