ފޫކޮޅުގެ ބޮޑުމިނާއި ބައްޓަމުން މީހާގެ ސިއްހީ ހާލަތު ކަނޑައެޅެއެވެ. އެންމެންނަށްވެސް އެނގޭނެފަދައިން ހަށިގަނޑުގައި ސަރުބީ ގިނަވުމަކީ ރައްކާތެރިކަމުގެ އަލާމާތެއް ނޫނެވެ. ނަމަވެސް މިއީ އެންމެ ރަނގަޅު ނިންމުން ކަމުގައި ނުވެ ހިނގައިދާނެއެވެ. އުނަގަނޑާއި ފޫކޮޅުގެ މަސްތަކުގެ ތެރޭގައި ސަރުބީ ޖަމާވުން ހަށިގަނޑުގެ އެހެން ގުނަވަންތަކުގައި ޖަމާވުމަށްވުރެ ރައްކާތެރިއެވެ. ޚާއްސަކޮށް ހިތަށެވެ.

ހަދާފައިވާ ދިރާސާތަކުން ދައްކާގޮތުގައި ހިތުގެ ބަލިތަކާއި ހަކުރުބަލި ޖައްސާ ފެޓީ އެސިޑްސް ވަނީ ފުރަމެއާއި ހިތާއި ލޭހިނގާ ނާރުތަކާ ދުރު ހިސާބެއްގައި ގުދުރަތީގޮތުން ލައްވާފައެވެ. އަދިވެސް މިދިރާސާއިން އެނގުނުގޮތުގައި ސަރުބީ އޭގެ އެންމެ ރައްކާތެރި މަގާމަށް ޖަމާވާން އަންހެނުންގެ ހޯމޯން އެހީވެދެއެވެ. މިބުނާ ރައްކާތެރި ތަނަކީ ފޫކޮޅެވެ.

ދިރާސާ ތަކުން ދައްކާގޮތުގައި ފޫކޮޅު ބޮޑު އަންހެނުންގެ ކޮލޮސްޓެރޯލް ދަރަޖަ ދަށްވެފައި ހަށިގަނޑުގެ ހަކުރުގެ މިންވަރު މިންހަމަކުރަން ބޭނުންވާ ހޯމޯން އުފައްދައިދޭލެއް ގިނައެވެ. ސިކުނޑި ތަރައްގީވާން ބޭނުންވާ އޮމެގާ3 ފެޓްސް، ފޫކޮޅު ބޮޑު އަންހެނުންގެ ގިނައެވެ. ބޭސްވެރިކަމުގެ ދިރާސާތަކުން އެނގިފައިވާ، ފޫކޮޅުގެ އެންމެ އާންމު ހަތަރު ބައްޓަމާއި އެއިން އެމީހެއްގެ އާންމު ސިއްހަތާ ގުޅުންހުރި މިންވަރު މިވަނީއެވެ.

1- ހަތަރެސްކަން ބައްޓަމުގެ ފޫކޮޅު:

މީގެ ފޫކޮޅު ލިބިފައިވާ މީހުންގެ އުނަގަނޑުގެ މަސްތައް ބަލިވާނެއެވެ. އަދި އުނަގަނޑާ ދިމާއަށް ސަރުބީ ޖަމާވާލެއް ގިނަވާނެއެވެ. ކަސްރަތު ކޮށްގެން މިކަން ރަނގަޅު ކުރެވެއެވެ.

2- ވަށް ބައްޓަމުގެ ފޫކޮޅު:

މިއީ އެންމެ ސިއްހަތު ރަނގަޅު ފޫކޮޅުގެ ބައްޓަމެވެ. މިބައްޓަމުގެ ފޫކޮޅު ލިބިފައިވާ މީހުންގެ އުނަގަނޑުގެ މަތީ ބަޔަށް ސަރުބީ ޖަމާވާނެއެވެ. ނަމަވެސް ކަސްރަތު ކޮށްގެން ފަސޭހައިން މިކަން ރަނގަޅު ކުރެވެއެވެ.

3- ހިތް ބައްޓަމުގެ ފޫކޮޅު:

ގިނަ މީހުން ބޭނުންވަނީ މި ބައްޓަމުގެ ފޫކޮޅެވެ. މީގެ ފޫކޮޅު ހުންނާނީ ތިރިއަށް ފަތާވެފައި މައްޗަށް ހިމަކޮށެވެ. އުމުރުން ދުވަސްވީ ވަރަކަށް ސަރުބީ ވިރުން އަވަސްވެ، ސަރުބީތައް އުނަގަނޑުގެ މެދަށް ޖަމާވެއެވެ. މިއީ ސިއްހަތަށް އެންމެ ރަނގަޅު ބައްޓަމެއް ނޫނެވެ. ވީމާ ކަސްރަތު ކޮށްގެން ވީހާވެސް އަވަހަކަށް ސަރުބީ ވިރުވާލުން ބުއްދިވެރިއެވެ.

4- ވީ ބައްޓަމުގެ ފޫކޮޅު:

މި ބައްޓަން ގިނައިން ފެންނަނީ ދުވަސްވީ އަންހެނުންގެ ފަރާތުންނެވެ. އެއީ ދުވަސްވުމުން އެސްޓޯޖަންގެ މިންވަރު ދަށަށްދާތީއެވެ. ވީމާ ކަސްރަތުކޮށްގެން ވީހާވެސް އަވަހަކަށް ސަރުބީތައް ދުއްވާލުން ރަނގަޅެވެ. އެހެންނޫނީ ސަރުބީތައް ހަށިގަނޑުގެ މަތީބައިތަކަށް ޖަމާވެ، ނުރައްކާވާ ހިސާބަށް ހިނގައިދާނެއެވެ.

އެންމެ އެކަށީގެންވާ ބައްޓަމެއް ހޯދަން ކުރަން އެންމެ ރަނގަޅު ކަމަކީ ގަވާއިދުން ކަސްރަތުކޮށް ރަނގަޅު ކާނާ ކެއުމެވެ.

 

މަސްދަރު: https://www.elitereaders.com

ލިޔުންތެރިޔާގެ ފުރަމަލަ

މުޙައްމަދު ނަޒީރު
މުޙައްމަދު ނަޒީރު
އާއްމުކޮށް ނަޒީރުގެ ލިޔުންތައް ނުފެނުނަސް، ނަޒީރަކީ ތަޖުރިބާކާރު ބޭފުޅެކެވެ.

ގުޅުންހުރި ލިޔުން: