[avatar user=”[email protected]” size=”thumbnail” align=”left”]ލިޔުންތެރިކަމާއި، ވީޑިއޯ އަދި އޯޑިއޯ އާއި ގުޅުންހުރި މަސައްކަތްތަކަކީ ކުރާހިތުން ކުރާ މަސައްކަތެކެވެ.[/avatar]

މުނިފުހިފިލުވުމަށް ޚާއްޞަކޮށްގެން ރާއްޖޭގައި ހިންގަމުން އަންނަ ހަމައެކަނި ޓީވީ ޗެނަލް، އައިސްޓީވީން ‘ދައްކާލަބަލަ!’ ގެ ނަމުގައި ދައްކަމުން އެގެންދާ އިޝްތިހާރުގެ ވާހަކަތައް ދެދުވަހެއްގެ ތެރޭގައި ފޭސްބްކް ގައި ފަތުއަޑުކިޔާފައި ދައްކަމުން ދާއިރު އެއީ ކޮންފަދަ އެއްޗެއް ދައްކާވާހަކަ ކަމެއް އަދި ވަނީ ނޭނގުމެއްގެ ތެރޭގައެވެ. ނަމަވެސް އައިސްޓީވީން ވަނީ އެ ޗެނަލް އިން އަލަށް ފަށަން އުޅޭ ޝޯވް ‘ދައްކާލަބަލަ.’ އާއި ބެހޭގޮތުން މުނިއަވަސް އާއި މަޢުލޫމާތު ހިއްސާ ކޮށްފަ އެވެ.

ފިލްމީ ގިނަ ފަންނާނުންނާއި ޓިވީ ޕްރޮގްރާމް ޕްރެޒެންޓަރުން ހިމަނައިގެން ކުޅެފައިވާ ދެ އިޝްތިހާރެއް އައިސްޓީވީން ނާއި އެމީހުންގެ ފޭސްބްކް ޕޭޖް އަދި ޔޫޓިބް ޗެނަލް ގައި ހިމަނާފައި ވާާއިރު ގިނަ ބައެއްގެ ހިތުގައި ވަނީ ބޮޑު ސުވާލެއް އުފެދިފައެވެ. އައިސްޓީވީން ބުނީ މިއީ އެ ޗެނަލުން ޑިސެމްބަރު 1 ގައި އަލަށް ފަށާ ޕްރޮގްރާމެއް ކަމަށެވެ. އެ ޕްރޮގްރާމްގެ ފުރަތަމަ ޝޯވް 1 ޑިސެމްބަރުގައި ދައްކާނެ އެވެ.

 

ދިވެހިރާއްޖޭގެ ފިލްމީ އަދި މީޑިއާ ސެލެބްރިޓީސް ހިމަނައިގެން ގެނެސްދޭ މި ޕްރޮގްރާމް ގެ 3 އެޕިސޯޑް ކޮންމެ ހަފުތާއެއްގައިވެސް ދެއްކުމަށް ވަނީ ނިންމާފައި ކަމަށް އައިސްޓީވީން ބުނެއެވެ. ޖުމްލަ 60 އަށްވުރެން ގިނަ ސެލެބްރިޓީސް ގެނެސްދޭ މި ޝޯވް ކޮންމެ ހަފުތާއަކު އައިސްޓީވީ ގެ ފޭސްބްކް ޕޭޖާއި ޔޫޓިއުބް ޗެނަލްއަށް އަޕްލޯޑް ކުރުމަށްވެސް ނިންމާފައި ވާކަމަށް އައިސްޓީވީން ބުނެއެވެ.

އައިސްޓީވީ އަކީ ވަރަށް ތަފާތު ޝައުގުވެރި ސްޓައިލް ތަކެއްގައި އެމީހުންގެ ޕްރޮގްރާމް ތައް ގެނެސްދެމުން އަންނަ ޗެނަލް އެކެވެ. މީގެ ކުރިން މި ޗެނަލް އިންވަނީ ‘އަޒޯނާ’ ގެ ނަމުގައި އައްޒަ ޕްރެޒެންޓް ކޮށްދިން ކާމިޔާބު ސެލެބްރިޓީ ޝޯވް އެއް ގެނެސްދީފަ އެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: