އައި ފިލްމްސް އިން އުފެއްދި ފުރަތަމަ ފީޗާ ފިލްމު “ބަވަތި“ގެ ކުރިއަށް އޮތް 03 ޝޯ ހައުސްފުލްވެފައިވާކަމަށް މުނިއަވަސް އަށް މަޢުލޫމާތު ލިބިއްޖެއެވެ. މީގެ އިތުރުން މި ހަފުތާ ބަންދުގެ ޝޯތައްވެސް ފުލްވުމާއި ގާތަށް ޖެހިފައިވާކަމަށްވެސް މަޢޫލޫމާތު ލިބެއެވެ.
ފިލްމުގެ ޕްރިމިއާ ޝޯއަށްފަހު ފިލްމަށް އަންނަނީ ތަރުހީބު އޮހެމުންނެވެ. ބޮޑު ސަސްޕެންސެއް ހިމެނޭ މި ފިލްމަކީ ކުރިން ހީކުރެވުނު ގޮތަށް ބިރުވެރި ފިލްމެއް ނޫންކަމާއި މިއީ ރާއްޖޭގައި މިހާތަނަށް އުފައްދާފައިނުވާ ފަދަ ތަފާތު ޖޮންރާއަކަށް ހަދާފައިވާ ސައިކޮލޮޖިކަލް ތްރިލާއެއް ކަން ފިލްމު ބަލައިލުމުން އެނގިގެންދިޔައެވެ.
ފިލްމުގެ ޑައިރެކްޓަރު އިލްޔާސް ވަހީދަށާއި ފިލްމުގެ ލީޑް ތަރިންނަށް އެކިއެކި މަންސަތަކުން ތަރުހީބުގެ ބަސްތައް އަންނަނީ އޮހެމުންނެވެ. ހަމަ އެހެންމެ މީސްމީޑިއާގެ މަންސަތަކުގައިވެސް “ބަވަތި“ގެ ރީތިކަމާއި މޮޅުކަމުގެ ވާހަކަތަކުން މިއަދު ރަށްގޮވާއަޑަކަށް ވެފައިވަނީ “ބަވަތި“ގެ ވާހަކައެވެ.
“ބަވަތި” އަށް އެތައް ބައެއްގެ ތަޢުރީފުތައް އޮހެމުން އަންނައިރު، ރާއްޖޭގެ އެންމެ ފުންނާބު އުސް އެއް ސްކްރީން ރައިޓަރ މަހްދީ އަހްމަދު ، މި ފިލްމާމެދު ލިޔެފައިވާ ދިގު ރިވިއު އިން އެކަނިވެސް މިއީ މޮޅު ފިލްމެއްކަމުގެ ސިއްކަ ޖެހިއްޖެކަމަށް ޤަބޫލުކުރެވެއެވެ.
ތަފާތު ސްޓައިލެއްގައި ގެނެސްދިން ފިލްމުގެ ތަފާތު ޕްރިމިއާއަށްފަހު ފިލްމު ފެށިގެން ނިމުމާއި ހަމައަށް ބެލުންތެރިންގެ ތަރުހީބު ކެނޑިނޭޅި ލިބެމުންދިޔައެވެ. ފިލްމު ނިމުމުން، ހައުސްފުލް އޯޑިއަންސް އެއްކޮށް ކަހަލަ ގޮތަކަށް ތަރުހީބުގެ ހޫނު އަތްތިލަބަޑީގެ އަޑާއެކު އިއްލެގެ މަސައްކަތަށް ތަޢުރީފާއި މަރުޙަބާ ކިޔެވެ.
ޓީވީ ޕްރޮޑިއުސަރެއްގެ ގޮތުން ކުރިން ފާހަގަކުރެވިފައިވާ އިލްޔާސް މީގެ 20 އަހަރުކުރިން ދެކެންފެށި ހުވަފެނުގައި ކުލަޖެހިގެން މި ދިޔައީ އިލްޔާސްގެ މަސައްކަތަކަށް އެއްވެސް ބަވައްޗެއް ނުވެ، ފިލްމު “ބަވަތި“ން ނެވެ.
ރޭ މި ފިލްމުބެލި މީހުންގެ ކޮމެންޓްތަކުން ބުނަނީ މައިގަނޑު އެންމެ ވާހަކައެކެވެ. މިއީ ކޮންމެހެންވެސް ބަލައިލަންޖެހޭ، ތަފާތު، މޮޅު ފިލްމެއްކަމަށް ބުނާ ވާހަކައެވެ. މި ފިލްމުގައި ހިމެނޭ ވަރުގަދަ ސަސްޕެންސް އެނގިގެންދާހިނދު، ލިބިގެންދާނެ ހައިރާންކަމާއި ކުރެވިގެންދާނެ އިޙްސާސްގެ ފުންްކަން އެނގޭނީ ފިލްމު ބަލައިލުމުން ކަމުގެ ވާހަކައެވެ.
“ބަވަތި“ގެ ޑައިރެކްޓަރު އިލްޔާސް ވެސް ބުނީ ވަރަށް ބާރު ސްޕީޑްގައި ޓިކެޓް ވިކެމުން އަންނަކަމަށާއި ކުރިއަށް އޮތް ފަސްވަރަކަށް ޝޯ ފުލްވުމަށް އަމާޒުހިފައިފާ ވާކަމަށެވެ.
”ބަވަތި”ގައި ދައްކުވާދެނީ އާއިލީ މައްސަލަތަކެއްގެ ތެރޭގައި ބޮޑުވަމުން އަންނަ ކުއްޖެއްގެ ދިރިއުޅުމުގެ ތެރެއަށް ރޫހާނީ ބާރެއް އައިސް ދިމާވާ ކަންކަތަކެކެވެ.
އިލްޔާސް ލިޔެ، ޑައިރެކްޓްކުރި ސައިކޮލޮޖިކަލް ތުރިލާ ”ބަވަތި”ގެ ލީޑް ކުޅެފައިވަނީ ކުރިއަރަމުން އަންނަ ހުނަރުވެރި ތަރި ނުޒުހަތު ޝުއައިބް އާއި އަލަށް ފީޗާ ފިލްމަކުން ފެނިގެންދާ އަހްމަދު އިފްނާޒް ފިރާގެވެ.
”ބަވަތި”ގެ ރަސްމީ އޮންލައިން މީޑިއާ ޕާޓްނަރަކީ މުނިއަވަސް އެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
