މިމަހު 04 ވަނަ ދުވަހުގެ ރޭ އޮލިމްޕަހުގައި ދައްކަންފެށި ސީޒަންގެ ފިލްމު “އަނދިރިކަން” ދެއްކުން ވަގުތީގޮތުން މެދުކަނޑާލައިފިއެވެ.

އެސް ޕްރޮޑަކްޝަންގެ ވައިބަރ މެދުވެރިކޮށް ސީޒަން ދިން އޯޑިއޯ މެސެޖެއްގައި ބުނީ “އަނދިރިކަން” ދެއްކުން މިވަގުތަށް މެދުކަނޑާލަނީ ފިލްމު ބަލަން ބޭނުންވާ ވަރަށް ގިނަ މީހުން މިވަގުތު މީހުން އެއްވާ ތަނަކަށް ދާން ޖެހިލުންވާތީ ކަމަށެވެ.

“ދެން ހެލްތު ސޭފްޓީއަށް ބަލާއިރުވެސް މިވަގުތު ފިލްމު ބްރޭކްކޮށްލުން އެއީ އެންމެ ރަނގަޅުގޮތްކަމަށް ޤަބޫލުކުރެވޭތީ މިވަގުތު އިހަށް ފިލްމުގެ ކުރިއަށްހުރި ހުރިހައި ޝޯތަކެއް މިރެއިން (08 މާރިޗުން) ފެށިގެން ކެންސަލްކޮށްލީ.”

ސީޒަން އިތުރަށް ބުނީ ކުރިއަށް އޮތް ދުވަސްތަކުގައި ފިލްމު އަޅުވާނެ ތާރީޚެއް އަލުން އިއުލާނުކޮށް އަލުން އޮލިމްޕަހުގެ ސްކްރީނަށް އަންނާނެކަމަށެވެ.

އަތޮޅުތެރޭގައިވެސް ފިލްމު އެޅުވުމަށް ވާހަކަދައްކާފައި ހުރި ގިނަ ރަށްތައްވެސް ކެންސަލްކޮށްލާފައި ވާކަމަށް ސީޒަން ބުންޏެވެ.

“އަނދިރިކަން” ދެއްކުމަށް ކޮންފަރމް ކޮށްފައި ހުރި ރަށްތަކުގައި ވެސް ކެންސަލްކޮށްލެވޭތޯ ބަލަމުން އަންނަކަމަށް ސީޒަން ބުންޏެވެ.

“އަނދިރިކަން” މިއީ ސީޒަންގެ އެސް ޕްރޮޑަކްޝަނާއި މާސްކޭގެ މާސްކޭ ސްޓޫޑިއޯ ގުޅިގެން އުފައްދާފައިވާ އަސަރުގަދަ ލޯބީގެ ފިލްމެކެވެ.

މި ފިލްމު މިހައިތަނަށް ބެލި ފަރާތްތަކުން ފިލްމަށް ވަރަށް ބޮޑަށް ތައުރީފްކޮށްފައި ވެއެވެ.

”އަނދިރިކަން“ ފިލްމުގެ އޮންލައިން މީޑިއާ ޕާޓްނަރަކީ މުނިއަވަސް އެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު

ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

މި ލިޔުންތެރިޔާގެ ބައެއް އެހެން ލިޔުންތައް

• 20 ސެޕްޓެމްބަރ 2024ޚަބަރު“ދޭދަރު ރުއިން” ފިލްމުގެ ފުރަތަމަ ޕޯސްޓަރު ދައްކާލައިފި
• 19 ސެޕްޓެމްބަރ 2024ޚަބަރު“އުދަބާނި” މިރޭ އޮލިމްޕަހަށް
• 17 ސެޕްޓެމްބަރ 2024ޚަބަރު“ބިބީ” ގެ ޓިކެޓް ވިއްކަން ފަށައިފި
• 16 ސެޕްޓެމްބަރ 2024ރިޕޯޓްބުލީގެ ޝިކާރައެއް! އެހަނަސް، މިއީ ފިސާރި ހުނަރުވެރިއެއް!