ރޭ އިޒްރޭލުގައި އާޖެންޓީނާ އަދި އުރުގުއޭ ބައްދަލުކުރި ބައިނަލްއަގުވާމީ އެކުވެރިކަމުގެ މެޗު 2-2 ގެ ނަތީޖާއަކުން އެއްވަރުވެގެން ނިމިއްޖެއެވެ.
މެޗުގެ ފުރަތަަމަ ހާފުގައި އެޑިންސަން ކަވާނީ 34 ވަނަ މިނެޓުގައި ގޯލެއް ކާމިޔާބުކޮށް އުރުގުއޭ އަށް ވަނީ މެޗުގެ ކުރި ހޯދައިދީފައެވެ. އާޖެންޓީނާ ގިނައިރު ބޯޅަ ހިފަހައްޓައިގެން، ރީތި ކުޅުމެއް ކުޅެ އަދި ގިނަ ހަމަލާތަކެއް އުފެއްދި ނަމަވެސް ފުރަތަަމަ ހާފުގައި ގޯލެއް ކާމިޔާބުކުރެވޭގޮތެއް ވަނީ ނުވެފައެވެ.
ދެވަނަ ހާފުގެ 63 ވަނަ މިނެޓުގައި ސާޖިއޯ އަގުއޭރޯ ވަނީ ގޯލެއް ކާމިޔާބުކޮށް މެޗުގެ ނަތީޖާ ހަމަހަމަ ކޮށްދީފައެވެ. ނަމަވެސް އޭގެ ފަސް މިނެޓް ފަހުން ލިބުނު ހިލޭ ޖެހުމެއް ކާމިޔާބުކޮށް ލުއިސް ސުއަރޭޒް ވަނީ އުރުގުއޭ އަށް އަލުން މެޗުގެ ލީޑު ހޯދައިދީފައެވެ. އާޖެންޓީނާ ސަލާމަތްކޮށްދިން ލަނޑު، މެޗުގެ އިތުރު ވަގުތުގައި ލިބުނު ޕެނަލްޓީއަކުން ކާމިޔާބުކޮށްދިނީ ލިއޮނެލް މެސީ އެވެ.
މިއީ މެސީ ގައުމީ ޓީމަށް ކާމިޔާބުކޮށްދިން 70 ވަނަ ގޯލުކަން ފާހަގަކޮށްލެވެއެވެ. ސައުތު އެމެރިކާގެ ގައުމުތަކުން ގައުމީ ޓީމަށް އެންމެ ގިނަ ގޯލު ކާމިޔާބު ކުރުމުގެ ރެކޯޑް އޮންނަނީ 77 ގޯލާއެކު ޕެލޭ އަތުގައެވެ. ޕެލޭގެ މި ރެކޯޑް މުގުރާލުމަށް މެސީ ބޭނުންވަނީ 8 ގޯލުކަން ފާހަގަކޮށްލެވެއެވެ. ކޮޕާ އެމެރިކާ ފުޓްބޯޅަ މުބާރާތުގައި ހިނގައިދިޔަ ކަންތަކާއި ގުޅިގެން، ލިބުނު ތިން މަހުގެ ސަސްޕެންޝަނަށް ފަހު އެނބުރި އައިސް ކުޅުނު ދެ މެޗުގައި ވެސް މެސީ ވަނީ ގޯލު ޖަހައި، މޮޅުކުޅުމެއް ދައްކާފައެވެ.
މިއަހަރު އޮތް ކޮޕާ އެމެރިކާ ފުޓްބޯޅަ މުބާރާތުގެ ފަހުން އާޖެންޓީނާ ބަލިވެފައި ނުވާއިރު، ކުޅުނު 6 މެޗުގެ ތެރެއިިން 3 މެޗުން މޮޅުވެ އަދި 3 މެޗުން ވަނީ އެއްވަރުވެފައެވެ.
ލިޔުންތެރިޔާގެ ފުރަމަލަ
- އަޙްމަދު ޝާމިން މައިގަނޑު ގޮތެއްގައި ލިޔާނީ ކުޅިވަރު ޚަބަރުތަކެވެ. ފިލްމީ އަދި މިއުޒިކީ ދާއިރާ ނޫން އެހެން ހުރިހައި ދާއިރާތަކަށް ވެސް ޝާމިން ލިޔާނެއެވެ.
މި ލިޔުންތެރިޔާގެ ބައެއް އެހެން ލިޔުންތައް
- 5 ޖެނުއަރީ 2022ޚަބަރުކޮވިޑް ކޭސްތައް ގިނަވެ އިނގެރޭސި ލީގު ކަޕް ސެމީ ފައިނަލް މެޗު ފަސްކޮށްފި
- 4 ޖެނުއަރީ 2022ޚަބަރުއާ އަހަރު ކުޅުނު ފުރަތަމަ މެޗުން ޔުނައިޓެޑް ބަލިވެއްޖެ
- 4 ޖެނުއަރީ 2022ޚަބަރުފްރެންޗް ކަޕްގެ ގެ ގަދަ 16 އަށް ޕީއެސްޖީ ދަތުރުކޮށްފި
- 2 ޖެނުއަރީ 2022ޚަބަރުރޮޑްރީގެ ގޯލުން ފަހު ވަގުތު ސިޓީން އާސެނަލް ބަލިކޮށްފި
