މުނި ފޫހި ފިލުވުމުގެ ދާއިރާއަށް އަދި ޚާއްސަކޮށް ފިލްމީ ދާއިރާއަށް އިންގިލާބީ ބޮޑު ބަަދަލެއް ގެނެސްދިން އެޕްލިކޭޝަން ބައިސްކޯފަށް “ބަޑިއެދުރު” އަރައިފިއެވެ. 2008 ވަނަ އަހަރު ޑާކްރެއިން އެންޓަޓެއިންމެންޓުން އުފައްދާފައިވާ ކުރު ފިލްމު “ބަޑިއެދުރު” ބައިސްކޯފަށް ލާފާއިވަނީ އިއްޔެއެވެ.
“ބަޑިއެދުރު” ފިލްމަކީ ބިރުވެރި ސަސްޕެންސް ތުރިލާއެކެވެ. ފިލްމުގެ ވާހަކަ ލިޔުނީ މޫމިން ފުއާދު އެވެ. ޑައިރެކްޓްކޮށްފައިވަނީ މަޝްހޫރު ޑައިރެކްޓަރު ޢަލީ ޝިފާޢު (ޗިއްޕެ) އެވެ. ޕްރޮޑިއުސަރަކީ މުޙައްމަދު ޢަލީ (މޮގާ) އެވެ.
ކުރުފިލްމު “ބަޑިއެދުރު”ގައި ހަރަކާތްތެރިވެފައިވަނީ އިސްމާޢީލް ރަޝީދު (ކޮޕީ އިއްސެ)، ރަވީ ފާރޫޤް، ޢަބްދުﷲ މުއާޒު، އިބްރާހިމް ޖިހާދު (ޖިމީ)، ޢަލީ ޝަމީލް، ނާދިޔާ ޙަސަން، ޢާއިޝަތު ސިޔާދާ، އާމިނަތު ޝަރީފް، ލިރާރް އަޒްވަރު ނައީމް ގެ އިތުރުން މުޙައްމަދު ޞަބާޙް އެވެ.
2008 ގައި ބޭއްވި “މިއަދު ކްރިސްޓަލް އެވޯޑް” ގައި “ބަޑިއެދުރު” ފިލްމަށް ތިން އެވޯޑެއް ލިބިފައިވެއެވެ.
މި މަހަކީ ބައިސްކޯފަށް އެންމެ ގިނަ ޢަދަދަކަށް ދިވެހި ފިލްމު އިތުރުކޮށްފައިވާ މަސް ކަން ފާހަގަކޮށްލެވެއެވެ. “ބަޑިއެދުރު”ގެ ކުރިން އަމްޖޭގެ “ރޭވުމުން” ވެސް ވަނީ ބައިސްކޯފަށް ލާފައެވެ.
ބައިސްކޯފަށް އެޔޮތީ “ބަޑިއެދުރު” އަރާފައެވެ. “ބަޑިއެދުރު” ބަލަން ބޭނުން މީހުންނަށް ބައިސްކޯފުން މިހާރު “ބަޑިއެދުރު” ބަލައިލެވޭނެއެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 29 މާރޗް 2025ޚަބަރު“އަބަދަށް” ގެ ޓްރެއިލާއިން އަބަދަށް ހިތުންނުފިލާ ހުންނާނެ ފަދަ މަންޒަރުތަކެއް!
- 28 މާރޗް 2025ޚަބަރުމަޑުކޮށްބަލަ! ވާޝިޔާ ގެއިން ނެރެ މަގުމަތިކޮށްލީތަ؟
- 19 މާރޗް 2025ޚަބަރު“ސޮރީ” ގައި ނިޝާ، މަނިކް އަދި އާމިރާގެ އިތުރުންވެސް ގިނަ ތަރިންތަކެއް
- 15 މާރޗް 2025ޚަބަރު“ފުރާނަ” – ޔުނިކޯ ބީޓްސް ސްޓޫޑިއޯގެ ސަޅި ލަވައެއް!
