މުއްސަނދިކަމާއި ތަނަަވަސްކަން ހުރި މީހުންނަށްވެސް މި ދުވަސްވަރަކީ އެތައް ގޮތަކުން ދަތި އުނދަގޫ ދުވަސްވަރެކެވެ. ވަރަށް ނިކަމެތި ހާލުގައި ދިރި އުޅޭ އާާއިލާތައް ރާއްޖޭގައިވެސް މިވަގުތު މަދެއް ނޫނެވެ. ހާއްސަކޮށް މާލޭގައެވެ. ގޭގެ ހުރިހާ ޚަރަދަދުތަކެއް ބަލަހައްޓާފައި ތިންއިރުގެ ކެއުުމާއި ބުއިމުގެ ކަންތައްތައް ހަމަޖައްސާލެވޭނެ ފުދުންތެރިކަމެއް ނެތް ނިކަމެތި އާއިލާތަކެއް މި މާލޭގައިވެސް އެބަތިއްބެވެ، މިފަދައިން ރާއަޖޭގައި ނިކަމެތި ހާލުގައި އުޅޭ މައިންނަށާއި ދަރިންނަށް މަމްސް އެންޖީއޯ މެދުވެރިކޮށް ރޯދަވިއްލުމާއި ހާރު ޕެކޭޖް ފޯރުކޮށް ދިނުމަށް ވަނީ ނިންމާފައެވެ.
މިހާތަނަށްވެސް އެންމެން އެއް އަޑަކަށް ދައްކަމުން އައީ ރާއްޖޭގައި ދިރިއުޅޭ ހާލުގައި ޖެހިފައިވާ ބިދޭސީ ވަޒީފާ އަދާކުރާ މީހުންގެ ވާހަކައެވެ. މޯލްޑިވްސް ރެޑްކްރެސެންޓް މެދުވެރިކޮށް ރައްޔިތުންގެ އެތަކެއް ސަތޭކަ ބަޔަކު ވަނީ އެމީހުންގެ ކެއުމާއި ހަވާލުވެފައެވެ. އެހެންނަމަވެސް އަޅުގަނޑުމެންގެ މީހުންގެ އާއިލާތަކާއި ޅަ ދަރީންތައް މާލޭގައި ބިކަވެ ހާލުގައި ޖެހިފައިިވާކަން ވަނީ ހަނދާންނެތިފައެވެ. ގިނަ އާއިލާތަކެއް ނިކަމެތި ކަމާއި މާޔޫސް ކަމުގައި ހިމޭންވެފައި އެވަނީ އެމީންގެ އަޑު އަހާލާނެ ކޮންމެސް ރައްޔިތެއްގެ އިންތިޒާރުގައެވެ.
ކޮވިޑް-19ގެ ސަބަބުން ވަޒީފާ ގެއްލިފައިވާ މީހުންނަށް އެވަނީ އެމީހުންގެ އާއިލާތައް ބަނޑުފުރާނަ މުއްތިކުރެވޭ ވަރުވެސް ނުވެފައެވެ. ޓެކްސީ ޑްރައިވަރުންގެ ވަޒީފާ ގެއްލި އެމީހުންގެ ޅަ ދަރީންވަނީ ހާލުގައި ޖެހިފައެވެ. އެއްގެއިން އަނެއްގެއަށް ގޮސް ޓިއުޝަންދީގެން ފައިސާ ހޯދި މަންމައިންނަށް މިއަދު މިވަނީ ފައިސާ ހޯދުމުގެ ފުރުސަތު ގެއްލިފައެވެ. މަރާމާތުގެ އެކި އެކި މަސައްކަތްތައް ކޮށްދީގެން ފައިސާ ހޯދައިގެން އާއިލާގެ ކަންކަން ހަމަޖައްސައިދިން ބަފައިންނާއި އެމީހުންގެ އާއިލާތައް މިވަނީ ހާލުގައި ޖެހި ގޮތް ހުސްވެފައެވެ. ބަރަކާތްތެރި ރަމަޟާން މަހުގެ މިފަދަ ދަނޑިވަޅެއްގައި މި އާއިލާތަކާއި ދޭތެރޭގައި ވިސްނާލާ، ލޯތްބާ އެކު ހަމްދަރުދީގެ އަތެއް ދިއްކޮށްލުން ކީއްތޯއެވެ؟
