ލަވަފޮށީގެ 2019ގެ ޓޮޕް އާޓިސްޓުންނާއި އެންމެ ޓޮޕް 50 ލަވައިގެ ލިސްޓް އާއްމުކޮށްފައިވާއިރު ހިޕްހޮޕް ލަވަތައް ވަނީ ރާއްޖޭގެ މިއުޒިކް އިންޑަސްޓްރީގެ އެންމެ މަގުބޫލު ޖޮންރާއަށް ވެފައެވެ. އެ ޖޮންރާގެ ވަރަށް އޮބި ލަވަތަކެއް ހިމެނޭ އަލްބަމެއް އަނެއްކާވެސް މިވަނީ ލަވަފޮށީގައި ނެރެފައެވެ. “މީ މާލެ” ގެ ނަމުގައި ރިލީޒްކޮށްފައިވާ އަލްމަބަށް ބޮޑު ތަރުހީބެއް ލިބެމުން އަންނައިރު، މި އަލްބަމާ ބެހޭ އިތުރު ބައެއް މަޢުލޫމާތުތައް ހޯދައިލީމެވެ.

ލަވަފޮށީގައި ރިލީޒްކޮށްފައިވާ “މީ މާލެ” އަލްބަމްގައި ޖުމްލަ ނުވަ ލަވަ ހިމެނޭއިރު މިއީ ތުއްތުގެ ފުރަތަމަ އަލްބަމެވެ. ތުއްތުގެ ބައެއް ލަވަތައް މީގެކުރިންވެސް ވަނީ ލަވަފޮށީގައި ނެރެފައެވެ. އެގޮތުން ތުއްތު ބުނީ އޭނާގެ ތިން ސިންގަލް ނެރެފައިވާކަމަށެވެ.

“މީ މާލެ” އަލްބަމްގައި ހިމެނޭ ލަވަތަކުގެ ލިސްޓު

“މީ މާލެ” އަލްބަމްގެ ލަވަތަކަށް ބަލައިލާއިރު، ވިއްޓެގެ ކޯރަސް ފިޔަވައި ހުރިހައި ލިރިކްސް އެއް ލިޔުނީ ތުއްތުއެވެ. ނަމަވެސް ރެޕްކޮށްފައިވާ ބައިތަކުގެ ލިރިކްސް ލިޔުނީ ލަވަތަކުގައި ރެޕްކޮށްފައިވާ އާޓިސްޓުން ކަމަށް ތުއްތު ބުންޏެވެ. ލަވަތައް ކޮމްޕޯސްކޮށް މިކްސިން ހެދީވެސް ލަވަތައް ކިޔާފައިވާ އާޓިސްޓުންކަމަށް ވެސް ތުއްތު ބުންޏެވެ. އެގޮތުން އަލްބަމްގެ 90 ޕަސެންޓް ލަވަތަކުގެ މިކްސިންހެދީ ރައިޑޭ އެވެ. 10 ޕަސެންޓްގެ މިކްސިންހެދީ މިސްޓީއެވެ. ހުރިހައި ޓްރެކްތަކެއްގެ މާސްޓަރިން ހެދީ މިފްރާހް މުހައިމިން އެވެ.

ތުއްތު

އަލްބަމްގެ އެކި ލަވަތައް ޕްރޮޑިއުސްކޮށްފައިވަނީ ވެސް އެކިއެކި އާޓިސްޓުންކަން ފާހަގަކޮށްލެވެއެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: