ވިހޭތާ އެއް މަސް ވީ ތުއްތު ކުއްޖަކު ކޮވިޑް-19 އަށް ފައްސިވެފައިވާ ކަމަށާއި، އެ ތުއްތު ކުއްޖާއަކީ ފިރިހެން ކުއްޖެއް ކަމަށް ހެލްތު ޕްރޮޓެކްޝަން އެޖެންސީން ހާމަކުރައްވައިފިއެވެ.
ކޮވިޑް-19 އާއި ގުޅިގެން ރާއްޖޭގެ ޙާލަތާއި ބެހޭގޮތުން އެންމެ ފަހުގެ މަޢުލޫމާތު ފޯރުކޮށްދިނުމަށް ނޭޝަނަލް އެމަޖެންސީ އޮޕަރޭޝަން ސެންޓަރުން ދަރުބާރުގޭގައި ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ޑރ.ނަޒްލާ ރަފީގު ވިދާޅުވީ އެ ތުއްތުކުއްޖާ އަކީ ކޮވިޑް 19 އަސް ފައްސިވި މީހަކާއި އެއްތަންވެފައިވާ ކުއްޖެއް ކަމުގައެވެ. ފުރަތަމަ ޓެސްޓު ކުރީ އެ ކުއްޖާ އެކަނި ކަމަަށާއި، އެ ކުއްޖާ ފައްސިވި ކަން އެނގުމާއިއެކު މިހާރު އެ ކުއްޖާގެ މަންމަ ވެސް ޓެސްޓު ކުރުމުގެ މަސައްކަތް ކުރަމުން ދާ ކަމަށް ޑރ. ނަޒުލާ ރަފީގު މިރޭ ވަނީ ވިދާޅުވެފައެވެ. މި ތުއްތު ކުއްޖާ ކޮވިޑް-19 އަށް ފައްސިވެފައިވަނީ އިއްޔެގެ ވަގުތެއްގައި ކަމަށް ވެސް ޑރ. ނަޒުލާ ވިދާޅުވެފައިވެއެވެ.
ކޮވިޑް-19 އަށް އިތުރު 47 މީހަކު މިއަދު ފައްސިވެފައި ވާއިރު، ފައްސިވީ މީހުންގެ ޖުމުލަ އަދަދު ވަނީ 1078 އަށް އަރާފައެވެ.
ލިޔުންތެރިޔާގެ ފުރަމަލަ
- މުޚްތާރަކީ ނޫސްވެރިކަމުގައި ތަޖްރިބާ ހޯދުމަށް ނުކުމެހުރި ތަމްރީނު ލިބިފައިވާ ނޫސްވެރިއެކެވެ.
