ހަނިމާދޫ ޒުވާނުންގެ ޖަމުޢިއްޔާއިން އިންތިޒާމު ކޮށްގެން ކުރިއަށް ގެންދާ އާދަމް ސަލީމް ކަޕް 2019 ފުޓްބޯޅަ މުބާރާތުގެ ހަތަރު ވަނަ މެޗު ފަސޭހަކަމާއިއެކު ޓީމު ރިއަލް ސްޓާރސް އިން ކާމިޔާބުކޮށްފިއެވެ.
މިއަދު ހަވީރު ހަނިމާދޫ ރަސްމީ ފުޓްބޯޅަ ދަނޑުގައި ކުޅުނު މި މެޗު ރިއަލް ސްޓާރސް އިން ކާމިޔާބު ކޮށްފައި ވަނީ ޓީމު ރޫހާއި ވާދަކޮށް 5-1 ގެ ތަފާތު ބޮޑު ނަތީޖާއަކުންނެވެ.
މުބާރާތުގައި ރިއަލް ސްޓާރސް ކުޅުން ފުރަތަމަ މެޗުން ބަލިވެފައި ވުމުން މިއަދުގެ މެޗަށް އެ ޓީމުން ނުކުމެފައި ވަނީ އާ ހިތްވަރަކާއި އެކުގައެވެ. މުޅި މެޗުގައި ވެސް ރިއަލް ސްޓާރސް އިން ވަނީ މޮޅަށް ކުޅެ ގިނަ ހަމަލާތަކެއް އިދިކޮޅު ޓީމުގެ ގޯލަށް ފޮނުވައިލާފައެވެ.
މިގޮތުން މެޗުގެ ފުރަތަމަ ލަނޑު ފެނިގެން ގޮސްފައިވަނީ ފުރަތަމަ ހާފުގެ 9 ވަނަ މިނެޓުގައެވެ. މި ލަނޑު ކާމިޔާބު ކޮށްފައިވަނީ އެ ޓީމުގެ ޖޯޒީ ނަންބަރު 10 ނޫރުﷲ ޠާހާއެވެ. މި ލަނޑު އޭނާ ކާމިޔާބުކޮށްފައި ވަނީ ބޮޑު އޭރިޔާގެ ބޭރުން ފޮނުވައިލި ބޯޅައަކުންނެވެ. ދެވަނަ ލަނޑު 45 ވަނަ މިނެޓުގައި ކާމިޔާބު ކޮށްދީފައިވަނީ އެ ޓީމުގެ ޖޯޒީ ނަންބަރު 57 މޫސާ ކައުޔަޝްއެވެ. ފުރަތަމަ ހާފު ނިމިފައިވަނީ 2-0 ގެ ނަތީޖާއަކުން ރިއަލް ސްޓާރސްއިން ކުރީގައި އޮވެގެންނެވެ.
ފަހު ހާފުގައި ވެސް ފުރތަމަ ލަނޑުޖަހާފައިވަނީ ރިއަލް ސްޓާރސް އިންނެވެ. މި ލަނޑު ކާމިޔާބު ކޮށްފައި ވަނީ ލިބުނު ހިލޭ ޖެހުމަކުން އެ ޓީމުގެ ޖޯޒީ ނަންބަރު 5 އަބުދުﷲ މިސްބާހުއެވެ. މި ލަނޑަކީ މި މެޗުގައި ފެނިގެންދިޔަ އެންމެ ހިތްގައިމު އެއް ލަނޑެވެ. ރިއަލް ސްޓާރސްގެ ހަތަރުވަނަ ލަނޑު އަދި ފަސްވަނަ ލަނޑުވެސް ކާމިޔާބުކޮށްފައި ވަނީ އެ ޓީމުގެ އިތުބާރު ފޯވާޑު ނޫރުﷲ ޠާހާއެވެ. ފަސްވަނަ ލަނޑު ކަމިޔާބުކޮށްފައިވަނީ ލިބުނު ޕެނަލްޓީއަކުންނެވެ. އޭނާ ވަނީ މިމެޗުގައި ހެޓްރިކް ހަދާާފައެވެ.
ރޫހު ޓީމުން ޖެހި ހަމައެކަނި ލަނޑު ޖަހާފއިވަނީ ބަދަލު ކުޅުންތެރިއެއްގެ ގޮތުގައި ކުޅެން ނުކުތް އެ ޓީމުގެ ޖޯޒީ ނަންބަރު 11 މުހައްނިކު މުހައްމަދެވެ.
މިއަދުގެ މެޗުގެ މޮޅު ކުޅުންތެރިޔަކަށް ހޮވިފައިވަނީ ރިއަލް ސްޓާރސް ޓީމުގެ ނޫރުﷲ ޠާހާއެވެ. މޮޅުކުޅުންތެރިޔާއަށް އިނާމު ހަވާލުކޮށް ދެއްވީ މިއަދު މެޗުގެ ޝަރަފުވެރި މެހެމާނު އަހުމަދު ސަލީމެވެ. އަހުމަދު ސަލީމަކީ މި މުބާރާތުގެ ނަން ހާއްސަ ކުރެވިފައިވާ އަލްމަރުހޫމް އާދަމް ސަލީމުގެ ދޮށީ ދަރިފުޅެވެ.
މި މުބާރާތުގެ މެޗެއް މާދަމާ ވެސް އޮންނާނެއެވެ. ބައްދަލު ކުރާނީ ޔޫތު ފުރެންޑްސް އާއި ޓީމު ޔުނީފޯމެވެ. މެޗު ފެށުމަށް ހަމަޖެހިފައިވަނީ 16:00 ގައެވެ.
ލިޔުންތެރިޔާގެ ފުރަމަލަ
- މުނިއަވަސްގެ ޑެޕިއުޓީ އެޑިޓަރ އިބްރާހިމް ޚަލީލްގެ ޚާއްޞަ ދާއިރާ ތަކަކީ ދީނީ، އިޖްތިމާޢީ އަދި އަދަބިއްޔާތެވެ. ކަރަންޓް އެފެއާޒަކީވެސް އޭނާ ފަރިތަ ދާއިރާއެކެވެ.
މި ލިޔުންތެރިޔާގެ ބައެއް އެހެން ލިޔުންތައް
- 24 ޖެނުއަރީ 2024ރިޕޯޓްބަރުދަން އިތުރުވާން ހާސްދުވަސް، ލުއިކުރަން އެއްދުވަސް!
- 28 ޖޫން 2020ޚަބަރުކާނިވާ ސަރަޙައްދުގައި ޕާރކިންގ ޒޯނެއް ހެދުމަށް އެތަން ހުސްކުރުމަށް އަންގައިފި
- 27 ޖޫން 2020ޚަބަރުމާލޭ މަސް މާރުކޭޓު އަލުން ހުޅުވަނީ
- 27 ޖޫން 2020ޚަބަރުމުއްދަތު ހަމަވެފައިވާ އައިޑީ ކާޑަށް ޚިދުމަތް ފޯރުކޮށްދެވޭ މުއްދަތު އިތުރުކޮށްފި