ސަބަބުތައް:

މައިގްރޭން އެއް ކުރިމަތިވަނީ ހަށިގަނޑުގެ މެޓަބޮލިކް ޕްރޮސެސް އަށް ބުރުލެއް އެރުމުންނެވެ. މިކަމުގެ ސަބަބުން ސިކުނޑީގެ ލޭ ހޮޅިތައް ޑައިލޭޓް ވެއެވެ. މައިގްރޭން އަކީ ޖެނެޓިކް ޑިސްޕޮސިޝަން އެއްގެ ސަބަބުންވެސް ވާރުތަވާ ކަމެކެވެ.

ފަރުވާ:

މައިގްރޭން އަށް އަދި މިވީހައި ތަނަށް ވަނީ ފަރުވާއެއް ނުހޯދި އެވެ. ނަމަވެސް ކުރިމަތިވާ އަލާމާތްތަކާއި އުނދަގޫތައް ކުޑަކުރުމަށް ގިނަގުނަ ފަރުވާ ތަކެއް ހުރެއެވެ. ރަނގަޅު ބޭހެއް ހޯދުމަށް ޑޮކްޓަރަށް ދައްކަން ޖެހެއެވެ. މީގެ އިތުރުން، ބަރާބަރަށް ކަސްރަތު ކުރުމުން ތިބާގެ ސިއްޙަތު ވަރަށް ބޮޑުތަން ރަނގަޅު ކޮށްދޭނެ އެވެ.

ކްލަސްޗާ ހެޑޭކް:

ކްލަސްޗާ ހެޑޭކް އަކީ ވަރަށް މަދުން ކުރިމަތިވާ ބޮލުގައި ރިއްސުމެކެވެ. މިއީ އާބާދީގެ މަދުވެގެން 1 އިންސައްތަ މީހުންނަށް ކުރިމަތިވާ ކަމެކެވެ. ނަމަވެސް މިއީ އަންހެނުންނަށް ވުރެ ފަސްގުނަ އިތުރަށް ފިރިހެނުންނަށް ކުރިމަތިވާ ކަމެކެވެ.

އަލާމާތްތައް:

ކްލަސްޗަރ ބޮލުގައި ރިއްސުމުގެ ސަބަބުން ލޮލުގެ ފުރަގަހަށް ނުވަތަ ލޮލުގެ ވަށައިގެން ތޫނު ތަދެއް އިހްސާސް ކުރެވޭނެ އެވެ. މިކަން އާއްމުކޮށް ކުރިމަތިވާނީ ބޮލުގެ ކޮންމެވެސް އެއް ފަޅިއަކަސެވެ. މި ދަތު އެއްމެ ބޮޑަށް ތަރައްޤީވާނީ ނިދާފައި އޮންނަ އިރު އެވެ. އަލާމާތްތަކުގެ ތެރޭގައި ލޯ ރަތްވުން، އައްޔަށް ލޯ ދިއްކޮށްލަން އުނދަގޫވުން އަދި ލެކްރިމޭޝަން ނުވަތަ ލޮލުން ފެން (ކަރުނަ) އައުން ހިމެނެ އެވެ. މި ދަތު އާއްމުގޮތެއްގައި ދެމިގެންދަނީ 15 މިނެޓާއި 1 ގަޑިއިރާއި ދެމެދުގެ ވަގުތަކަށެވެ.

ސަބަބުތައް:

ކްލަސްޗާ ހެޑޭކް ކުރިމަތިވާ ސީދަ ސަބަބެއް ސައިންސްވެރިންނަށް އަދި ވަނީ ނުހޯދި އެވެ. މިކަން އެއްމެ އާއްމުކޮށް ގުޅިފައިވަނީ ހަށިގަނޑުގެ ‘ބައޮލޮޖިކަލް ކްލޮކް’ އާއި އެވެ. މާނައަކީ މާގިނަ އިރު ނުނިދާ ހޭލާ އުޅުމާއި ގަޑިންގަޑިއަށް ނިދުމުން ދުރުހެލިވެގެން އުޅުމެވެ.

ފަރުވާ:

ކްލަސްޗަރ ހެޑޭކަށް ފަރުވާދިނުމަކީ ވަރަށް ދަތިއުނދަގޫ ކަމެކެވެ. ސަބަބަކީ މިފަދަ ރިހުމަކީ ރިހުން އުފެދިފައި އިރުކޮޅަކު ހުރެފައި ފިލައިގެން ގޮސްފައި އަނެއްކާ އުފެދި، މިފަދަ ގޮތަކަށް ކުރިމަތިވާ ރިހުމެކެވެ. މިކަމަށް ހަމައެކަނި ފަރުވާއެއް ދެވޭނީ ތަޖުރިބާކާރު ޑޮކްޓަރަކަށެވެ.