ޖަރުމަނުވިލާތުގެ ވާޑާ ބްރޭމަން އަށް ކުޅެމުން އަންނަ މިލޮޓް ރަޝިކާ ހޯދުމަށް ލިވަޕޫލް އިން ޝައުގުވެރިކަން ފާޅުކޮށްފި ކަމަށް ކޮސޯވޯ ފުޓްބޯޅަ ފެޑެރޭޝަނުގެ ރައީސް ބުނެފިއެވެ.
ކޮސޯވޯ އަށް ނިސްބަތްވާ އުމުރުން 23 އަހަރުގެ ޒުވާން ހުނަރުވެރި މިޑްފިލްޑަރ ހޯދުމަށް ލިވަޕޫލްގެ އިތުރުން، ބުންޑަސްލީގާގެ ކުލަބެއް ކަމަށްވާ ލިޕްޒިގް އިން ވެސް އަންނަނީ މަސައްކަތް ކުރަމުންނެވެ. ވާޑާ ބްރޭމަން މެދުތެރޭގައި ރަޝިކާ ދައްކަމުން އަންނަ މޮޅު ކުޅުމުގެ ސަބަބުން ޔޫރަޕުގެ ގިނަ ކުލަބުތަކެއްގެ ލޯ އޭނާ އަށް ވަނީ އަމާޒުވެފައެވެ. ވާޑާ ބްރޭމަން އިން ރަޝިކާ ވިއްކާލުމަށް ކަނޑައަޅާފައި ވަނީ 33 މިލިއަން ޕައުންޑަށް ކަމުގައި ޚަބަރުތައް ބުނެއެެވެ.
“އޭނާ ހޯދުމަށް ވަރަށް ގިނަ ހުށަހެޅުންތައް އާދޭ. ޕްރިމިއަރ ލީގުގެ ލިވަޕޫލް އާއި، ބުންޑަސްލީގާގެ ލިޕްޒިގް އިން އޭނާ ބޭނުންވާކަން އަހަރެންނަށް އެނގޭ. އަހަރެންނަށް ޔަގީން އެންމެ ރަނގަޅު ގޮތެއް ޚިޔާރު ކުރުމުގައި އޭނާ އަށް އެހީތެރިކަން ފޯރުކޮށް ދޭނެ ކަން.”
ކޮސޯވޯ ގެ ޓީވީ ޗެނަލް އެއް ކަމަށްވާ ސިރީ ޓީވީ އަށް ދިން އިންޓަވިއުއެއްގައި އެ ގައުމުގެ ފުޓްބޯޅަ ފެޑަރޭޝަނުގެ ރައީސް އާގިމް އަމޭދީ ބުނެފައިވެއެވެ.
މިލޮޓް ރަޝިކާ ގޯލު ޖެހުމަށްފަހު، އުފާފާޅުކުރަނީ
މި ސީޒަނުގައި ވާޑާ ބްރޭމަން އަށް ކުޅުނު 25 މެޗު ގައި ރަޝިކާ ވަނީ 10 ގޯލު ޖަހާ, 5 އެސިސްޓް ހަދާފައެވެ.
ލިޔުންތެރިޔާގެ ފުރަމަލަ
- އަޙްމަދު ޝާމިން މައިގަނޑު ގޮތެއްގައި ލިޔާނީ ކުޅިވަރު ޚަބަރުތަކެވެ. ފިލްމީ އަދި މިއުޒިކީ ދާއިރާ ނޫން އެހެން ހުރިހައި ދާއިރާތަކަށް ވެސް ޝާމިން ލިޔާނެއެވެ.
މި ލިޔުންތެރިޔާގެ ބައެއް އެހެން ލިޔުންތައް
- 5 ޖެނުއަރީ 2022ޚަބަރުކޮވިޑް ކޭސްތައް ގިނަވެ އިނގެރޭސި ލީގު ކަޕް ސެމީ ފައިނަލް މެޗު ފަސްކޮށްފި
- 4 ޖެނުއަރީ 2022ޚަބަރުއާ އަހަރު ކުޅުނު ފުރަތަމަ މެޗުން ޔުނައިޓެޑް ބަލިވެއްޖެ
- 4 ޖެނުއަރީ 2022ޚަބަރުފްރެންޗް ކަޕްގެ ގެ ގަދަ 16 އަށް ޕީއެސްޖީ ދަތުރުކޮށްފި
- 2 ޖެނުއަރީ 2022ޚަބަރުރޮޑްރީގެ ގޯލުން ފަހު ވަގުތު ސިޓީން އާސެނަލް ބަލިކޮށްފި
