ވީމީޑިއާ އޮރިޖިނަލްސް އިން އުފައްދަމުން އަންނަ ލޯބީގެ ކޮމެޑީ ފިލްމު “ކޮސް ގިނަ މިސްޓޭކް“ގެ ޝޫޓިން އދ. ފެންފުށީގައި ބާރު ސްޕީޑްގައި ކުރިއަށްދާއިރު ޝޫޓިން ތެރެއިން ބައެއް މަންޒަރުތައް ކިޔުންތެރިންނާ ހަމައަށް ތިލަކޮށްލާނަމެވެ.
“ކޮސް ގިނަ މިސްޓޭކް“ގެ ޝޫޓިން ކުރިއަށް ގެންދަނީ ބޮޑު ކާސްޓަކާއި އެކުގައިކަމުން، ކާސްޓުން ފެންފުއްޓަށް ގެންގޮސް ޝޫޓްކުރަމުން އަންނަނީ ރާވާލެވިފައިވާ ޝެޑިއުލެއްގެ ދަށުންނެވެ. އެގޮތުން މިމަހުގެ 03ވަނަ ދުވަހު ޝޫޓިންއާއި ގުޅުމަށް މަޝްހޫރު އެކްޓަރުން ކަމަށްވާ އަލީ ސީޒަން، އަޙްމަދު ނިމާލް، އެކްޓްރެސް މަރިޔަމް އައްޒަ އާއި ނުޒުހަތު ޝުއައިބް ފެންފުއްޓަށް ގޮސް މިހާރު ޝޫޓިން ފަށާފައިވާކަން ފާހަގަކޮށްލެވެއެވެ.
މީގެ އިތުރުން މިމަހުގެ 06ވަނަ ދުވަހު ކުރިއަރަމުން އަންނަ އެކްޓަރ އަލީ އާޒިމް (ދޮން އައްޔަ)، އަޙްމަދު އީސަ (އާނަންދު)، އިރުފާނާ އިބްރާހިމް (އިރޫ) އާއި އާއިޝަތު ލަހުފާ (ލަހޫ) ވެސް އިއްޔެ ފެންފުއްޓަށް ގޮސް ޝޫޓިންއާ ގުޅިފައިވެއެވެ.
އަލީ ސީޒަން ޝޫޓިން ތެރެއިން ހިއްސާކޮށްފައިވާ ބައެއް ފޮޓޯތައް ފޭސްބްކް ތެރެއިން ފެނިފައިވެއެވެ.
ދިވެހި ފިލްމީ ދާއިރާގައި ގިނަދުވަސްތަކެއް ހޭދަކޮށްފައިވާ ހުނަރުވެރި އެކްޓަރު/ޑައިރެކްޓަރު އަޙްމަދު ނިމާލް ބުނީ މިއީ އޭނާ އެކްޓަރުންނާއި، އެކުގައި މަސައްކަތްކުރާ މީހުންނާއެކު ކުރެވޭ އައު ތަޖުރިބާއެއް ކަމަށެވެ.
“މިއީ ޔޫއްޕެ އާއި ސީޒަން އާއެކު ކޯ-ސްޓާރުންގެ ގޮތުގައި އަހަރެން އަލަށް ކުރާ މަސައްކަތް. ހަމަ އެހެންމެ މިއީ ޔޫއްޕެގެ ޑައިރެކްޓަރު ކަމުގެ ދަށުން މަސައްކަތްކުރާވެސް ފުރަތަމަ ފަހަރު.” ވީމީޑިއާއިން މި ފުރުޞަތު ދިނީތީ ޝުކުރުއަދާކުރަމުން ނިމާލް ފޭސްބްކްގައި ކޮށްފައިވާ އަދާހަމައެއްގައި ބުނެފައިވެއެވެ.
ބެލުންތެރިންގެ ބޮޑު ތަރުހީބެއް ހޯދި ބިރުވެރި ފިލްމު ”ދައުވަތު“ އަށް ފަހު ވީމީޑިއާ އޮރިޖިނަލްސް އިން އުފައްދާ ”ކޮސް ގިނަ މިސްޓޭކް“ގެ މައިގަނޑު ކާސްޓުންނަކީ ހާމިދު ޢަލީ (ހާމިދު)، ޔޫސުފު ޝަފީޢު (ޔޫއްޕެ)، ޢަލީ ސީޒަން (ސީޒަން)، މަރިޔަމް އައްޒަ (އައްޒަ)، ނުޒުހަތު ޝުއައިބް (ނުޒޫ)، އިބްރާހިމް ޝާފިއު (ފުބޫ)، އިރުފާނާ އިބްރާހީމް (އިރޫ)، އަޙްމަދު ސައީދު (ސައީދު)، އަޙްމަދު ނިމާލް (ނިމާލް)، ޢަލީ އާޒިމް (ދޮން އައްޔަ)، އަޙްމަދު އީސަ (އާނަންދު)، ގުލިސްތާނު މުޙައްމަދު(ގުލިސްތާނު)ގެ އިތުރުން މުޙައްމަދު ނަވާލް (ނަވާލް)، ހިމެނެއެވެ. މީގެ އިތުރުން އަލަށް ފެނިގެންދާ މޫނެއް ކަމަށްވާ އާއިޝަތު ލަހުފާ މުހައްމަދު (ލަހޫ) ވެސް ހިމެނެއެވެ.
މިއަހަރު ނޮވެމްބަރުމަހު ރިލީޒްކުރުމަށް އަމާޒުހިފާފައިވާ މި ފިލްމު ލިޔެ ޑައިރެކްޓްކުރަނީ ޔުއްޕެ އެވެ. ޔޫއްޕެ އަކީ ކާމިޔާބު ކޮމެޑީ ފިލްމުތަކެއް އުފައްދާފައިވާ މޮޅު ޑައިރެކްޓަރެއްކަން ފާހަގަކޮށްލެވެއެވެ.
”ކޮސް ގިނަ މިސްޓޭކްް“ގެ އޮންލައިން މީޑިއާ ޕާޓްނަރަކީ މުނިއަވަސް އެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 29 ޑިސެމްބަރ 2024ޚަބަރު“ރޯމްދުނިޔެ” އިން އީސިމް ނެގުން ދިވެހީންނަށް މާ ސަޅިވާނެ!
- 27 ޑިސެމްބަރ 2024ޚަބަރުޑާކް ރެއިން އިން މިފަހަރު “ފެށުމާއި ނިމުން”
- 24 ޑިސެމްބަރ 2024ޚަބަރުނިޝާ އާރްޖޭއަކަށް!
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
