ރާއްޖޭންވެސް އާންމުކޮށް ލިބެންހުންނަ މޭވާއެއް ކަމުގައިވާ ޖޭމުން ހަކުރުބައްޔަށް ފަރުވާ ކުރެވޭނެކަމަށް، ހޯދި ހޯދުމެއްގެ ސަބަބުން އިލޯއިލޯގެ މި 16 އަހަރުގެ ހައި-ސްކޫލް ދަރިވަރުގެ ވާހަކަ ވައިރަލް ވެއްޖެއެވެ.

ފިލިޕީންސްގެ މި ޒުވާން ސައިންޓިސްޓް މާރިއާ އިސަބެލް ލޭސަން އަކީ މިދިޔަ ފެބްރުއަރީމަހު ބޭއްވުނު “2019 ނެޝަނަލް ސައިންސް އެންޑް ޓެކްނޮލޮޖީ ފެއަރ” ގެ އިނާމު ހާސިލް ކޮށްފައިވާ ފަރާތެކެވެ.

ދުނިޔޭގައި ބޭއްވޭ އެންމެ ބޮޑެތި ޕްރީ-ކޮލެޖް ސައިންސް ރިސާރޗް މުބާރާތް ތަކުގެ ތެރެއިން މުބާރާތެއް ކަމަށްވާ، އެމެރިކާގެ އެރިޒޯނާގެ ފީނިކްސްގައި ބޭއްވުނު އިންޓަރނޭޝަނަލް ސައިންސް އެންޑް އެންޖިނިއަރިންގ ފެއަރގައި ބައިވެރިކުރަން ފޮނުވި 12 އީޖާދުގެ ތެރޭގައި މާރިއާގެ މި އީޖާދު ހިމެނުނެވެ. އަދި މީނާއަކީ ގޮކޮންގްވެއި ޔަންގް އާޓިސްޓް އެވޯޑް ހާސިލްކުރި ފުރަތަމަ ފަރާތްވެސް މެއެވެ. މާރިއާ އަމިއްލައަށް ކުރި ދިރާސާއަކުން ޖޭމަކީ ޓައިޕް 2 ޑައިބިޓީސް އަށް ފަރުވާއެއްކަމަށް ހޯދިފައި ވެއެވެ.

އެނާ ބުނާގޮތުން ހަކުރުބައްޔަށް ފަރުވާ ލިބެނީ ހަމައެކަނި މި މޭވާ އަކުން ނޫނެވެ. މި ގަހުގެ ގޮތްޕާއި ފަތާއި މަލުގައިވެސް އެންޓި-ޑައިބެޓިކް ތާސީރު އެކުލެވިފައިވާކަމަށް އޭނާގެ ތަހްލީލު ތަކުން ދައްކައެވެ.

ޑައިބެޓީސް މެލީޓަސް (ޑީ އެމް) އާންމު ނަމުންނަމަ ޑައިބެޓީސް އަކީ ލޭގައި ހިމެނޭ ހަކުރު ކޮންޓްރޯލް ކުރުން ނުކުޅެދޭ ސިއްހީ ހާލަތަކަށް ދިއުމުން ޖެހޭ ބައްޔެކެވެ. ހަކުރު ބައްޔޭ މިކިޔަނީ މި ބައްޔަށެވެ.

ޖޭމަށް އެކި ގައުމުގައި މިކިޔަނީ އެކި ނަމެވެ. ޖެމެއިކަން ޗެރީ، ޕެނަމާ ބެރީ، ސިންގަޕޫރު ޗެރީ، ބޮލޭނިއާ ޔަމަނާޒާ ފަދަ ކިތަންމެ ނަމެކެވެ.

ލިޔުންތެރިޔާގެ ފުރަމަލަ

މުޙައްމަދު ނަޒީރު
މުޙައްމަދު ނަޒީރު
އާއްމުކޮށް ނަޒީރުގެ ލިޔުންތައް ނުފެނުނަސް، ނަޒީރަކީ ތަޖުރިބާކާރު ބޭފުޅެކެވެ.

ގުޅުންހުރި ލިޔުން: