މިރޭ އޮލިމްޕަހުގައި އޮންނަ ‘ބައިސްކޯފު ޕްރެސެންޓްސް ދިވެހި ފިލްމު އެވޯޑްސް 9’ ދިވެހި ޤައުމީ ޓީވީ، ޓީވީއެމް އިން ދައްކަން ނިންމާފައިވާކަމުގެ މަޢުލޫމާތެއް ލިބިއްޖެއެވެ.

ޓީވީއެމް އިން އެވޯޑްގެ ޚަބަރާއި މަޢުލޫމާތުތައް ގެނެސްދޭން ނިންމާފައިވިޔަސް މިރޭގެ އިވެންޓް ވަގުތުން ދެއްކުމަށް ހަމަޖެހިފައެއް ނުވެެެއެވެ.

ފިލްމީ ދާއިރާގެ ވަރަށް ފުންނާބު އުސް ބައެއް ފަންނާނުން މުނިއަވަސް އަށް ބުނީ ފިލްމު އެވޯޑް ދިނުމުގެ ހަފުލާގެ މަންޒަރާއި ޚަބަރުތައް ޕީއެސްއެމްގެ ޗެނަލް، ޓީވީއެމް އިން ދައްކާނެ ކަމަށެވެ.

ޕީއެސްއެމް އިން އެވޯޑް ހަފުލާ ނުދެއްކުމަކީ ޕީއެސްއެމްގެ ނާގާބިލުކަން ކަމަށް އިއްޔެ ލަންކާގައި ހުރެ ބުނެފައިވާ ފިލްމީތަރި، ޑައިރެކްޓަރ އަދި ޕްރޮޑިއުސަރ ހުސައިން މުނައްވަރު (ކުޑަފޫޅު) ވެސް ބުނީ ޓީވީއެމް އިން އެ ހަފުލާގެ ކަވަރޭޖް ހަދާނެކަން ރޭގެ ވަގުތެއްގައި އެނގިފައިވާ ކަމަށެވެ.

މަޢުލުމާތު ލިބޭ ގޮތުން މިރޭގެ ހަފުލާގައި ރައީސުލް ޖުމްހޫރިއްޔާ އިބްރާހިމް މުޙައްމަދު ޞާލިހް ވެސް ބައިވެރިވެ ވަޑައިގަންނަވާނެ އެވެ.

އެންސީއޭ އިން ބާއްވާ ‘ބައިސްކޯފު ޕްރެސެންޓްސް ދިވެހި ފިލްމު އެވޯޑްސް 9’ ވީޓީވީންނާއި ބައިސްކޯފު އެޕުން ވެސް މިރޭ ދައްކާނެ އެވެ.

ފިލްމު އެވޯޑް ބޭއްވުމުގެ ބޮޑު ހަފުލާއަށް ވަގުތު ކުޑަތަންވެފައިވާއިރު، އަދިވެސް ބައެއް ފިލްމީ ފަންނާނުންނާއި ބައެއް މީޑިއާތަކަށް ދަޢުވަތު ލިބިފައި ނުވާކަން ފާހަގަކޮށްލެވެއެވެ. އެގޮތުން ރާއްޖޭގެ މުނިފޫހިފިލުވުމުގެ ޚަބަރާއި މަޢުލޫމާތު އެންމެ ޢަވަހަށް، ތާޒާކަމާއެކު ގެނެސްދެމުން އަންނަ މުނިއަވަސް އަށްވެސް އަދި ދަޢުވަތު ނުލިބިއެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު

ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

މި ލިޔުންތެރިޔާގެ ބައެއް އެހެން ލިޔުންތައް

• 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
• 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
• 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
• 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!