ދިވެހި މަންމައިންގެ އިޖުތިމާއީ ވިއުގަ “މަމްސް އެންޖީއޯ”ގެ ފަރާތުން އިންތިޒާމުކޮށްގެން މައިންގެ އިނގިރޭސިބަސް މުއްސަނދިކުރުމަށް “އެންރިޗް އިންގްލިޝްގެ ނަމުގައި ވޯކްޝޮޕެއް ބާއްވަން ނިންމައިފިއެވެ.
މަމްސް އެންޖީއޯ އިން ބުނީ މިއީ 03ގަޑިއިރުގެ ވޯކްޝޮޕެއް ކަމަށާއި އެއްވެސް ފީއަކާއި ނުލައި ބައިވެރިވެވޭނެ ވޯކްޝޮޕެއް ކަމަށެވެ. މި ވޯކްޝޮޕަކީ މަމްސް އެންޖީއޯ އާއި ‘އެންރިޗް އިންގްލިޝް’ގެ ހަމްދޫނާ ޢަލީ އާއި ގުޅިގެން ބާއްވާ ވޯކްޝޮޕެކެވެ. މިއީ ކީ ސްޓޭޖް އެކެއްގެ ބެލެނިވެރިންނަށް އަމާޒުކޮށްގެން ބާއްވާ ވޯކްޝޮޕެކެވެ.
29 ފެބްރުއަރީ 2020 ވާ ހޮނިހިރު ދުވަހު 14:00 އިން 17:00 އަށް ހިންގާ މި ވޯކްޝޮޕް އޮންނާނީ މާލޭ ސޯޝަލް ސެންޓަރުގެ ސެމިނަރ ހޯލުގައެވެ.
މަމްސް އެންޖީއޯ އިން ބުނީ ފަސޭހަ މެތަޑްތަކެއް ބޭނުންކޮށްގެން ގޭގައި ދަރިވަރުންނަށް ކިޔަވައިދޭނެ ގޮތްތައް މި ވޯކްޝޮޕްގެ ބައިވެރިންނަށް ދަސްކޮށްދޭނެ ކަމަށެވެ. މީގެ އިތުރުން ދަރިވަރުން އަމިއްލަ ނަފުސަށް ކުރާ އިތުބާރު އިތުރުކޮށް، ލިޔުންތެރިކަމުގައި އެކުދިންގެ ޚިޔާލުތައް ބޭނުންކުރާނެ ގޮތްތައް އޮޅުންފިލުވައިދޭނެ ކަމަށްވެސް މަމްސް އެންޖީއޯ އިން ބުނެއެވެ.
މި ވޯކްޝޮޕްގައި ބައިވެރިވުމަށް އެދޭ ފަރާތްތަކުން ރެޖިސްޓްރީ ވުމަށް 9914433 އަދި 9870700 ނަންބަރަށް ގުޅުމަށް މަމްސް އެންޖީއޯ އިން އެދެއެވެ.
ލިޔުންތެރިޔާގެ ފުރަމަލަ

މި ލިޔުންތެރިޔާގެ ބައެއް އެހެން ލިޔުންތައް
- 4 އޭޕްރިލް 2025ޚަބަރު“ސޮރީ” ގެ ރަސްމީ ޕޯސްޓަރާއި ބައެއް ލަވަތައް ނެރުމަށް އާއްމުކޮށް ހުޅުވާލައިގެން ބޮޑު އިވެންޓެއް!
- 30 މާރޗް 2025ޚަބަރު“ސޮރީ” ފިލްމުގެ ލަވައެއްގެ ޝޫޓިންއަށް ގިނަ ޢަދަދެއްގެ ކުޑަކުދިން ބޭނުންވެއްޖެ
- 30 މާރޗް 2025ރިޕޯޓްމެލަސްމާ އަކީ ކޮބާ؟
- 30 މާރޗް 2025އިޖްތިމާޢީފާޚާނާތަށި ސާފުކޮށް ބަހައްޓައި މީރުވަސްދުއްވުމަށް މިކަން ކޮށްލާ!
މަމްސް އެންޖޯއީ އޯ ލޮލް
Hamdhoo 🥰 good luck