މުޅިދުނިޔޭގެ އެތައް ބަޔަކު މީގެކުރިން ގަބޫލުކުރަމުން އައީ މިނިވަން ކަމަކީ އެމީހަކު ބޭނުންގޮތަކަށް އުޅުން ކަމަށެވެ. އެމީހަކަށް ގަބޫލުކުރެވޭ ގޮތަކަށް އެމީހަކު އުޅެންވީއެވެ. ތަހުޒީބުވުމަކީ އެއީއެވެ. ތިމާބޭނުން ވީމާ ގޭގައި ގެންގުޅޭ ބުޅަލާ ނޫނީ ގޭގައި ހައްދާފައި ހުންނަ ގަހަކާވެސް ކައިވެނިކުރަންވީއެވެ. ފިރިހެނުން ފިރިހެނުންނާ، އަންހެނުން އަންހެނުންނާ ވެސް ކައިވެނި ކުރަންވީއެވެ. މިނިވަންކަމަކީ އެއީކަމަށް ބުނަމުންއައި މީހުން މިއަދު ކޮބައިބާއެވެ؟
ގެއިންބޭރަށް ނުކުތުމުގެ މިނިވަންކަންވެސް މިއަދު ނެތެވެ. އަންހެނުން އައުރަނިވާކުރާތީ ޤާނޫނުތަކާއި އެކަމާއި ދެކޮޅަށް ޤާނޫނުތަކާއި ޤަވައިދުތައް ހެދި މީހުން މިއަދު ކޮބައިބާއެވެ؟ މަތިމައްޗަށް އެތައް އެއްޗެއްލައި މޫނުފޮރުވަން މިއަދު މަޖުބޫރުވެއްޖެއެވެ. އިރުއިރުކޮޅާ އަތްދޮންނަން މަޖުބޫރުވެއްޖެ އެވެ. ދެއިރު ދެދަޅައަށް ކޮފީއަށް ދިޔަ މީހުން ގޭގައި މަޑުކުރަން ޖެހިއްޖެއެވެ. މިއަދުވެސް ހަމަ މިނިވަންކަމޭ ގޮވަމުން ދުވަންވީނޫންތޯއެވެ. އެންމެ ވަރުގަދަކަމަށް، އެންމެ ބާރުގަދަކަމަށް ދައުވާކުރިމީހުން މިއަދު ތިބި ހާލު ނިކަން ދެކިބަލާށެވެ. މުސްލިމުންނަށް އެތައް ދުއްތުރާލެއް ކޮށް، މުސްލިމުންގެ އެތައް ބައެއް އެއްވެސް ރަހުމެއް ނެތި މަރަމުން ދިޔަ މުޖުރިމުން މިއަދު ތިބި ހާލަތު ނިކަން ދެކިބަލާށެވެ. ތިމާމެން ބޭނުންވާ ގޮތަށް ﷲގެ ކަލާމްފުޅު ބަދަލުކުރާނަމޭ ކިޔާ މަތިހަށިނަގައި ދުވި މީހުން މިއަދު އެ މަތިވެރި ކަލާމްފުޅު ބަހަނީއެވެ. ﷲ އަށް ދުޢާކޮށްދޭން މުސްލިމުންގެ ކިބައިން އާދޭސްކުރަނީއެވެ.
ތިމާގެ އާއިލާ މީހާ ކޮވިޑް-19 ޖެހިގެން މަރުވެފައި އޮންނަ ހަށިގަނޑު އުފުލަންވެސް ނުކުޅެދިފައި ތިބޭ ތަން މުޅިދުނިޔެއަށް އެބަފެނެއެވެ. އަދި އެ ހާލަތުގައި ޓެރަރިސްޓުންގެ ލަޤަބުދީފައިވާ މުސްލިމުންގެ ކޮނޑުމަތީގައި އެތައް ކިލޯމީޓަރުގެ ރާސްތާ އަކަށް އެ ހަށިތައް އުފުލާ މަންޒަރު މުޅި ދުނިޔެއަށް އެބަފެނެއެވެ.
