ހިތުން ހިތަށް އެދެވުނީ ބޭއިޚްތިޔާރުގައެވެ. ހިނިތުން ވެލަން މަޖުބޫރުކުރުވީ ހިތުގެ އެދުމުގެ މަތިންނެވެ. ބީހިލާ ކޮންމެ ރޯޅިއެއްގައި ތިޔަ ވަސް ހިދުރިއަށް ދެމިގަންނަ ފަދައެވެ. މިތުރަކަށް ހިތްކިޔާނީ މިހާވަރަށެވެ. މި ކުރެވެނީ ޚިޔާލެކެވެ. މާޒީގެ ފުންހަދާނެކެވެ.
މަޢާފު ކުރާށެވެ. އެތުރިފައިވާ ފަށުވި ޢިބާރާތްކޮޅުން، ތިބާގެ މާޒީ ހަނދާން ކޮށްދެވުނީތީއެވެ. ފޭދިފައިވާ ހަނދާންތަކުން ކަރުނަ ފާއްދާލަމުން، ލަފުޒުތައް ގެތެމުން ޤަލަމް ހިނގަމުން ދަނީ ބޭއިޚްތިޔާރުގައެވެ. ޚުދު އަހަރެންގެ އަމިއްލަ ނަފުސުން ހިތަށް މަޢާފު ނުދެވޭ ހާލުގައެވެ. ތަދުބީރަށް ތަގުދީރު ހިޔަނިލީމާ، ތަދުވާހިތަށް ނަފުސު އަމާން ދޭން މަޖުބޫރުވެއެވެ.
އެހެނެއް ކަމަކު ދިރިހުރެމެ ނަފުސު މަރާލާކަށް އަހުރެން ނޭދެމެވެ. އެދުރުންގެ ލަފަޔާއިއެކު ހެދެން އޮތް ފަންޑިތައެއް އަހުރެން ހަދާނެމެވެ. މިތުރާގެ އުފާވެރިކަން ނިގުޅައިގަންނާކަށް ނޫނެވެ. އިތުރަށް ހިތްދަތި ކުރާކަށް ވެސް ނޫންމެއެވެ. މި ހިތަށް ދިރުމެއް ދެވޭނެ ގޮތެއް މިންވަރު ކުރައްވާތޯއެވެ. ތިޔަ ހަނދާނުން މިލާފައިވާ މި ހިތް ފޮޅުވައިލެވޭ ތޯއެވެ.
އެދުރަކު ބުންޏެވެ. ލޯމަތިން ފެންނަ މަންޒަރުގައި ރީތިކަމެއް ނުވާނަމަ، ތިބާ އެހެން ފަރާތަކަށް މޫނު އަނބުރާލާށެވެ. ޖެހޭ ރޯޅިއާއި އެކު މީރުވަހެއް ނުދުވާނަމަ ނޭފަތުގައި އަތް އަޅާ، އަނގައިން ނޭވާލާށެވެ. އިވެމުން ދާ ގުދުރަތީ އެކިއެކި މިޔުޒިކްތަކުން ހަމަޖެހުމެއް ނުލިބޭނަމަ ކަންފަތުގައި އަތްއަޅާށެވެ. ކިތަންމެ މީރު ކާނާއެއް ކަމުގައި ވީނަމަވެސް، ވަގުތު ހަމަވުމުން އެ ކާނާ އެއް ވާހުށީ މުޅަވެފައިވާ އެއްޗެއް ކަމުގައެވެ. ތިބާ މުޅަތަކެތި ނުކާށެވެ. އެހިދުން ހަމަ ޖެހުމެއް ލިބިދާނެތެވެ. ދެން އުފާވެރިކަމުގެ ހިމަފޮދު ވާރެއިން ފެންވަރާލާށެވެ.
ލިޔުންތެރިޔާގެ ފުރަމަލަ
މި ލިޔުންތެރިޔާގެ ބައެއް އެހެން ލިޔުންތައް
- 26 މެއި 2020ރިޕޯޓްއުފާވެރިކަމުގެ ހިމަފޮދު ވާރެއިން ފެންވަރާލާށެވެ.
- 23 ނޮވެމްބަރ 2019ޚަބަރުލ. ގަމު އަންހެނުންގެ ކޮމެޓީގެ ފަރާތުން ސައިކަލުބުރެއް ބާއްވަނީ
- 21 ނޮވެމްބަރ 2019ޚަބަރު“އުދަބާނި 2” ގެ ފަރާތުން ޔޫއްޕެ އާއި ދޮން އައްޔަ އަށް ސަޕްރައިޒެއް
- 25 ސެޕްޓެމްބަރ 2019ޚަބަރު“ކާކު” ބަލައިލަން ދާވަރު… ވަރަށް ބިރުވެރި!
ވަރަށް ސަޅި ލިޔުމެއް. މިފަދަ ލިޔުންތައް ގިނަކޮށްލުން ސަޅިވާނެ