ރާއްޖޭގެ އެންމެ މަޝްހޫރު ތަރި މަރިޔަމް އައްޒަގެ ވަރަށް ޚާއްޞަ ޝޯއެއް މިމަހު 12 ވަނަ ދުވަހުގެ ރޭ، ލ. ގަމު ތުނޑީ އަވަށު އާބާދު ސަރަހައްދުގައި ބާއްވަން ނިންމައިފިއެވެ.

އައްޒަގެ މި ޝޯ އަކީ މިހާރު ލ. އަތޮޅުގައި ކުރިޔަށްދާ ފިލްމު “ނީނާ“ގެ ޝޫޓިންއެއް ނެގުމަށް ބާއްވާ ޚާއްޞަ ޝޯއެކެވެ. މި ޝޯގައި އައްޒަގެ ފަރިފަރި ހަރަކާތްތައް ފެނިގެންދާނެ ޗާލު ނެށުންތަކެއް ފެނިގެންދާނެއެވެ.

ތުނޑީ އާބަދު ސަރަހައްދު ސްޓޭޖްގައި ބާއްވާ މި ޝޯ ބަލައިލަން ވީހާ ގިނަ ފަރާތްތަކަކުން ދިއުމަށް ގަމުގައި ތިބި “ނީނާ” ފިލްމު ކްރޫ އާއި އައްޒަ އެދެއެވެ.

ކާމިޔާބު ފިލްމު “ބަވަތި” އުފެއްދި ‘އައި ފިލްމްސް’ އިން ޑައިރެކްޓަރ އިލްޔާސް ވަހީދު (އިއްލެ) ބުނީ ފިލްމު “ނީނާ” ގައި އައްޒަ ފެނިގެންދާ ޚާއްޞަ ލަވަ ޝޫޓްކުރުމުގައި ބައިވެރިވުމުގެ ފުރުޞަތު ލ. ގަން-ފޮނަދޫ އަދި އަތޮޅުގައި ތިބި އައްޒަގެ ފޭނުންނަށާ ‘އައި ފިލްމްސް’ގެ ފޭނުންނަށް އާއްމުކޮށް ހުޅުވާލާ ކަމަށެވެ.

އައްޒަގެ މި ޚާއްޞަ ޝޯ އޮންނާނީ މިމަހު 12 ވަނަ ދުވަހުގެ ރޭ 08:00ގައި ތުނޑީ އާބާދު ސްޓޭޖްގައެވެ.

ފިލްމު ”ނީނާ”ގެ އޮންލައިން މީޑިއާ ޕާޓްނަރަކީ މުނިއަވަސްއެވެ.

މުނިއަވަސް އިން ވަނީ އައި ފިލްމްސްގެ ފުރަތަމަ ފިލްމު ”ބަވަތި“ގެ އޮންލައިން މީޑިއާ ޕާޓްނަރުކަން ވެސް ކޮށްފައެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު

ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

މި ލިޔުންތެރިޔާގެ ބައެއް އެހެން ލިޔުންތައް

• 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
• 18 ޑިސެމްބަރ 2024ޚަބަރުއައިފިލްމްސް އިން ލޯބިން ބުނެލަނީ ” ލޯބިން…؟ ” ކަމަށް!
• 18 ޑިސެމްބަރ 2024ޚަބަރުއައްޒަ ބަލިވެއިންކަމަށް ބުނެ ނަހޫއަށް “ސޮރީ” ބުނެފި
• 18 ޑިސެމްބަރ 2024ޚަބަރު“ސޮރީ” ފަށައިފި – ޑައިރެކްޓްކުރަނީ ނަހޫ އަދި ރަވީ!