ސެނެގާލް އަދި ނަޕޯލީގެ ހުނަރުވެރި ޑިފެންޑަރު ކަލިދޫ ކޫލިބަލީ ގަތުމަށް މެންޗެސްޓަރ ޔުނައިޓެޑުން 71 މިލިއަން ޕައުންޑު ހުށަހަޅައިފި ކަމަށް ރިޕޯޓުތައް ބުނެފިއެވެ.
އުމުރުން 28 އަހަރުގެ ހުނަރުވެރި ޑިފެންޑަރަކީ ޔޫރަޕުގެ ބޮޑެތި ކުލަބުތަކުން އެންމެ ބޮޑަށް ލޯ އަޅަމުން އަންނަ ޑިފެންޑަރެވެ. “ސްކައި ސްޕޯޓްސް އިޓާލިއާ” އިން ރިޕޯޓުކޮށްފައިވާ ގޮތުގައި، މެންޗެސްޓަރ ޔުނައިޓެޑުން ކޫލިބަލީ ގަތުމަށް 71 މިލިއަން ހުށަހެޅި ކަމުގައި ވިޔަސް، ނަޕޯލީން ބޭނުންވަނީ 89 މިލިއަން ޕައުންޑެވެ. މިދިޔަ ހޫނު މޫސުމުގެ ޓްރާންސްފަރ ބާޒާރުގައި ކޫލިބަލީ ގަތުމަށް 100 މިލިއަން ޕައުންޑު ހުށަހެޅި ނަމަވެސް، ނަޕޯލީން ވަނީ އޭނާ ނުވިއްކާނެ ކަމަށް ބުނެފައެވެ. ނަމަވެސް، އޭގެ ފަހުން އެޓީމުން ވަނީ ކޫލިބަލީ ގެ އަގު ތިރިކޮށްފައި ކަމަށް ޚަބަރުތައް ބުނެއެެވެ.
މެންޗެސްޓަރ ޔުނައިޓެޑުގެ އިތުރުން، ލިވަޕޫލް އާއި، ޕީއެސްޖީން ވެސް ކޫލިބަލީ ހޯދުމުގެ މަސައްކަތް ކުރަމުން އަންނަ ކަމަށް ޚަބަރުތައް ބުނެއެެވެ.
އިޓާލިއަން ލީގުގެ ތާވަލުގެ ހަވަނައިގައި ނަޕޯލީ އޮތްއިރު، ހަތަރުވަނައިގައި އޮތް އެޓަލާންޓާ އާއި އެޓީމާ ދެމެދު ދެމެދު ނުވަ ޕޮއިންޓުގެ ފަރަގެއް އެބައޮތެވެ. އެޓަލާންޓާ އޮތީ ރަނގަޅު ފޯމެއްގައި ކަމަށްވުމުން މި ސީޒަނުގައި ޗެމްޕިއަންސް ލީގުގެ ޖާގައެއް ނަޕޯލީ އަށް ލިބުމަކީ އެހާ ފަސޭހަ ކަމަކަށް ނުވާނެއެވެ.
ލިޔުންތެރިޔާގެ ފުރަމަލަ
- އަޙްމަދު ޝާމިން މައިގަނޑު ގޮތެއްގައި ލިޔާނީ ކުޅިވަރު ޚަބަރުތަކެވެ. ފިލްމީ އަދި މިއުޒިކީ ދާއިރާ ނޫން އެހެން ހުރިހައި ދާއިރާތަކަށް ވެސް ޝާމިން ލިޔާނެއެވެ.
މި ލިޔުންތެރިޔާގެ ބައެއް އެހެން ލިޔުންތައް
- 5 ޖެނުއަރީ 2022ޚަބަރުކޮވިޑް ކޭސްތައް ގިނަވެ އިނގެރޭސި ލީގު ކަޕް ސެމީ ފައިނަލް މެޗު ފަސްކޮށްފި
- 4 ޖެނުއަރީ 2022ޚަބަރުއާ އަހަރު ކުޅުނު ފުރަތަމަ މެޗުން ޔުނައިޓެޑް ބަލިވެއްޖެ
- 4 ޖެނުއަރީ 2022ޚަބަރުފްރެންޗް ކަޕްގެ ގެ ގަދަ 16 އަށް ޕީއެސްޖީ ދަތުރުކޮށްފި
- 2 ޖެނުއަރީ 2022ޚަބަރުރޮޑްރީގެ ގޯލުން ފަހު ވަގުތު ސިޓީން އާސެނަލް ބަލިކޮށްފި
