ބައިސްކޯފުން ދައްކަމުން އަންނަ ’ކިޑް ޕްރޮޑަކްޝަން’ގެ ފުރަތަމަ ވެބް ސީރީޒް “ހަނާ“ގައި ހަނާ (ނޫރާ) އާއި ޔަނާލް (ދޮން އައްޔަ)ގެ ލޯބީގެ ބަގީޗާ ހެދެން ފެށިތާ މާގިނަ ދުވަހެއް ނުވެ އެ ލޯތްބަށް ވަނީ އަނދިރިކަމެއް އެޅިފައެވެ. “ހަނާ“ގެ 06 އެޕިސޯޑް މިހައިތަނަށް ދައްކާފައިވާއިރު، “ހަނާ“ގެ ލޯބީގެ ހަޔާތަށް ވަނީ ދަރަޖައިގެ ހަމަހަމަކަން ނެތުމުން ހިޔަންޏެއް އެޅިފައެވެ.
“ހަނާ“ގެ ލޯތްބަށް އިންތިހާއަށް ބޭނުންވެފައިވާ ޔަނާލް ހުރީ ގޮތްދޫކުރާ ނިޔަތެއްގައެއް ނޫނެވެ. އެއަށްވުރެން ބޮޑަށް ޔަނާލް “ހަނާ” ދެކެ ލޯބިވެއެވެ. “ހަނާ“ގެ ލޯބި ހޯދުމަށް ޔަނާލްގެ މަންމައާއި ބައްޕަގެ އެހީއަށް އެދެއެވެ.
އެންމެ ފަހުން ދައްކާފައިވާ އެޕިސޯޑު ނިމިފައިވަނީ ނޭވާ ހިފަހައްޓާލަން ޖެހޭ ހިސާބަކުންނެވެ. “ހަނާ“ގެ ގެއަށް ޔަނާލްގެ މަންމަ (ގުލިސްތާން) އާއި ބައްޕަ (ޝަމީލް) ދެއެވެ. “ހަނާ“ގެ މަންމަ (ފާތުމަތު ލަޠީފް) އާއި ދިމާވާ ހިސާބުން އެންމެންގެ މޫނުމަތިން ފެނިގެންދިޔަ ކުލަވަރުން، ބެލުންތެރިންގެ ހިތުގައި ވަނީ އެތަކެއް ސުވާލުތަކެއް ފުނިޖެހިފައެވެ. “ހަނާ“ގެ މަންމަ އާއި ޔަނާލްގެ މައިންބަފައިނާއި ދެމެދުގައި މާޒީގެ ގުޅުމެއް އޮތީހެއްޔެވެ؟ “ހަނާ“ގެ މަންމަ އާއި ޔަނާލްގެ ބައްޕަގެ މާޒީއެއް އޮތީ ހެއްޔެވެ؟ ނުވަތަ މިއީ ކުރިންވެސް ދަންނަ ބައެއް ހެއްޔެވެ؟ މިފަދަ ސުވާލުތަކެއް އުފެދޭ ހިސާބުން އެންމެ ފަހުން ދެއްކި އެޕިސޯޑް ނިމިފައިވާއިރު، ބެލުންތެރިން ތިބީ ދެންވާނެ ގޮތަކާމެދު އިންތިޒާރުކުރާ ހާލުގައެވެ.
Hanaa – a complicated story of a young woman’s struggle to find love and acceptance – coming to Baiskoafu on 27th Feb 2020
Stay tuned! pic.twitter.com/Lxo6xfJmFN— Baiskoafu (@baiskoafu) February 11, 2020
ހުސައިން މުނައްވަރު ޕްރޮޑިއުސްކޮށް ކާމިޔާބު ޑައިރެކްޓަރު އަމްޖަދު އިބްރާހީމް (އަމްޖޭ) ޑައިރެކްޓުކުރި ވެބް ސީރީޒް “ހަނާ” އަކީ ލޯތްބާއި ހިތާމައިގެ ފުން އަސަރުތަކުން ފުރިފައިވާ ސީރީޒެކެވެ. 13 އެޕިސޯޑްގެ މި ސީރީޒްގެ ވާހަކަ ލިޔުނީ މި ސީރީޒްގެ ޕޯސްޓް ޕްރޮޑަކްޝަން މަސައްކަތްތައް ކޮށްފައިވާ މަޝްހޫރު ކެމެރާމަން އަލީ ރަޝީދު (ގޮޅާ އައްޔަ) ގެ އަންހެނުން އައިމިނަތު ރިނާޒާ އެވެ.
”ހަނާ”ގެ ލީޑް ކުޅެފައިވަނީ އާމިނަތު ނޫރާ އާއި ޢަލީ އާޒިމް (ދޮން އައްޔަ) އެވެ. މީގެ އިތުރުން އިބްރާހިމް ޖިހާދު (ޖިމީ)، ޝަމީލް، ޤަމަރިއްޔާ ޤާސިމް، ފާތުމަތު ލަޠީފް، ގުލިސްތާނު އަދި ނިޝާ (ނިޝްކޮ) އެވެ.
މިހައިތަނަށް ދައްކާފައިވާ އެޕިސޯޑުތަކުން ދޮން އައްޔަ އާއި ނޫރާގެ މޮޅު އެކްޓިންއެއް ފެނިފައިވެއެވެ. ވަކިން ޚާއްޞަކޮށް މީގެ ކުރިން ނޫރާގެ މިފަދަ އެކްޓިންއެއް އެހެން ފިލްމެއްގައި ފެނިވާ ނުވާކަން ފާހަގަކޮށްލެވެއެވެ.
ވެބް ސީރީޒް ”ހަނާ”ގެ އޮންލައިން މީޑިއާ ޕާޓްނަރަކީ މުނިއަވަސް އެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 29 ޑިސެމްބަރ 2024ޚަބަރު“ރޯމްދުނިޔެ” އިން އީސިމް ނެގުން ދިވެހީންނަށް މާ ސަޅިވާނެ!
- 27 ޑިސެމްބަރ 2024ޚަބަރުޑާކް ރެއިން އިން މިފަހަރު “ފެށުމާއި ނިމުން”
- 24 ޑިސެމްބަރ 2024ޚަބަރުނިޝާ އާރްޖޭއަކަށް!
- 20 ޑިސެމްބަރ 2024ޚަބަރު“ސޮރީ” ގެ މަންޒަރެއް!
