• ސީރިއަލްގެ ނަން: އަނޫޕަމާ
  • ދައްކާ ޗެނަލް: ސްޓާ ޕްލަސް
  • ޕްރޮޑަކްޝަން ހައުސް: ރާޖަން ޝާހީސް ޑައިރެކްޓަރޒް ކަޓް
  • ތަރިން: ރުޕާލީ ގަންގޫލީ (އަނޫޕަމާ)، ސުދާންޝޫ ޕާންޑޭ، ޕަރަސް ކަލްނަވަޓް، މުސްކާން
  • ދައްކަން ފަށާ ތާރީޚާއި ގަޑި: 16 މާރިޗް 2020 ރޭގަނޑު 09:00 (އިންޑިއާ ގަޑިން)

ސްޓާ ޕްލަސް އިން އައު ޝޯއެއް ފެށުމަށް ތައްޔާރުވެ، އެ ސީރީޒްގެ އިޝްތިހާރު ދައްކަމުން އަންނަތާ ދުވަސްކޮޅެއް ވެއްޖެއެވެ. “އަނޫޕަމާ” ގެ ނަމުން ސީރީޒްއަށް ނަންދީފައި ވާއިރު، ސީރީޒް އަމާޒްވަނީ އަނޫޕަމާ ނަމަކަށް ކިޔާ ގެވެހި އަންބެއްގެ ހަޔާތުގެ މައްޗަށެވެ. މިއީ ރާޖަން ޝާހީސް ޑައިރެކްޓަރޒް ކަޓް އިން އުފައްދާ ސީރީޒްއެކެވެ. ރާޖަން ޝާހީސް ޑައިރެކްޓަރޒް ކަޓް އަކީ “ސަޕްނާ ބާބުލް ކާ ބިދާއީ”، “ޔޭ ރިޝްތާ ކިޔާ ކެހެލާތާ ހޭ”. “ޔޭ ރިޝްތޭ ހެއިނ ޕިޔާރް ކޭ” ފަދަ މަޤްބޫލު ސީރީޒްތައް އުފެއްދި ޕްރޮޑަކްޝަން ހައުސް އެވެ.

މި ސީރީޒްއަކީ ބޮލީވުޑްގެ މަޝްހޫރު އެކްޓްރެސް ސްރީދޭވީގެ ފިލްމު، “އިންގްލިޝް ވިންގްލިޝް” އިން އިންސްޕަޔާވެގެން ހަދާ ސީރީޒެކެވެ. އެއީ ހަމަ މި ޕްރޮޑަކްޝަން ހައުސް އިން ހަދާފައިވާ މަރާޓީ ޝޯވއެއް ކަމަށްވާ “އާއި ކުތޭ ކޭ ކަރްތޭ”ގެ ރީމޭކެކެވެ.

މަޤްބޫލު އެކްޓަރުން ކަމަށްވާ ރުޕާލީ ގަންގޫލީ އާއި ސުދާންޝޫ ޕާންޑޭ މި ސީރީޒްގައި ފެނިގެންދާނީ މިޒާޖާއި ވައްޓަފާޅި ތަފާތު ދެމަފިރިންގެ ގޮތުގައެވެ.

ތަރިންނަށް ބަލާލާއިރު:

1. ރުޕާލީ ގަންގޫލީ އަކީ އަނޫޕަމާ އެވެ. ސީރީޒްގައި ސުދާންޝޫ ޕާންޑޭގެ ގެވެހި އަނބިމީހާ އަދި ދަރިންގެ މަންމައެވެ.

ރުޕާލީ ގަންގޫލީ

2. ސުދާންޝޫ ޕާންޑޭ އަކީ އަނޫޕަމާގެ ފިރިމީހާ އަދި ދަރިންގެ ބައްޕައެވެ.

ސުދާންޝޫ ޕާންޑޭ

3. މުސްކާން ބާމްނޭ ފެނިގެންދާނީ އަންހެން ދަރިފުޅުގެ ރޯލުންނެވެ.

މުސްކާން ބާމްނޭ

4. ޕަރަސް ކަލްނަވަޓް ފެނިގެންދާނީ ފިރިހެން ދަރިފުޅުގެ ރޯލުންނެވެ.

ޕަރަސް ކަލްނަވަޓް

ސީރީޒްގެ އިޝްތިހާރު ވީޑިއޯތައް ދައްކަން ފަށާފައިވާއިރު، ފެނިގެންދަނީ އަނޫޕަމާ އަކީ އާއިލާދެކެ ލޯބިވާ ގެވެހި އަންބެއް ނަމަވެސް އޭނާގެ ފިރިމީހާއާއި އަންހެން ދަރިފުޅުގެ ފަރާތުން ނުސީދާކޮށް ކުރިމަތިވާ މަލާމާތާއި ފުރައްސާރައެވެ. އެ ފުރައްސާރައަށް ލަދުގަނެ، ދެރަވެ ހިންދިރުވައިލަމުންވެސް ލޯބިވާ ފިރިމީހާއާއި ދަރިފުޅުގެ ޙައްޤުގައި ގަދަކަމުން ހިނިތުންވެ އެމީހުންގެ ޚިދުމަތުގައި ފަސްނުޖެހޭކަން ފެނިގެންދެއެވެ.

އަނޫޕަމާއަށް އިނގިރޭސި ބަސް ނޭނގުމާއި، ނުކިޔަވައި ހުރުމުގެ ސަބަބުން މުޖުތަމަޢުގައި ތަހުޒީބު ދިރިއުޅުމެއް އުޅެން ނޭނގޭކަން ދައްކައިދެއެވެ. އަނޫޕަމާ ކިތަންމެ ރަނގަޅަސް، ފިރިމީހާ ވަގު އަންބެއް ގެންގުޅޭކަންވެސް އެހެން ޕްރޮމޯ އެއްގައި ވަނީ ދައްކާފައެވެ.

ނަމަވެސް ފިރިހެން ދަރިފުޅުގެ ފަރާތުން ފެނިގެންދަނީ މަންމައަށް ލިބިފައިވާ ނެށުމުގެ ހުނަރަށް ތަޢުރީފުކޮށް މަންމައަށް ސަޕޯޓްދޭތަނެވެ.

https://www.youtube.com/watch?v=u6Spek3NHCU

މަޢުލޫމާތު ލިބޭގޮތުން “އަނޫޕަމާ” ދައްކަން ފަށާނީ ސްޓާ ޕްލަސް އިން ދައްކަމުން އަންނަ ސީރީޒް “ކަހާނ ހަމް ކަހާނ ތުމް” މި މަހު 14 ގައި ދައްކާ ނިމުމުން އެ ސީރީޒް ދެއްކި ގަޑީގައި ރޭގަނޑު 09:00 ގައެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: