ބޮލީވުޑްގެ މަޝްހޫރު ތަރިި އާލިޔާ ބަޓް 2019 ވަނަ އަހަރުގެ ޕީޕަލްސް ޗޮއިސް އެވޯޑުގެ ‘ދަ މޯސްޓް އިންސްޕަޔަރިން އޭޝިއަން ވުމަން’ އެވޯޑަށް ނޮމިނޭޓް ވެއްޖެއެވެ. އާލިޔާއަކީ މިއަހަރުގެ ޕީޕަލްސް ޗޮއިސް އެވޯޑަށް ނޮމިނޭޓްވި ހަމައެކަނި އިންޑިއާގެ ތަރިއެވެ.
އާލިޔާ ނޮމިނޭޓްވެފައިވާ ކެޓަގަރީއަކީ އެންމެ ވާދަވެރި އެއް ކެޓަގަރީއެވެ. މިއަހަރު ޕީޕަލްސް ޗޮއިސް އެވޯޑަށް އިންޑިއާއިން ނޮމިނޭޓްވި ހަމައެކަނި ތަރިޔަކީވެސް އާލިޔާއެވެ.
މި ކެޓަގަރީގައި ސައުތު ކޮރެއާގެ ދެ އެކްޓަރުންނާއި ލަވަ ކިޔުންތެރިއަކާއި ތައިލޭންޑްގެ އެކްޓަރަކާއި އިންޑޮނޭޝިއާގެ އެކްޓަރަކާއި މެލޭޝިއާގެ ލަވަ ކިޔުންތެރިއެއް އަދި ލަވަ ލިޔާފަރާތަކާއި ތައި މޮޑެލެއްވެސް އާލިޔާއާއެކު ވާދަކުރެއެވެ.
އެވޯޑް އިންތިޒާމު ކުރާ ފަރާތާ ހަވާލާދީ މީޑިއާ ރިޕޯޓަތައް ބުނާގޮތުގައި ނޮމިނޭޝަން ހޮވާފައިވާނީ އޭޝިޔާގެ ހުރިހާ ގައުމެއް ހިމެނޭގޮތަށެވެ. ނޮމިނޭޓް ވެފައިވާ ފަރާތްތަކަކީ އޭޝިއާގެ ޓީވީގެ ދުނިޔޭގައި އެންމެ ކުރިއަރަމުން އަންނަ ތަރިން ކަމުގައިވެސް ވަނީ ފާހަގަ ކޮށްފައެވެ. ނޮމިނޭޝަން ހޮވުމުގައި ބޮޑަށް ބެލީ މުޖްތަމައުއާ ގައުމަށް ދޭންޖެހޭ ސޯޝަލް މެސެޖް ފޯރުކޮށްދެވޭވަރުގެ ބައެއްތޯއެވެ.
ޕީޕަލްސް ޗޮއިސް އެވޯޑު މިއަހަރު ބޭއްވުމަށް ހަމަޖެހިފައިވަނީ ނޮވެމްބަރ 11ވަނަ ދުވަހު އެމެރިކާގައެވެ.
ލިޔުންތެރިޔާގެ ފުރަމަލަ
- ފިލްމީ ޚަބަރު ލިޔުމަކީ ޝައިލާގެ ޚާއްޞަ ހުނަރެކެވެ. ބޮލީވުޑްގެ ޚަބަރުތައް ލިޔުމަކީ ޝައިލާގެ ޚާއްޞަ ދާއިރާއެވެ.
މި ލިޔުންތެރިޔާގެ ބައެއް އެހެން ލިޔުންތައް
- 27 ޑިސެމްބަރ 2019ޚަބަރުއެކްޓަރ ކުޝާލް މަރުވެއްޖެ
- 23 ޑިސެމްބަރ 2019ޚަބަރުނޭހާ އިންނާނެ މީހަކު ހޯދަނީ
- 22 ޑިސެމްބަރ 2019ޚަބަރުއަނެއްކާވެސް ވަރުންގެ ކައިވެނީގެ ވާހަކަތަކެއް
- 22 ޑިސެމްބަރ 2019ޚަބަރުޝާހުރުކް ޚާން ރީތިވުމަށް ފަސްގަޑި އިރު ހޭދަވޭ
