މިއަދު ހަނިމާދުއަށް ކުރަމުންދާ ވިއްސާރާގައި އެރަށަށް ގެއްލުންތަކެއް ވެއްޖެއެވެ.
ހަނިމާދުއަށް ބޯކޮށް ވާރޭވެހި އެރަށުގައި ބޭންކް އޮފް މޯލްޑިވްސްއިން ބަހައްޓާފައި ހުންނަ އޭޓީއެމް އަށް ވެސް ވަނީ ގެއްލުންތަކެއް ލިބިފައެވެ. އެތަނުގެ ފުރާޅުން ސީލިންގ ތެރެއަށް ފެންއެޅި އެތަނުގެ ސީލިންގުން ބައެއްވަނީ ވެއްޓި، އެތަނުން ވަނީ ކަރަންޓު ވެސް ކެނޑިފައެވެ.
އޭޓީއެމް އަށް ލިބިފައިވާ ގެއްލުން / ފޮޓޯ: ތޮއްލެ ގްރަފީ
މީގެއިތުރުން، އެ ރަށަށް ބޯކޮށް ވާރޭވެހުމުގެ ސަބަބުން މިވަގުތާއި ހަމައަށް ބާރަ ގެއަކަށް ފެންވަނުމާއި ގުޅިގެން ހަނިމާދޫ ކައުންސިލާއި، ހަނިމާދޫ ޕޮލިސް އަދި އެމްޓީސީސީ ގުޅިގެން އެ ގެތަކުގައި ވެވެލިބަސްތާ ޖަހައި އެހީތެރިކަން ފޯރުކޮށްދީފައިވާ ކަމަށް ހަނިމާދޫ ޕޮލިސް ސްޓޭޝަނުން މަޢުލޫމާތު ދީފައިވެއެވެ. އެރަށުގެ މަގުތަކުގައި ވެސް މިހާރުވަނީ ވަރަށް ބޮޑަށް ފެންހެދި މަގުތައް ބޭނުން ކުރުމަށް ދަތިވާވަރު ވެފައެވެ.
ދިވެހިރާއްޖޭގެ މޫސުމާއިބެހޭ އިދާރާއިން އެންމެ ފަހުން އާންމުކޮށްފައިވާ މަޢުލޫމާތުގައި ވަނީ ރާއްޖޭގެ އެންމެ އުތުރު ހަތަރު އަތޮޅަށް މޫސުން ގޯސްވާނެކަމަށް ލަފާކޮށް އޮރެންޖު ސަމާލުނެރެފައެވެ.
މިއަދު މެންދުރު 14:30 އިން ފެށިގެން ހަނިމާދޫއަށް އަދިވެސް ދަނީ މެދުނުކެނޑި ވާރޭ ވެހެމުންނެވެ.
ލިޔުންތެރިޔާގެ ފުރަމަލަ
- އަޙްމަދު ޝާމިން މައިގަނޑު ގޮތެއްގައި ލިޔާނީ ކުޅިވަރު ޚަބަރުތަކެވެ. ފިލްމީ އަދި މިއުޒިކީ ދާއިރާ ނޫން އެހެން ހުރިހައި ދާއިރާތަކަށް ވެސް ޝާމިން ލިޔާނެއެވެ.
މި ލިޔުންތެރިޔާގެ ބައެއް އެހެން ލިޔުންތައް
- 5 ޖެނުއަރީ 2022ޚަބަރުކޮވިޑް ކޭސްތައް ގިނަވެ އިނގެރޭސި ލީގު ކަޕް ސެމީ ފައިނަލް މެޗު ފަސްކޮށްފި
- 4 ޖެނުއަރީ 2022ޚަބަރުއާ އަހަރު ކުޅުނު ފުރަތަމަ މެޗުން ޔުނައިޓެޑް ބަލިވެއްޖެ
- 4 ޖެނުއަރީ 2022ޚަބަރުފްރެންޗް ކަޕްގެ ގެ ގަދަ 16 އަށް ޕީއެސްޖީ ދަތުރުކޮށްފި
- 2 ޖެނުއަރީ 2022ޚަބަރުރޮޑްރީގެ ގޯލުން ފަހު ވަގުތު ސިޓީން އާސެނަލް ބަލިކޮށްފި
