ކޮރޯނާ ވައިރަސް އާއި ގުޅިގެން މެދުކަނޑާލާފައިވާ ޔޫރަޕުގެ އެންމެ ޝަރަފުވެރި ފުޓްބޯޅަ މުބާރާތް ޔުއެފާ ޗެމްޕިއަންސް ލީގާއި، ޔޫރަޕާ ލީގު އަލުން ފެށުމަށް ތައްޔާރުވަމުން އަންނައިރު، އެ ދެ މުބާރާތް ވެސް، ކުއާޓަރ ފައިނަލުން ފެށިގެން ވަރލްޑް ކަޕް ސްޓައިލަށް ކުރިއަށް ގެންދިއުމަށް ޔުއެފާ އިން މަޝްވަރާތައް ކުރަމުން އަންނަ ކަމަށް ރިޕޯޓުތައް ބުނެފިއެވެ.
މިކަމަށް ޚާއްޞަކޮށްގެން ޔުއެފާ އިން މިހާރު ޓީމެއް ވެސް އެކުލަވާލާފައި ވާއިރު، ޖޫން 17 ވަނަ ދުވަހުގައި އޮންނަ ބައްދަލުވުމުގައި މިކަމާއި މެދު ގޮތެއް ނިންމާނެ ކަމަށް ޚަބަރުތައް ބުނެއެވެ. ކުއާޓަރ ފައިނަލާއި، ސެމީފައިނަލުގައި މިހާރު ކުޅެމުންދާ “ހޯމް އެންޑް އަވޭ” ގެ ބަދަލުގައި ޔުއެފާގެ ވިސްނުން ހުރީ ވަރލްޑް ކަޕުގައި އޮންނަ ގޮތަށް އެއް މެޗު ކުޅޭށެވެ.
ކޮރޯނާ ވައިރަސް އާއި ގުޅިގެން ސަޕޯޓަރުން ނުވައްދާ ކުޅެންޖެހުމުން ޗެމްޕިއަންސް ލީގު 2019/2020 ވަނަ ސީޒަނުގެ ފައިނަލް މެޗު ބޭއްވުމަށް ދާ ޚަރަދު ފޫނުބެއްދޭނެތީ، އިސްތަންބުލް ސިޓީން އެހެން ސިޓީ އަކަށް ފައިނަލް މެޗު ބަދަލުކުރާނެ ކަމަށް ބެލެވެއެވެ. ޚަބަރުތައް ބުނާގޮތުގައި ފައިނަލް މެޗު ބޭއްވުމަށް އެންމެ ބޮޑަށް ވާދަކުރަނީ ރަޝިއާގެ މޮސްކޯ އާއި، ޖަރުމަނުގެ ފްރޭންކްފަރޓް އަދި ޕޯޗުގަލްގެ ލިސްބަން އެވެ.
ޖަރުމަނުގެ ކުޅިވަރުގެ ނޫހެއް ކަމަށްވާ “ބިލްޑް” އިން ރިޕޯޓުކޮށްފައިވާ ގޮތުގައި ޔުއެފާ ޗެމްޕިއަންސް ލީގު ބޭއްވުން އެންމެ ގާތީ ޕޯޗުގަލްގެ ލިސްބަން ގައެވެ. އަދި، ޔުއެފާ އިން ބޭނުންވަނީ ހުރިހާ މެޗެއް ވެސް އެއް ދަނޑެއްގައި ކުޅުމަށް ކަމަށްވާއިރު، ލިސްބަން އަކީ އެކަމަށް އެންމެ އެކަށޭނަ މާހައުލެއް އޮތް ސިޓީ ކަމަށް އެ ނޫހުގައި ބުނެފައިވެއެވެ.
ލިޔުންތެރިޔާގެ ފުރަމަލަ
- އަޙްމަދު ޝާމިން މައިގަނޑު ގޮތެއްގައި ލިޔާނީ ކުޅިވަރު ޚަބަރުތަކެވެ. ފިލްމީ އަދި މިއުޒިކީ ދާއިރާ ނޫން އެހެން ހުރިހައި ދާއިރާތަކަށް ވެސް ޝާމިން ލިޔާނެއެވެ.
މި ލިޔުންތެރިޔާގެ ބައެއް އެހެން ލިޔުންތައް
- 5 ޖެނުއަރީ 2022ޚަބަރުކޮވިޑް ކޭސްތައް ގިނަވެ އިނގެރޭސި ލީގު ކަޕް ސެމީ ފައިނަލް މެޗު ފަސްކޮށްފި
- 4 ޖެނުއަރީ 2022ޚަބަރުއާ އަހަރު ކުޅުނު ފުރަތަމަ މެޗުން ޔުނައިޓެޑް ބަލިވެއްޖެ
- 4 ޖެނުއަރީ 2022ޚަބަރުފްރެންޗް ކަޕްގެ ގެ ގަދަ 16 އަށް ޕީއެސްޖީ ދަތުރުކޮށްފި
- 2 ޖެނުއަރީ 2022ޚަބަރުރޮޑްރީގެ ގޯލުން ފަހު ވަގުތު ސިޓީން އާސެނަލް ބަލިކޮށްފި
