މަޝްހޫރު ފުޓްބޯޅަ ތަރި ކްރިސްޓިއާނޯ ރޮނާލްޑޯ ގެ އިސްތަށިގަނޑު ސްޓައިލް ކޮށްދޭ ރިކާޑޯ މާރކްއެސް ފެރޭރާ ރަހުމު ކުޑަ ގޮތަކަށް ވަޅި ހަރައި މަރާލާފައި އޮއްވާ ފެނިއްޖެއެވެ. އޭނާ މަރާލާފައި އޮއްވާ ފެނުނީ ސްވިޒަލޭންޑްގެ ޒިއުރިކްގައި ހުންނަ ހޮޓަލެއްގެ ކޮޓަރިއެއްގެ ތެރެއިންނެވެ.
ރޮނާލްޑޯ ވެސް އުފަން ޕޯޗުގަލްގެ މެޑެއިރާ އަށް ނިސްބަތްވާ ރިކާޑޯ މިދިޔަ ހުކުރު ދުވަހު މަރާލާފައި އޮއްވާ ފެނުނީ އޭނާ ހުންނަ ކޮޓަރި ސާފުކުރަން ދިޔަ އެ ހޮޓަލުގެ މުވައްޒަފަކަށެވެ. ޚަބަރުތައް ބުނާގޮތުން އޭނާގެ ހަށިގަނޑު ފެނުމުގެ ގަޑިއެއްހާއިރު ކުރިން އޭނާ ހުންނަ ކޮޓަރިން އަޑުތަކެއް އިވޭތީ ކައިރި ކޮޓަރިތަކުގައި ތިބި އެހެން މީހުން އެކަމުގެ ޝަކުވާތައް ހޮޓަލުގެ ރިސެޕްޝަނަށް ހުށަހަޅާފައިވެއެވެ. އޭނާ މަރާލާފައި އޮއްވާ ފެނުނު އެ ހޮޓަލުގެ މުވައްޒަފު ބުނެފައިވަނީ އެކޮޓަރިއަށް އޭނާ ވަންއިރު ވަރަށް ބޮޑަށް ރަލުގެ ވަސްދުވާ ކަމަށާއި، ރިކާޑޯގެ ހަށިގަނޑުގެ ވަރަށް ގިނަ ތަންތަނަށް ވަޅި ހަރާފައި ހުރި ކަމަށެވެ.
ޕޯޗުގަލްގެ ނޫސްތަކުން ރިޕޯޓް ކުރާގޮތުގައި ފާއިތުވެދިޔަ ދެ އަހަރުގައި ރިކާޑޯ ދިރިއުޅެމުން އައީ ޒިއުރިކްގައެވެ. އެ ހޮޓަލުގައި އޭނާ ހުންނަތާ ހަފްތާ އެއް ވަނީ ވެފައެވެ. އަދި އޭނާއަކީ ރޮނާލްޑޯގެ އިތުރުން ޕޯޗުގަލްގެ މަޝްހޫރު އެހެން ބައެއް ސެލެބްރިޓީންގެ ވެސް އިސްތަށިގަނޑު ސްޓައިލް ކޮށް މޭކަޕް ކޮށްދޭ މީހެއް ކަމަށެވެ.
މި މައްސަލައިގެ ތުހުމަތުގައި އުމުރުން 39 އަހަރުގެ ބުރެޒިލް ރައްޔިތެއް ހައްޔަރުކޮށްފައިވާކަން ސްވިޒަލޭންޑްގެ ފުލުހުން ވަނީ ކަށަވަރުކޮށްދީފައެވެ. ރިކާޑޯ މަރާލުމުގެ ފަހަތުގައި ވަނީ ކޮން ބޭނުމެއް ކަން އަދި ރަސްމީ އެއްވެސް އިދާރާއަކުން ހިއްސާ ކޮށްފައި ނުވާއިރު މިކަމާ ގުޅިގެން ރޮނާލްޑޯ ވެސް އެއްވެސް އެއްޗެއް ބުނެފައި ނުވެއެވެ.
ލިޔުންތެރިޔާގެ ފުރަމަލަ
- އަޙްމަދު ޝާމިން މައިގަނޑު ގޮތެއްގައި ލިޔާނީ ކުޅިވަރު ޚަބަރުތަކެވެ. ފިލްމީ އަދި މިއުޒިކީ ދާއިރާ ނޫން އެހެން ހުރިހައި ދާއިރާތަކަށް ވެސް ޝާމިން ލިޔާނެއެވެ.
މި ލިޔުންތެރިޔާގެ ބައެއް އެހެން ލިޔުންތައް
- 5 ޖެނުއަރީ 2022ޚަބަރުކޮވިޑް ކޭސްތައް ގިނަވެ އިނގެރޭސި ލީގު ކަޕް ސެމީ ފައިނަލް މެޗު ފަސްކޮށްފި
- 4 ޖެނުއަރީ 2022ޚަބަރުއާ އަހަރު ކުޅުނު ފުރަތަމަ މެޗުން ޔުނައިޓެޑް ބަލިވެއްޖެ
- 4 ޖެނުއަރީ 2022ޚަބަރުފްރެންޗް ކަޕްގެ ގެ ގަދަ 16 އަށް ޕީއެސްޖީ ދަތުރުކޮށްފި
- 2 ޖެނުއަރީ 2022ޚަބަރުރޮޑްރީގެ ގޯލުން ފަހު ވަގުތު ސިޓީން އާސެނަލް ބަލިކޮށްފި
