ކޮވިޑް-19 ބަލިމަޑުކަމާއި ގުޅިގެން ރާއްޖޭގެ ސުކޫލުތައް ބަންދުކޮށްފައި އޮތްއޮތުމަށް ނިމުމެއްގެނެސް “ނިއުނޯމަލްގައި” ސުކޫލުތައް ހުޅުވުމަށް ޓަކައި، ވާންޖެހޭ ތައްޔާރީތަކުގެ ގޮތުން ސުކޫލުތަކަށް ބޭނުންވާ ޑިޖިޓަލް އައިއާރު ތާމޯމީޓަރ ހޯދުމަށް މިނިސްޓްރީ އޮފް އެޑިއުކޭޝަނުން އިޢުލާނުކޮށްފިއެވެ.

އެކަމާއި ގުޅިގެން މިއަދު އެ މިނިސްޓްރީން ކޮށްފައިވާ އިޢުލާނުގައި ބުނެފައިވަނީ ކޮވިޑް-19 އާ ގުޅިގެން ސްކޫލްތަކުގައި ބޭނުންކުރުމަށް 500 ޑިޖިޓަލް އައިއާރު ތާމޯމީޓަރ ބޭނުންވާކަމުގައެވެ.

އެ އިޢުލާނުގައި އިތުރަށް ބުނެފައިވާގޮތުގައި އެ ޕުރޮޖެކްޓަށް ބީލަން ހުށަހެޅޭނީ މިނިސްޓްރީ އޮފް އިކޮނޮމިކް ޑިވެލޮޕްމަންޓުގެ ކުދި އަދި، މެދު ފަންތީގެ ވިޔަފާރީގެ ގިންތިއަކުން ގިންތިއެއްގައި ރަޖިސްޓަރީ ކުރެވިފައިވާ ދިވެހި ވިޔަފާރިތަކަށެވެ.

މި ޕުރޮޖެކްޓުގައި ރަޖިސްޓަރީ ކުރުމަށް 05 ޖޫން 2020 އިން 09 ޖޫން 2020 ނިޔަލަށް މި ލިންކު މެދުވެރިކޮށް ފޯމު ހުށަހެޅުއްވުމުން ރަޖިސްޓަރީ ކޮށްދެވޭނެކަމަށާއި، ބީލަން ހުށަހެޅޭނީ މިމުއްދަތުގައި ރަޖިސްޓަރީ ކުރާ ފަރާތްތަކަށް ކަމުގައި އިޢުލާނުގައިވެއެވެ.

މި ޕުރޮޖެކްޓާއި ބެހޭގޮތުން އެއްވެސް ސުވާލެއްވާނަމަ 10 ޖޫން 2020 ވަނަ ދުވަހުގެ 14:00 ގެ ކުރިން [email protected] މި އީމެއިލް އެޑްރެސް އަށް ފޮނުވުމަށް އެ އިޢުލާނުގައި ބުނެފައިވެއެވެ.

ޕުރޮޖެކްޓްގެ ބިޑު ސެކިއުރިޓީގެ ގޮތުގައި (10000.00ރ) ދިހަހާސް ދިވެހި ރުފިޔާ ހުށަހަޅަންވާނެ ކަމަށާއި، އަދި ބިޑު ސެކިއުރިޓީގެ މުއްދަތަކީ ބިޑު ހުޅުވާ ތާރީޚުން ފެށިގެން 30 ދުވަހެވެ. ބިޑު ސެކިއުރިޓީ ހުށަހަޅަންޖެހޭ ގޮތް ބީލަން ފޮތުގައި ބަޔާންކޮށްފައި ވާނެކަމަށާއި، ބީލަންފޮތް އިޢުލާނާއެކުގައި އެޓޭޗުކުރެވިފައިވާނެ ކަމުގައި އެޑިއުކޭޝަން މިނިސްޓްރީން ބުނެފައިވެއެވެ.

ބީލަން ހުށަހެޅުމާއި ބީލަން ހުޅުވުން އޮންނާނީ 15 ޖޫން 2020 ވަނަ ދުވަހުގެ 11:00 ގައި މިނިސްޓްރީ އޮފް އެޑިއުކޭޝަންގެ 09 ވަނަ ފަންގިފިލާގެ މީޓިންގ ރޫމް 1 ގައި ކަމަށް އިޢުލާނުގައި ބުނެފައިވެއެވެ.

ލިޔުންތެރިޔާގެ ފުރަމަލަ

އިބްރާހިމް ޚަލީލް
އިބްރާހިމް ޚަލީލް
މުނިއަވަސްގެ ޑެޕިއުޓީ އެޑިޓަރ އިބްރާހިމް ޚަލީލްގެ ޚާއްޞަ ދާއިރާ ތަކަކީ ދީނީ، އިޖްތިމާޢީ އަދި އަދަބިއްޔާތެވެ. ކަރަންޓް އެފެއާޒަކީވެސް އޭނާ ފަރިތަ ދާއިރާއެކެވެ.

ގުޅުންހުރި ލިޔުން: