ކުޑަކުދިންނަށް ކުރާ ޖިންސީ އަނިޔާއާއި ދެކޮޅަށް އަޑުއުފުލައި ހިނގާލުމެއް ގޮއިދޫގައި ބާއްވައިފިއެވެ.
ގޮއިދޫ ކައުންސިލާއި ގޮއިދޫ ސްޕޯޓްސް އެންޑް ޔޫތު ޑިވެލޮޕްމެންޓް ސޮސައިޓީ ގެ އިސްނެގުމާއި އެކު ކުރިއަށް ގެންދިޔަަ މި ހިނގާލުމުގައި ގޮއިދޫގެ އެހެނިހެން މުއައްސަސާތަކާއި ރައްޔިތުން ވަނީ ބައިވެރިވެފައެވެ. މިއަދުހަވީރު ކުރިއަށް ގެންދިޔަ ހިނގާލުމުގައި ޖިންސީ އަނިޔާއާއި ދެކޮޅަށް ރައްޔިތުންގެ ޝުޢޫރުވަނީ ފާޅުކޮށްފައެވެ.
ހިނގާލުން ނިންމާލަމުން ގޮއިދޫ ކައުންސިލްގެ ރައީސް އަލްފާޟިލް މުހައްމަދު އާމިރު ރައްޔިތުންނަށް އިލްތިމާސްކޮށްފައިވަނީ މިފަދަ ޖިންސީ އަނިޔާއެއްގެ ކުޑަވެސް އިޝާރާތެއް ވާނަމަ އަވަހަށް ރިޕޯޓް ކުރުމަށެވެ.
“ބެލެނިވެރިންވެސް ކުދިން ތަރުބިއްޔަތު ކުރުމުގައި އެކުއްޖެއްގެ އުމުރާއި ގުޅޭގޮތަށް މިކަމާއި ބެހޭ މަޢުލޫމާތު ފޯރުކޮށްދިނުމަކީ އަޅުގަނޑުމެންގެ ވަރަށް ބޮޑު އެދުމެއް.” އާމިރު ވިދާޅުވިއެވެ.
މިމަހުގެ 15 ވަނަ ދުވަހު އުމުރުން ދެ އަހަރު ނުފުރޭ ތުއްތު ކުއްޖަކު ރޭޕްކުރުމުގެ މައްސަލަ ފެންމަތިވުމާއި ގުޅިގެން ރާއްޖޭގެ އެކި ހިސާބުތަކުގައިވަނީ ޖިންސީ އަނިޔާއާއި ދެކޮޅަށް ތެދުވުމަށް ގޮވާލައި އެއްވުންތައް ބާއްވާފައެވެ.
ލިޔުންތެރިޔާގެ ފުރަމަލަ
- އަލިއަޅުވައިލަން ޖެހިފައިވާ މުހިންމު މައްސަލަތަކާއި ހާދިސާތަކަށް ވާހަކައާއި ރިޕޯޓް ލިޔުމަކީ ޒުހުދާގެ ޚާއްޞަ ދާއިރާއެކެވެ.
މި ލިޔުންތެރިޔާގެ ބައެއް އެހެން ލިޔުންތައް
- 21 އޮކްޓޯބަރ 2023ޚަބަރުއަންހެން ޑިވިޝަންގެ ޗެމްޕިއަންސްކަން ޗަޑްސްއަށް
- 21 އޮކްޓޯބަރ 2023ޚަބަރުފިރިހެން ޑިވިޝަންގެ ޗެމްޕިއަންކަން ޗެލެންޖާރސްއަށް
- 19 އޮކްޓޯބަރ 2023ޚަބަރުފައިނަލްގައި ޗެލެންޖާސް އަދި ރޯޔަލް ފްރެންޑްސް
- 18 އޮކްޓޯބަރ 2023ޚަބަރުޑްރެގަންސް ބަލިކޮށް ޗަޑްސް އިން ފައިނަލަށް
