ޒުވާން ލިޔުންތެރިން އުފެއްދުމުގެ މަގުސަދުގައި މި ފެށުނު ރޯދަމަހުގައި ކުރު ވާހަކައެއް ލިޔެގެން ފައިސާގެ އިނާމުގެ އިތުރަށް “މުނިއަވަސް” ގެ ޓީމާ ގުޅުމުގެ ފުރުސަތު “މުނިއަވަސް” އިން ހުޅުވާލައިފިއެވެ.

މި މުބާރާތް ކުރިޔަށް ދާނެ ގޮތަކީ މުބާރާތުގައި ބައިވެރިވާ ކޮންމެ ފަރާތަކުންވެސް ރޯދަ މަހުގެ ކޮންމެ ހަފްތާ އަކު އަންގާރަ ދުވަހުގެ ހަވީރު 5:00ގެ ކުރިން އެބޭފުޅެއް ލިޔާ ވާހަކަ “މުނިއަވަސް” އަށް ފޮނުވަންވާނެއެވެ. އަދި ބުދަދުވަހުގެ ހެދުނު 10:00 ގައި ފޮނުވާ ވާހަކަތަށް މުނިއަވަސް ގައި ޕަބްލިސް ކުރެވިގެންދާނެ އެވެ.

މުބާރާތުގައި ވަނަ ހޮވުމުގައި މާރކްސް ދިނުމަށް މުނިއަވަސްގެ ފޭސްބުކް ޕޭޖްގައި ޕަބްލިޝްކުރާ އެބޭފުޅެއްގެ ވާހަކައަށް ލިބޭ ޝެއަރ އިން 50% އަދި މުނިއަވަސްގެ ތަޖުރިބާކާރު ވާހަކަލިޔުންތެރިންދޭ 50% މާކްސް ހިމެނޭނެއެވެ. ޝެއަރ އިން ނަގާ 50% ނެގުމުމުގައި ބެލެވިގެން ދާނީ ބުދަ ދުވަހު ޕަބްލިޝް ކުރާ ވާހަކައަށް ޖެހިގެން އަންނަ ހަފްތާގެ އަންގާރަ ދުވަހުގެ ރޭގަޑު 00:00 އާއި ހަމައަށް ލިބޭ ޝެއަރސް އަށެވެ. އޭގެ ފަހުން ލިބޭ ޝެއަރ މާކްސް ދިނިމުގައި ނުގުނޭނެއެވެ.

މި މުބާރާތުގައި މުބާރާތުގެ ބައިވެރިން ލިޔާ ވާހަކައަކީ މުޖުތަމައުގެ އާންމު އަޚުލާގީ މިންގަނޑު ތަކަށް ފެތޭ ވާހަކަ އަކަށް ވާންވާނެއެވެ. އަދި މި މުބާރާތުގައި ހޮވުމަށް ހަމަ ޖެހިފައިވަނީ މުޅި މުބާރާތުން އެއްވަނަ ވާހަކަ އެކަންޏެވެ.

މިފަދަ މުބާރާތެއް ބޭއްވުމުގެ މަޤްޞަދަކީ ލިޔުންތެރިކަން ކުރިއެރުވުމާއި ފެންވަރު ރަނގަޅު ލިޔުންތެރިން އުފެއްދުމާއި މުނިފޫހިފިލުވުމަށް ފުރުޞަތުތަކެއް ފަހިކޮށށްދިނުންކަމަށް މުނިއަވަސްގެ އެޑިޓޯރިއަލް އިން ބުނެއެވެ.

މުބާރާތުގައި ބައިވެރިވާން ބޭނުންފުޅުވާ ފަރާތްތަަކުން އެބޭފުޅަކު ލިޔާ ވާހަކަ މުނިއަވަސް ގެ ފޭސްބުކް ޕޭޖް އަށް ނުވަތަ 9957171 އަށް ވައިބަރ ކުރާށެވެ. އިތުރު މައުލޫމާތު ހޯދުމަށް 9912315 މި ނަންބަރަށް ގުޅުމުން މައުލޫމާތު ލިބެގެންދާނެ އެވެ.

ލިޔުންތެރިޔާގެ ފުރަމަލަ

މުޙައްމަދު ރިފާޒް
ރިފާޒަކީ ސަން އޮންލައިން އާއި ޗެނަލް 13 ގައި މަސައްކަތްކޮށްފައިވާ ތަޖުރިބާހުރި ނޫސްވެރިއެކެވެ.

ގުޅުންހުރި ލިޔުން: