މިއަދު ކާފިއުގެ ހިންގި ވަގުތުގައި މުޅިއެކު 215 މީހަކަށް ނަސޭހަތް ދެވިފައިވާކަމަށް މޯލްޑިވްސް ޕޮލިސް ސާވިސްއިން ހާމަކުރައްވައިފިއެވެ. މިރޭ ފުލުހުން ކުރި ޓުވިޓެއްގައި ވާގޮތުން މި 3ގަޑިއިރު ތެރޭގައި 215 މީހަކަށް ނަސޭހަތް ދެވިފައިވާ އިރު މީގެތެރެއިން 177މީހުންނަކީ ދިވެހިންނެވެ. އަދި ބާކީ ތިބި 38 މީހުންނަކީ ބިދޭސީން ކަމަށް ފުލުހުން ވަނީ ހާމަކުރައްވާފައެވެ.
ކޮރޯނާ ވައިރަސްގެ އަސަރު ރާއްޖެއަށް ވެސް ކުރުމާއި ގުޅިގެން ރާއްޖޭގައި ވަނީ ސިއްޙީ ކުއްލި ނުރައްކަލުގެ ހާލަތު އިޢުލާން ކޮށްފައެވެ. އަދި ސަރުކާރުން ދާދި ފަހުން އިޢުލާނުކުރި ކާފިއުގެ 3 ގަޑިއިރުގައި ކޮންމެ ދުވަހަކު ވެސް ގިނަ އަދަދެއްގެ މީހުންނަށް ނަސޭހަތް ދެމުން އަންނަ ކަމަށް ފުލުހުން ވިދާލުވެއެެވެ. އެގޮތުން އިއްޔެ ވެސް 182 މީހަކަށް ވަނީ ނަސޭހަތްދެވިފައެވެ. އަދި މިފަދަ ދަނޑިވަޅުގައި ހެދިފައިވާ އުސޫލުތަކަށް އިޙްތިރާމްކުރުމަށް މޯލްޑިވްސް ޕޮލިސް ސާވިސް ވަނީ އިރުޝާދުދެއްވާފައެވެ.
ލިޔުންތެރިޔާގެ ފުރަމަލަ
- މުޚްތާރަކީ ނޫސްވެރިކަމުގައި ތަޖްރިބާ ހޯދުމަށް ނުކުމެހުރި ތަމްރީނު ލިބިފައިވާ ނޫސްވެރިއެކެވެ.
