އަހަރަމެންގެ ތެރެއިން ގިނަ މީހުންނަކީ އެތައް ޒަމާނެއް ވަންދެން ފޭސްބްކް ބޭނުން ކުރަމުން އަންނަ މީހުންނެވެ. ރަހުމަތްތެރިން އައިސް ގޮސް ވަމުންދެއެވެ. ގުޅުންތަކާއި ޙަރަކާތްތައް ފެށި ނިމިގެން ދެއެވެ. އޮންލައިންކޮށް މިހެން އުޅޭ އުޅުމުގައި މުހިއްމު ބައެއް މަޢުލޫމާތު ތަކާއި ކޮންޓެކްޓްސް ތައް ބީވެގެން ހިނގައިދާނެ ކަމަށްޓަކައި އިތުރަށް ފަރުވާތެރިވާން އެބަޖެހެއެވެ. ބިރުގަނެ، ކަންބޮޑުވާނެ ކަމެއް ނެތެވެ. އެފަދަ ހުރިހައި މަޢުލޫމާތު ނުވަތަ ޑާޓާއަކީ އެއްކޮށް ގެއްލިގެން ދާ ޑާޓާ އެއް ނޫނެވެ.

ފޭސްބްކް ގައި ހިމެނޭ ވަރަށް ޚާއްޞަ ފީޗަރ އެއްގެ މަޢުލޫމާތުކޮޅެއް ހިއްސާކޮށްލާނަމެވެ. މި ފީޗަރ އިން ފޭސްބްކް ގައި ކުރިން ބޭނުންކުރި މަޢުލޫމާތު ތަކާއި ހަމައަށް ގެންގޮސްދޭނެ އެވެ. އެގޮތުން ޑިލީޓްކޮށްފައިވާ ރަހްމަތްތެރިން ތައް އަލުން އަނބުރާ ހޯދިދާނެއެވެ. ނުވަތަ ތިބާ ފޮނުވި ފްރެންޑް ރިކްއެސްޓަށް ޖަވަބުނުދީ ތިބީ ކޮންބައެއްތޯވެސް ބަލައިލެވިދާނެއެވެ. މިހެންގޮސް ކިތައްމެ ކަމެއް ބުނެވިދާނެއެވެ. މި ފީޗަރ އަކީ ވަރަށް ފައްކާ ފީޗަރ އެކެވެ. ނުވަތަ އާދަޔާޚިލާފު ފީޗަރ އެކޭވެސް ބުނެވިދާނެއެވެ. ގޮތް ބަލާލަމާ ހިނގާށެވެ.

ފޭސްބްކް ޑާޓާ ޑައުންލޯޑް ކުރާނެގޮތް:

1- ފޭސްބްކްގެ އެއްމެ މަތިން، ކަނާތްފަރާތުގައި އިންނަ ތީރަށް ފިއްތާލާ، ސެޓިންގ ސެލެކްކޮށްލާށެވެ.

2. ‘ޑައުންލޯޑް އަ ކޮޕީ އޮފް ޔޯރ ފޭސްބްކް ޑާޓާ’ Download a copy of your Facebook data އަށްފިއްތާލާށެވެ. އެއަށްފަހު، ތިބާއަށް ކޮންފަރމޭޝަން އީމެއިލް އެއް ލިބިގެންދާނެއެވެ. މި މެއިލް ލިބޭނީ ތިބާ ތިބާ ފޭސްބްކް އެކައުންޓް ހެދުމަށް ބޭނުންކުރި މެއިން އަށެވެ. އީ-މެއިލް ގައިވާ ‘ލިންކް’ އަށް ކްލިކްކޮށްލުމުން، ތިބާހޯދަން ބޭނުންވާ މަޢުލޫމާތު ތައް ފޭސްބްކް އިން ޖަމާކުރުމުގެ މަސައްކަތް ފަށާނެ އެވެ.

3. ތިބާއަށް އަނެއްކާވެސް އެހެން އީ-މެއިލް ފޮނުވާނެ އެވެ. (މިކަމަށްޓަކައި 15 ވަރަކަށް މިނެޓް ހޭދަވާނެއެވެ.) އީ-މެއިލް ގައި ވާ ލިންކަށް ފިއްތައިލުމުން، ތިބާ ގެންގޮސްދޭނީ ތިރީގައިވާ ސްކްރީނަށެވެ.

4. ‘ޑައުންލޯޑް އާރކައިވް’ Download Archive އޮޕްޝަން އަށް ފިއްތާލާށެވެ. މިހިސާބުން ‘ޒިޕް ފައިލް’ އެއް ޑައުންލޯޑް ވާން ފަށާނެ އެވެ. މި ފައިލް ޑައުންލޯޑްވުމުން. ހުޅުވައި ބަލައިލާއިރު އިންޑެކްސް.އެޗްޓީއެމް Index.htm އިންނާނެ އެވެ. އެ ފައިލް އަށް ފިއްތާލާށެވެ.

5. މި ހިސާބުން ތިބާއަށް ފެންނަން އިންނާނީ ތިބާގެ ފޭސްބްކް ޕްރޮފައިލް އެކެވެ. ނަމަވެސް ތަންކޮޅެއް އާދައިގެ ވާރޝަން އެކެވެ. ޕްރޮފައިލްގެ ވާތްފަރާތުގައި އަންނަނިވި ޓޫލްބަރ ވެސް ހިމެނޭނެއެވެ.

6. އެކިއެކި ބައިތަކުގައި ހުރި ޑާޓާތައް ބަލައިލާ ބޭނުންވާ ބައިތައް ނެގިދާނެއެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު
އަޙްމަދު ރަޝީދު
ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

ގުޅުންހުރި ލިޔުން: