ދިވެހިރާއްޖޭގައި ޗުއްޓީ ހޭދަކޮށްލާ، ގޮލްފް ކުޅެލަން މެންޗެސްޓަރ ސިޓީގެ ކޯޗު ޕެޕް ގާޑިއޯލާ އަށް އެމްއެމްޕީއާރުސީ އިން ދައުވަތު ދީފިއެވެ.
އިއްޔެ ބޭއްވި ނޫސްވެރިންގެ ބައްދަލުވުމެއްގައި މެންޗެސްޓަރ ސިޓީގެ ވާދަވެރި ކުލަބު ކަމަށްވާ މެންޗެސްޓަރ ޔުނައިޓެޑާއި އެއްވެސް އިރެއްގައި ހަވާލުވެދާނަންތޯ ނޫސްވެރިއެއް ކުރި ސުވާލަށް ޖަވާބު ދެމުން ގާޑިއޯލާ ބުނީ، ބާސެލޯނާ އަށް ކޯޗުކަން ކޮށްދިނުމަށް ފަހު ވާދަވެރި ރެއާލް މެޑްރިޑުގެ ކޯޗުކަމާއި ހަވާލުނުވާގޮތަށް، މެންޗެސްޓަރ ސިޓީ އަށް ކޯޗުކަން ކޮށްދިނުމަށް ފަހު މެންޗެސްޓަރ ޔުނައިޓެޑުގެ ކޯޗުކަމާއި ހަވާލުނުވާނެ ކަމަށެވެ. އަދި، މެންޗެސްޓަރ ޔުނައިޓެޑަށް ކޯޗުކަން ކޮށްދިނުމަށް ވުރެން ރާއްޖޭގައި އުޅުން އޭނާ އަށް މާ ރަނގަޅު ކަމަށެވެ. ނަމަވެސް ރާއްޖޭގައި ގޮލްފް ކޯހެއް ނެތްކަމަށް ވެސް އޭނާ ބުނެފައިވެއެވެ.
ނޫސްވެރިންގެ ބައްދަލުވުމުގައި ގާޑިއޯލާ މިހެން ބުނި ވީޑިއޯ ޓްވީޓު ކުރަމުން އެމްއެމްޕީއާރުސީ ގެ “ވިޒިޓް މޯލްޑިވްސް” ޓްވިޓާ އެކައުންޓުގައި ބުނެފައިވަނީ، ރާއްޖޭގައި ޗުއްޓީ ހޭދަކޮށްލުމަށް ގާޑިއޯލާ ޝައުގުވެރިކަން ފާޅުކުރުމުން ވަރަށް އުފާވާ ކަމަށާއި، ރާއްޖޭގެ ކޮންމެވެސް އެއް ގޮލްފް ކޯހެއްގައި ގޮލްފް ކުޅެލަން ދައުވަތު ފޮނުވާ ކަމަށެވެ. އެމްއެމްޕީއާރުސީ ގެ މި ޓުވީޓަށް ގޮލްފް ކޯސްތައް އޮންނަ ރާއްޖޭގެ މަޝްހޫރު ރިސޯޓުތަކުން ދަނީ މި ޓްވީޓަށް ކޮމެންޓުކޮށް، ރިޓްވީޓް ކުރަމުންނެވެ.
ލިޔުންތެރިޔާގެ ފުރަމަލަ
- އަޙްމަދު ޝާމިން މައިގަނޑު ގޮތެއްގައި ލިޔާނީ ކުޅިވަރު ޚަބަރުތަކެވެ. ފިލްމީ އަދި މިއުޒިކީ ދާއިރާ ނޫން އެހެން ހުރިހައި ދާއިރާތަކަށް ވެސް ޝާމިން ލިޔާނެއެވެ.
މި ލިޔުންތެރިޔާގެ ބައެއް އެހެން ލިޔުންތައް
- 5 ޖެނުއަރީ 2022ޚަބަރުކޮވިޑް ކޭސްތައް ގިނަވެ އިނގެރޭސި ލީގު ކަޕް ސެމީ ފައިނަލް މެޗު ފަސްކޮށްފި
- 4 ޖެނުއަރީ 2022ޚަބަރުއާ އަހަރު ކުޅުނު ފުރަތަމަ މެޗުން ޔުނައިޓެޑް ބަލިވެއްޖެ
- 4 ޖެނުއަރީ 2022ޚަބަރުފްރެންޗް ކަޕްގެ ގެ ގަދަ 16 އަށް ޕީއެސްޖީ ދަތުރުކޮށްފި
- 2 ޖެނުއަރީ 2022ޚަބަރުރޮޑްރީގެ ގޯލުން ފަހު ވަގުތު ސިޓީން އާސެނަލް ބަލިކޮށްފި