މުސްލިމުންނަށް އެންމެ ބޮޑަށް ބަދުބަސް ބުނަމުން ދިޔަ ޑޮނަލްޑް ޓްރަމްޕް މެން މިއަދު ބުނަމުން ދަނީ ބުރުގާ އެޅުމަށެވެ. އެންމެ ތަހުޒީބުކަމަށް ދައުވާކުރަމުން އައި ޔޫރަޕްގެ ޤައުމުތަކުގައި މުސްލިމުން ނަމާދުކުރާ ވަގުތުގައި އެއްކަލަ ކާފަރުން ސަޖިދައަށް ތިރިވަނީއެވެ. ޝާހީ ވީވީނުން ކިބުރުވެރިވެ ބޮޑާވެފައި ތިބި ރާނީންނާއި ރަސްގެފާނުން މިއަދު އެންމެ އާދައިގެ ނިކަމެތި މީހާއެކޭ އެއްވެސް ތަފާތެއްނެތެވެ. ބޮޑެތި ހަތިޔާރުތަކާއި މިސައިލުތައް ހަރުކޮށްގެން މާގަދަބަޔަކަށް ވެގެން ގެންގުޅު މަނަވަރުތަކުގައި އެއްކަލަ ހަތިޔާރުތަކުގެ ބޭނުން ކެނޑި އެތައް ބައެއްގެ ފުރާނައަށް ނުރައްކާވާ ހާލަތުގައި އުޅޭ ތަން މުޅި ދުނިޔެއަށް ފެންނަމުން އެބަދެއެވެ.
އަޅުގަނޑުމެން މުސްލިމުންގެ އެންމެ މުގައްދަސް އެއް ބިން ކަމަށްވާ ފަލަސްތީނުގެ އެތައް މުސްލިމު ކުޑަކުދިންނަކާއި އަންހެނުންނެއް އެއްވެސް ރަހުމެއް ނެތި މަރަމުން ދިޔަ ނުލަފާ ނަތަންޔާހޫ މިއަދު ކޮބައިތޯއެވެ. ވިސްނާ ފިކުރުކޮށްފި ކޮންމެ މީހަކަށް އެތައް އިބްރަތެއް މިކަމުން ލިބޭނެއެވެ.
މި ނުރައްކާތެރިކަމުން މުޅި މުސްލިމް އުންމަތް ސަލާމަތްކުރައްވާ މިކަމުން ކާފަރުންގެ ހިތްތަކަށް އީމާންތެރިކަން ވައްދަވާންދޭވެ. އަދި އަޅުގަނޑުމެން މުސްލިމުންގެ ތެރޭގައި އީމާންތެރިކަން ވަރުގަދަކުރައްވާ އަޅަމެންގެ ފާފަ ފުއްސަވާންދޭވެ. އަދި މުޅިދުނިޔެއަށް ދިމާވެފާ މިވާ ބަލިމަޑުކަމުން އެންމެހާ ޤައުމުތަކުގެ ރައްޔިތުން ރައްކާތެރިކުރައްވާންދޭވެ.
– އާމީން -
ލިޔުންތެރިޔާގެ ފުރަމަލަ
- ކޮލަމިސްޓެއްގެ ގޮތުގައި އީސަދަރި ލިޔާނީ އިޖްތިމާޢީ އަދި ތަރައްޤީ އާއި މުޖުތަމަޢު ހޭލުންތެރި ކުރުވުމުގެ ލިޔުންތަކެވެ.
މި ލިޔުންތެރިޔާގެ ބައެއް އެހެން ލިޔުންތައް
- 19 އޭޕްރިލް 2020ރިޕޯޓްއަޅުގަނޑުމެންގެ ކިބައިން މުޅި ޤައުމު އެދެނީ ގޭގައި މަޑުކޮށްލުމަށް!
- 12 އޭޕްރިލް 2020ރިޕޯޓްމިނިވަންކަމަކީ ކޮބައިތޯއެވެ.
- 22 މާރޗް 2020ރިޕޯޓްވިސްނާލާ! ދިވެއްސަކަށްވީތީ ފަޚުރުވެރިނުވޭތޯ؟
- 21 މާރޗް 2020ރިޕޯޓްކޮރޯނާވައިރަހުން ރައްކާތެރިކަން ލިބުމަށް އެދި ދުޢާކުރަމާތޯއެވެ.
