ރާއްޖޭގައި ކޮވިޑް-19 އަށް ފަރުވާދެމުންދިޔަ އިތުރު މީހަކު ރަނގަޅުވެއްޖެއެވެ.
މިކަން ކަށަވަރު ކޮށްދެއްވަމުން ނޭޝަނަލް އެމަޖެންސީ އޮޕަރޭޝަން ސެންޓަރުން ދަރުބާރުގޭގައި މިރޭ ބޭއްވި ނޫސްވެރިންގެ ބައްދަލުވުމުގައި ޑރ. އިބްރާހިމް އަފްޒަލް ވިދާޅުވީ ކޮވިޑް-19 ޖެހިގެން ފަރުވާދެމުންދިޔަ އިތުރު މީހަކު ރަނގަޅުވެފައިވާ ކަމަށާއި، އޭނާ އަކީ އުމުރުން 27 އަހަރުގެ ދިވެހި ފިރިހެނެއް ކަމަށެވެ. ޑރ. އަފްޒަލް އިތުރަށް ވިދާޅުވި ގޮތުގައި އެމީހާ އަކީ ކޭސް ނަމްބަރު 52 ކަމަށާއި، ކޮވިޑް-19 އަށް އޭނާ ފައްްްސިވެފައިވަނީ މިދިޔަ އޭޕްރީލް މަހުގެ 19 ވަނަ ދުވަހުއެވެ.
މިއާއެކު، ރާއްޖެއިން މި ބަލިން ރަނގަޅުވި މީހުންގެ އަދަދު ވަނީ 32 އަށް އިތުރުވެފައެވެ. މީގެ ތެރޭގައި ހިމެނެނީ 18 ދިވެހިންނާއި 14 ބިދޭސީންނެވެ.
ރާއްޖެއިން މިބަލި ޖެހުނު މީހުންގެ އަދަދު ވަނީ 904 އަށް އަރާފައެވެ. މީގެ ތެރޭގައި ހިމެނެނެނީ 301 ދިވެހިންނާއި 603 ބިދޭސީންނެވެ. ބަލިން ރަނގަޅުވިކަމަށް ނިންމަނީ ބަލިމީހާގެ ސާމްޕަލް ދެފަހަރު ނަގައި ޓެސްޓުކޮށް، އޭގެ ނަތީޖާ ނައްސިވުމުންނެވެ.
ކޮވިޑް-19 “އިމްޕޯޓެޑް ކޭސް” ނުވަތަ ރާއްޖެއިން ބޭރުން އަންނަ މީހުން ކަރަންޓީނުގެ މުއްދަތުގައި ހުއްޓާ ނަގާފައިވާ ސާމްޕަލްތަކުން ފައްސިވި ހުރިހާ އެންމެން މިހާރު ވަނީ މިބަލިން ރަނގަޅުވެފައެވެ. އަދި މާލެއިން އެންމެ ފުރަތަމަ މި ބައްޔަށް ފައްސިވި ބައެއް މީހުންވެސް މިހާރު ވަނީ ރަނގަޅުވެފައެވެ.
ލިޔުންތެރިޔާގެ ފުރަމަލަ
- މުޚްތާރަކީ ނޫސްވެރިކަމުގައި ތަޖްރިބާ ހޯދުމަށް ނުކުމެހުރި ތަމްރީނު ލިބިފައިވާ ނޫސްވެރިއެކެވެ.
