“ފުރަބަންދު”ގެ ނަމުގައި މަޝްހޫރު ޕްރޮޑަކްޝަން ހައުސް، ‘ދެކެ ދެކެ ވެސް ޕްރޮޑަކްޝަން’ އިން ޑްރާމާ ސީރީޒެއްގެ މަސައްކަތް ފަށައިފިއެވެ. ދިވެހިންގެ ތެރޭގައި ބޮޑު މަޤްބޫލުކަމެއް ހޯދާފައިވާ މުޙައްމަދު ޢަބްދުﷲ (މުހައްމާ)ގެ އަމިއްލަ ޕްރޮޑަކްޝަން ހައުސް އިން އުފައްދާ މި ސީރީޒްގެ މަސައްކަތް ފެށީ މިއަދު މެންދުރު ކުރީގެ ވަގުތެއްގައެވެ.

މުޙައްމަދު ޢަބްދުﷲ (މުހައްމާ) މުނިއަވަސް އަށް ބުނީ މިއީ ޖުމަލް 05 އެޕިސޯޑްގެ ސީރީޒެއް ކަމަށާއި މި ސީރީޒުން ދައްކައިދޭނީ ކޮވިޑް-19ގެ ފުރަބަންދު ނުވަތަ ލޮކްޑައުންގައި ހިނގާ ކަންތަތަކެއް ކަމަށެވެ.

“މީގައި ހިތާމަވެރި ކަންތައްތަކެއް ވެސް ފެނިގެންދާނެ. ކޮވިޑް-19 އާ ގުޅޭ މުހިންމު މެސެޖްތަކެއް ވެސް ފެނިގެންދާނެ.” މިއަދު މަސައްކަތް ފެށި ސީރީޒްގެ މަޢުލޫމާތު މުނިއަވަސް އާއި ހިއްސާކުރަމުން މުހައްމާ ބުންޏެވެ.

“ފުރަބަންދު”ގެ މުހިންމު ކާސްޓަށް ބަލާލާއިރު، މަޝްހޫރު އެކްޓަރ/ޑައިރެކްޓަރ ޢަލީ ސީޒަން އާއި އެކު ހަރަކާތްތެރިވާނީ ނާޝިދާ މުޙައްމަދު (ނާއްކޮ) އާއި ބައިސްކޯފްގެ ސީރީޒް “ތިން ބިބީ” އިން ފިލްމީ ދާއިރާއަށް ތަޢާރަފުވި ވާޝިޔާ މުހައްމަދު (ޝިޔާ) އެވެ.

މި ސީރީޒްގެ އެޕިސޯޑްތައް ޑައިރެކްޓްކުރަނީ ސީޒަން އެވެ. ކެމެރާކުރަނީ ޝިވާޒް ޢަބްދުﷲ (މާސްކޭ) އެވެ. ސީރީޒްގެ އެޑިޓިން އާއި ޕޯސްޓް ޕްރޮޑަކްޝަންގެ މަސައްކަތްކުރާނީ އިތުރު ތަޢާރަފަކަށް ބޭނުން ނުވާ ޢަލީ ރަޝީދު (ގޮޅާ އައްޔަ) އެވެ.

މިއީ މުހައްމާގެ ކޮންސެޕްޓަކަށް “ހަނާ” ވެބް ސީރީޒް ލިޔުނު ރިނާޒާ ލިޔެފައިވާ ސްކްރީންޕްލޭއަކަށް ހަދާ ސީރީޒެކެވެ.

މި ސީރީޒް ދެއްކުމަށް ހަމަޖެހިފައިވަނީ މުނިފޫހިފިލުވުމުގެ ކޮންޓެންޓް ދައްކާ ދިވެހި ޗެނަލް އައިސް ޓީވީންނެވެ.

ލިޔުންތެރިޔާގެ ފުރަމަލަ

އަޙްމަދު ރަޝީދު

ހުރިހައި ދާއިރާއެއްގެ ލިޔުންތައްވެސް މުނިއަވަސްގެ ފައުންޑަރ އަދި ޗީފް އެޑިޓަރ ލިޔާނެއެވެ.

މި ލިޔުންތެރިޔާގެ ބައެއް އެހެން ލިޔުންތައް

• 30 މާރޗް 2025ޚަބަރު“ސޮރީ” ފިލްމުގެ ލަވައެއްގެ ޝޫޓިންއަށް ގިނަ ޢަދަދެއްގެ ކުޑަކުދިން ބޭނުންވެއްޖެ
• 30 މާރޗް 2025ރިޕޯޓްމެލަސްމާ އަކީ ކޮބާ؟
• 30 މާރޗް 2025އިޖްތިމާޢީފާޚާނާތަށި ސާފުކޮށް ބަހައްޓައި މީރުވަސްދުއްވުމަށް މިކަން ކޮށްލާ!
• 30 މާރޗް 2025ރަހަފަތްގާލިކް ބްލެކް ޕެޕަރ ޗިކަން – މުނިއަވަސް ރަހަފަތް