މަަމްސް ޖަމިއްޔާއަކީ މިރާއްޖޭގެ އެކި ކަންކޮޅުތަކުގައި ދިިރިއުޅޭ މަންމައިން ބާރުވެރިކުރުވާ އެފަދަ ފަރާތްތަކަށް އެހީތެރިވުމަށް ހަރަކާތްތެރިވާ ޚާއްސް ޖަމިއްޔާއެކެވެ. މަމްސް އިން މައުލޫމާތު ދިންގޮތުގައި އެތަނުގައި ރެޖިސްޓްރީ ވެފައިވާ އެތައް އާއިލާއެއް މިއަދު މިވަނީ ހާލުގައި ޖެހިފައެވެ. ރަމަޟާން މަހުގެ ރޯދަވިއްލޭނެ ފަދަވެސް ނެތް ބަޔަކު އެބަ ތިއްބެވެ. އޭގެތެރޭގައި ޅަކުދިންވެސް ގިނައެވެ. އެހެންކަމުން މަމްސް އެމްވީ އިން އިސްނަގައިގެން މިފަހަރު މިވަނީ އެ އާއިލާތަަކަށް ރޯދަ ވީއްލުމާއި ހާރުގެ ކަންތައް ހަމަޖައްސައިދޭން ފަށާފައެވެ.
މާލޭގައި ނަން ހިނގާ “ޕިކްލްސް ރެސްޓޯރެންޓާއި” މަމްސް ގުޅިގެން މި ފޯރުކޮށްދޭ ކާނާ ޕެކޭޖްގެ ބޭނުންޖެހިފައިވާ ގިނަ އާއިލާތަަކަކަށް ފޯރުކޮށްދިނުމަށް ބޭނުންވަނީ ތިޔަ ލޮބުވެތި އަޚުންނާއި އުޚުތުންގެ ދީލަތި އެހީ އެކެވެ. މި މާތް މަގުސަދުގައި މަމްސް އިން މިކުރާ މަސައްކަތުގައި ތީގެ ތެެރެއިން ކޮންމެ ބޭފުޅަކަށްވެސް ބައިވެރި ވެވިދާނެއެވެ. ބޭނުންޖެހިފައިވާ ހަމަ އެންމެ ދަރިއަކަށް ރޯދަވިއްލުމެއް ނުވަތަ ހާރު ޕެކޭޖެއް ހަދިޔާ ކޮށްލެއްވިޔަސް އެއީ މިވަގުތު އެފަރާތްތަކަށް ކޮށްދެވޭ ވަަރަށް ބޮޑު ހެޔޮކަމެކެވެ. ކޮށްދެވޭ ޞަދަޤާތެކެވެ.
މަމްސް ބުނި ގޮތުގައި ގިނަފަރާތްތަކެއްގެ ދީލަތި އެހީތެރިކަން މިހާރުވެސް ވަނީ ލިބެން ފަށާފައެވެ. މަމްސް ގެ އުއްމީދަކީ ރައްޔިތުންގެ ދީލަތި އެހީގެ ސަަބަބުން ގިނަ އާއިލާތަކަކަށް ރޯދަވިއްލުމުގެ ކަންކަން ހަމަޖެހިގެން ދިއުމެވެ. އެހީތެރިވެދެއްވަން ބޭނުންފުޅުވާ ފަރާތްތަކުން މަމްސް ގެ 9899926 / 9914433 މި ނަންބަރުތަަކަށް ގުޅުމުންނާއި ފޭސްބުކް އަދި އިންސްޓަގްރާމަށް މެސެޖް ކުރުމުން މިކަން ހަމަ ޖެހޭނެއެވެ.
މާތް ﷲ ތިބާ އަށާއި ތިބާގެ އާއިލާއަށް ހެޔޮ ރަޙްމަތް ލައްވާށިއެވެ.
ލިޔުންތެރިޔާގެ ފުރަމަލަ
- މައިގަނޑުގޮތެއްގައި ނަބީލް ލިޔާނީ ފިލްމީ ޚަބަރާއި މަޢުލޫމާތެވެ. އިޖްތިމާޢީ މަޢުޟޫތަކަށްވެސް ނަބީލްގެ ގަލަން ފަރިތައެވެ.
