ކާމިޔާބު ދިވެހި ފިލްމު ”ބަވަތި“ އުފެއްދި ޕްރޮޑަކްޝަން ހައުސް ’އައި ފިލްމްސް‘ ގެ ދެވަނަ ފިލްމު “ނީނާާ”ގެ ޝޫޓިން އަންނަ ފެބްރުއަރީ މަހު 01ވަނަ ދުވަހު ފެށުމަށް ތައްޔާރުވެއްޖެއެވެ.
ލ. އަތޮޅުގެ ގުޅާލެވިފައިވާ ރަށްތަކުގައި ފިލްމު “ނީނާާ” ޝޫޓްކުރުމަށް ހަމަޖެހިފައިވާއިރު، ފިލްމަށް ލޮކޭޝަން ހޯދުމަށް ޑައިރެކްޓަރ އިލްޔާސް ވަހީދު (އިއްލެ) އާއި ޕްރޮޑިއުސަރ އާސިމް ޢަލީ، މިމަހު 18ގައި ލާމަށް ގޮސްފައިވެއެވެ. އިއްލެ އާއި އާސިމްގެ ދަތުރު ނިންމާލުމަށްފަހު މިއަދު މާލެ އައުމަށްވަނީ ހަމަޖެހިފައެވެ.
ފިލްމު “ނީނާާ” ގެ ޝޫޓިން ލ. އަތޮޅުގައި ކުރިއަށްދާއިރު، ފިލްމުގެ ކުދިކުދި ރޯލުތައް ކުޅުމަށް އެ އަތޮޅުން މީހުން ހޯދުމަށް ގޮވައިލި ގޮވާލުމަށް ވަރަށް އެދެވޭ ތަރުހީބެއް ލިބިފައިވާކަމަށް އިއްލެ ބުންޏެވެ. އިއްލެ ބުނީ ބޭނުންވާ ވަރަށްވުރެން މާ ގިނައިންވެސް މީހުން އެދިފައިވާކަމަށާ މިހާރުވެސް ބައެއް ފަރާތްތަކުން އެދެމުން އަންނަ ކަމަށެވެ.
ފިލްމު ”ނީނާ”ގެ ކާސްޓަށް ބަލައިލާއިރު، ލީޑްގައި ހަރަކާތްތެރިވަނީ ނުޒުޙަތު ޝުޢާއިބް، އަލަށް ތަޢާރަފުކުރާ ޝަރަފް ޢަބްދުﷲ، ޖުމައްޔިލް ނިމާލް އެވެ. މީގެ އިތުރުން ހަމްދޫން ފާރޫޤް، ޢަލީ ޔޫޝަޢު އާއި އަލަށް ތަޢާރަފްވާ ނަތާޝާ ޖަލީލް، ނާޖިހާ އަޒޫރް، ޢަލީ އިނާޒް، އަލަށް ތަޢާރަފްވާ އިބްރާހިމް ޝާއިފް، މުޙައްމަދު ޢަލީ (މޯޑެކްސް)، އަލަށް ތަޢާރަފްވާ ޙަސަން ސާމިހް މުޙައްމަދު، ހަސަން ޝިނާން އަދި މަރިޔަމް ޝަކީލާ އާދަމް ހިމެނެއެވެ.
ފިލްމުގެ މިއުޒިކް ހަދަނީ ހުސައިން ތައުފީގް އެވެ. މޭކަޕް ހަދައިދެނީ ”ބަވަތި“ގައި ފެނިގެންދިޔަ ފުރިހަމަ މޭކަޕްތައް ހެދި އާޓިސްޓް ރުޠުބާ އަޙްމަދު އެވެ.
މި ފިލްމުވެސް ކެމެރާ ކުރަނީ ”ބަވަތި“ ކެމެރާކުރި ހުނަރުވެރި ކެމެރާމަން ވިޝާން (ކަނޑި) އެވެ. އެޑިޓިން އާއި ޕޯސްޓް ޕްރޮޑަކްޝަން ހަދަނީ ”ބަވަތި“ ގައި ވެސް އެ މަސައްކަތްތައް ވަރަށް ފުރިހަމައަށް ކޮށްފައިވާ ’އޯކޭޒް އިންކް‘ އިނެވެ. ވިޝުއަލް ހަދަނީ އޯކޭޒް އިންކް ގެ ސާމީ އެވެ.
ފިލްމުގެ ވާހަކަ އާއި ސްކްރިޕްޓް ލިޔުނީ އިލްޔާސް ވަހީދު އެވެ. އެސިސްޓެންޓް ޑައިރެކްޓަރެއްގެ ގޮތުގައި ހަރަކާތްތެރިވަނީ ޓީވީ ޕްރޮޑަކްޝަން ތަކުން ތަޖުރިބާ ލިބިފައިވާ ”ބަވަތި“ ގެ ލީޑުން ފެނިގެންދިޔަ އަހްމަދު އިފްނާޒް ފިރާގް އެވެ. މި ފިލްމުގެ ވެސް ޕްރޮޑިއުސަރުންނަކީ އާސިމް އަލީ އާއި އަޙްމަދު ވަހީދު އެވެ. މިއީ އިލްޔާސް ވަހީދު ޑައިރެކްޓްކުރާ ދެވަނަ ފީޗާ ފިލްމެވެ.
ފިލްމު “ބަވަތި” އަކީ ދިވެހި ސިނަމާއިން މީގެ ކުރިން ފެނިފައި ނުވާފަދަ ތަފާތު، މޮޅު ފިލްމެކެވެ. ފިލްމުގެ ވާހަކަ އާއި ޑައިރެކްޝަން އިން ފެށިގެންގޮސް ފިލްމުގައި ހަދާފައިވާ ސްޕެޝަލް އިފެކްޓްސްތަކަށް ވެސް ގިނަ ބަޔަކު ތަޢުރީފުކޮށްފައިވެއެވެ. ފިލްމު ”ނީނާ” އަކީ ވެސް އާއްމުކޮށް ފެންނަ ދިވެހި ފިލްމުތަކާއި ތަފާތުތަކެއް ހުންނާނެ، ތަފާތު މަސައްކަތްތަކެއް ފެނިގެންދާނެ ފިލްމެއްކަމަށް މަޢުލޫމާތު ލިބެއެވެ.
މުނިއަވަސް އިން އޮންލައިން މީޑިއާ ޕާޓްނަރުކަން ކުރާ ފިލްމު ”ނީނާ“ ރިލީޒްކުރަނީ 2020 ގައެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
- 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
- 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
- 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!
