އަނީސް ބަޒްމީގެ ކޮމެޑީ ފިލްމް ‘ޕާގަލްޕަންތީ’ ބޮކްސް އޮފީހުގައި ކުރި އަރަމުން އަންނަ އިރު، އެކަމުގެ ސަބަބުން އެންމެ ބޮޑު ހާސްކަމެއް ގެނުވާ ފިލްމަކީ އެނިމޭޝަން ފިލްމް ‘ފްރޯޒަން 2’ އެވެ.

ޖޯން އަބްރަހަމް، އިލީނާ ޑީ ކްރޫޒް، އަނިލް ކަޕޫރު އަދި މި ނޫނަސް އިތުރު ތަރިން ލީޑް ރޯލުން ފެނިގެންދާ ‘ޕާގަލްޕަންތީ’ގެ ފުރަތަމަ ހަފްތާ ނިމުނު އިރު ޖުމްލަ 28 ކުރޯޑު ރުޕީސް ވަނީ ލިބިފައެވެ.

ބޮކްސް އޮފީހުގެ ރިޕޯރޓުތައް ބުނާ ގޮތުން ނިމިދިޔަ ހަފްތާގެ ބުރާސްފަތި ދުވަހު 1.90 ކުރޯޑް ރުޕީސް ލިބިފައިވާ ‘ޕާގަލްޕަންތީ’އަށް ހޯމަ، އަންގާރަ އަދި ބުދަ ދުވަހު، 2.50 ކުރޯޑް ރުޕީސް އާއި 2.35 ކުރޯޑް ރުޕީސް އަދި 2.10 ކުރޯޑް ރުޕީސް ލިބިފައިވެއެވެ. މިއާއެކު ފިލްމުގެ ފުރަތަމަ ހަފުތާ ނިންމާލާފައިވަނީ ޖުމްލަ 28.35 ކުރޯޑް ރުޕީސްއާ އެކުގައެވެ.

‘ޕާގަލްޕަންތީ’ އާ އެންމެ ކައިރިން ދެން ވާދަ ކުރާ ފިލްމަކީ ޑިސްނީގެ އެނިމޭޓެޑް ފިލްމް، ‘ފްރޯޒަން 2’ އެވެ. ‘ފްރޯޒަން 2’، ބައިނަލްއަގުވާމީ ބޮކްސް އޮފީހުގައި ކުރިއަރަމުން އަންނަ އިރު، ‘ޕާގަލްޕަންތީ’ ވެސް އަންނަނީ ބެލުންތެރިން އެ ފިލްމުގެ ޖާދޫގައި ޖައްސަމުންނެވެ.

‘ފްރޯޒަން 2’ އަށް ނިމިދިޔަ ބުރާސްފަތި ދުވަހު ލިބުނު 1.40 ކުރޯޑް ރުޕީސްއާއެކު މިހާރު ޖުމްލަ ލިބިފައިވަނީ 24.30 ކުރޯޑް ރުޕީސް އެވެ.

މި ދެ ފިލްމުގެ ދެމެދުގައި މި އޮތް 4 ކުރޯޑުގެ ފަރަގަށް މި ފެށޭ ހަފްތާ ބަންދު ތެރޭގައި ވާނީ ކިހިނެއްބާވައޭ މީ ބެލުންތެރިންގެ މެދުގައި ދައުރުވާ ބޮޑު ސުވާލެކެވެ.

‘ޕްރޯޒަން 2’ އަށް ބަލާއިރު ބައިނަލް އަގުވާމީ ސިނަމާ ތަކުގައި މިއަދާ ހަމައަށް މި ފިލްމު ގިނަ ރިކޯރޑް ތަކެއް ހަދަމުން މުގުރަމުން އަންނަ އިރު މިހާތަނަށް އެންމެ ކުލަ ގަދަކޮށް ރިލީޒްކުރި އެނިމޭޓެޑް ފިލްމަކީވެސް ‘ފްރޯޒަން 2’ އެވެ.

ބޮކްސް އޮފީހުގެ ރިލީޒްކުރުމަށް ތައްޔާރު ވެފައިވާ އިތުރު ފިލްމުތަކަށް ބަލާއިރު، އަރްޖުން ކަޕޫރުގެ ހިސްޓޮރިކަލް ޑްރާމާ ‘ޕަނީޕަތު’ އަދި ކާރްތިކް އާރްޔަންގެ ލޯބީގެ ކޮމެޑީ ފިލްމް ‘ޕަތީ ޕަތުނީ އޯރް ވޯ’، މި ފަށާ ޑިސެމްބަރ މަހުގެ 6 ވަނަ ދުވަހު ރިލީޒް ކުރުމަށް މިހާރު އަންނަނީ ތައްޔާރު ވަމުންނެވެ.

ލިޔުންތެރިޔާގެ ފުރަމަލަ

މަރިޔަމް ޝައިލާ
ފިލްމީ ޚަބަރު ލިޔުމަކީ ޝައިލާގެ ޚާއްޞަ ހުނަރެކެވެ. ބޮލީވުޑްގެ ޚަބަރުތައް ލިޔުމަކީ ޝައިލާގެ ޚާއްޞަ ދާއިރާއެވެ.

ގުޅުންހުރި ލިޔުން: