ކޮވިޑް-19 އަށް ޕޮޒިޓިވްވި އިޓަލީގެ ޓޫރިސްޓު މީހާ މާލޭގައި ދެ ދުވަސް ވަންދެން ހުރި މާގިރި ހޮޓާ ޑިސްއިންފެކްޓްކުރުމަށް ފަހު ހުޅުވައިފިއެވެ.

މާމިގިރި ހޮޓާ ޑިސްއިންފެކްޓް ކުރުމަށް ބަންދު ކުރީ މިދިޔަ އަންގާރަ ދުވަހުން ފެށިގެން އިއްޔެގެ ނިިޔަލަށެވެ.

މާގިރި ހޮޓެލްގައި ދެ ދުވަސް ވަންދެން ހުރި ފަތުރުވެރިޔަކީ ކުރެއްދޫ ރިސޯޓުގައި ޗުއްޓީ ހޭދަކުރުމަށް ފަހު، މާލެ މާގިރީގައި މަޑު ކުރުމަށް ފަހު މި މަހުގެ އެއްވަނަ ދުވަހު އިޓަލީއަށް ފުރި ފަތުރުވެރިއެކެވެ. އޭނާގެ ސަބަބުން ކުރެއްދޫގެ އިތުރު ފަސް މީހަކަށް ކޮވިޑް-19 ޖެހުނެވެ.

ބަލި ޖެހިފައި ހުރި މީހަކު މާގިރި ހޮޓަލުގައި އުޅެފައި ދިޔަކަން އެނގުމާއެކު، އޭނާއާ ކޮންޓެކްޓްވި އެ ހޮޓަލުގެ މުވައްޒަފުންނާއި މާލޭން އޭނާއާ ކޮންޓެކްޓްވި މީހުން ހޯދައި އެކަހެރިކޮށް ބައެއް މީހުން ޓެސްޓް ވެސް ކުރިއެވެ. އެކަމަކު، އެންމެން ވަނީ ބައްޔަށް ނެގަޓިވްވެފައެވެ.

ލިޔުންތެރިޔާގެ ފުރަމަލަ

މުޙައްމަދު ރިފާޒް
ރިފާޒަކީ ސަން އޮންލައިން އާއި ޗެނަލް 13 ގައި މަސައްކަތްކޮށްފައިވާ ތަޖުރިބާހުރި ނޫސްވެރިއެކެވެ.

ގުޅުންހުރި ލިޔުން: